龍床不及狗窟!?

lamxdxd

之前因為覺得個舊既樹頭個出入口太細既關係,加上有底,唔方便
所以就係「藝x蟹」買左個牛牛洞比隻蟹..
結果隻蟹有屋唔躲,係要躲係流木下面,連續幾日都係咁...
仲記得果陣屋企仲有人同我講話見到隻蟹係個牛牛洞後面撞黎撞去...
可能係因為之前個樹頭係2邊都通,搞到隻蟹都以為個牛牛洞係2邊都通吧...
之後我就放返個樹頭入去,隻蟹終於走入去休息..
令我覺得奇怪既就係有個出入口咁大,又冇底既牛牛洞竟然唔用,係咁鍾意個出入口又細又有底既樹頭!?
可能係因為之前已經習慣左吧...當初帶隻蟹返黎都係比佢用個樹頭的...
唔通狗窟真係比龍床好!?
不過既然隻蟹鍾意用個樹頭既,都唔迫佢用個牛牛洞了...以免令佢產生壓力,會做出自殘/裸體既行為吧
另外同大家分享一下新缸既相先...遲下先post多小小

新缸~16寸,放好所有物件都仲有位剩..


底沙3寸厚,但我仲覺得d沙好薄...