GM請入~關於合ser既問題

cac00065

我想問有無得借住合ser依個機會比舊玩家改下名
我由公測到依家都係用緊依個名,用左年幾..合ser後唔想再用同一個名~
我唔想又係第2個ser到開個同名之後又升到60級...合ser後改左名之後又唔用...

點解唔比個個玩家都有機會選擇改名/保留自己個名~

合左ser你地都改左個新既ser名...點解我地就唔可以好似新玩家咁改名..借住合SER比一次舊玩家改名既機會
隻game過左都有一年幾唔少人既ac已經唔係1手..但至少玩緊果個都係支持緊你地

樣可以用商城點品改
點解又唔出個商城改名...

因為驚d少數呃人既人改名(仲有多數呃人既玩家係用分身,低lv既人物,你以依家既改名機制咪仲易比d呃人既人改到名)
而唔比大陪分老老實實玩game玩左好耐既人改名..會唔會唔公平左d...
其實你地係咪企係我地d真係玩,真係比錢,真係支持你地既玩家角度唸過?

唔想個個改到 其實可以比有須要既人係合ser期限之前e-mail比你地改..
改左名既玩家咪係官網到開個公吿
我地依d無呃過人既玩家又無所謂
呃過人既玩家又無所遁形

有無辦法可以掙取到/申請到
只要你地提供管道我就會照住做
要係我ac到收一二百點手續費都無所谓
但最好唔洗

一直支持你地既小小玩家
霜之森:冷若風


希望你地唔好因為怕麻煩多野做就一口拒絕d真正有需要同支持你地既玩家
我相信依個唔係技術解決唔到既問題..


支持的玩家請幫忙推一個

小星星

合SER至今都差唔多2個星期,想問GM到底改名個到搞成點
好想快D可以改名

cac00065

以我既經驗每個人物都有佢自己既code
例如你係ser第一個開既人物個code就係00001
如此類推
所有我地見到人物名稱，如好友列表，排行傍等
名既背後只係一堆code

只要係人物資料既file到搵到你個code,如00001.再將code後面玩家個名更改
，save完重新整理咁所有有關00001既野就會自動更新
就好似用excel咁只要set左個公式，就算係公式到代入不同
數字都好，佢都會將答案自動更新

不過要入去人物資料個file可能洩及到玩家利益所以  可能工程師要向邊到申請之類，所以佢地先話唔係改就改
不過gm都講左會考慮，咁我地都只可以相信同期待

ctb

話改就改咩要搞好多野架 -.-. 唔系錢唔錢問題
1堆昆狗改哂名仲有邊個玩game

wing_babii

希望GM可以快D研究到,然後開放改名啦

YAU♥.

其實我都想改名哈
支持
不過壞處就係昆人戈D人可以用黎改名~~

kins8553

大覺屋師真 發表於 2012-7-25 19:21
咪下下一開口就講到好似爭你錢咁至得架...
本身我地冇打算過俾玩家改名，所以前面我地同事咪就話唔得囉。
...

你無爭我錢 咁你又唔好講到我針對你咁啦(((老實講我都係第1次見你發言
再講清楚少少 我係講緊你個同事
你自己睇返11樓你同事講咩
佢由頭到尾都無話唔改得 佢話好似真實姓名咁
唔係話改就改 仲話要足夠既理由(((不如講下你有無笑左啦...至於足夠既理由我前面已經講過唔再講了
如果唔改得 咪講唔得囉
將來考慮開放改名既 咪考慮囉
好小事姐吓麻
如果覺得我講錯既 我可以道歉
如果覺得果位同事表達能力有問題既
唔該叫佢改善下
我由第1個回覆已經講明我唔需要改名
純粹係睇唔過眼
因為好多時果位同事都係比人插就潛水
唔回應=問題解決 呢樣大家有眼見
老老實實 你地真係要改善下

yoo300

讚:) 冷若風

小星星

其實我又覺得唔需要吵得咁勁,
GM話合完SER之後再研究改名個到,我冇所謂,

不過希望GM會真係會研究+盡快推出,千祈唔好只係得講字就可以了
我相信到時候,真心想改名的玩家,一定會掏出點數去改的
到時玩家玩得開心,GM又賺得開心,一舉兩得,咁咪幾好

大覺屋師真

kins8553 發表於 2012-7-25 18:45
你係咪唔明我講咩?
你地需唔需要搵藉口無人知
但係就呢個POST 好多玩家親眼睇到

咪下下一開口就講到好似爭你錢咁至得架...
本身我地冇打算過俾玩家改名，所以前面我地同事咪就話唔得囉。
只不過我見大家好似好強烈想要有得改名，所以至話合完服研究個可能性，點知就俾你講到我地搵籍口，早知我唔出聲，多一事不如少一事。為左唔想俾大家認為我地搵籍口，我刪番上面自己d留言，改名呢件事，當冇發生過。

kins8553

大覺屋師真 發表於 2012-7-25 18:20
你覺得我地需要搵籍口？收點數俾玩家轉名，淨賺咁好做我地唔想做？你以為轉名真係咁簡單改個名就搞掂？
...

你係咪唔明我講咩?
你地需唔需要搵藉口無人知
但係就呢個POST 好多玩家親眼睇到
咁你答返我地 係咪需要搵藉口?
其次 點數只係玩家既一種建議方法
表示有需要既人唔介意付出少少
而改名係要技術+時間
我亦都認同 你無睇我打咩?
最後 無人叫你地未搞掂就亂推出
而家玩家係建議你地合併就順便加埋個改名
如果有好多問題未搞好 又或者真係會認真考慮下
一開始直接講咪得囉
需唔需要咁回答(自己拉返上去睇 我唸你睇到都會笑...)

孤單心事

其實= = 改名要改好多野
好友列表   情侶  公會  等等等等   1堆野要改
仲要睇下有冇BUG     ,佢就黎合SER ,又開70LV    呢D都有可能有1堆BUG
係佢未處理好現有既BUG之前  唔好逼佢穩陣D...遲D仲多BUG  真係改左名都比你玩埋佢算
佢講得合完SER會睇下有冇機會推出改名
就得嫁啦-.-  港版咁多間代理  我真係覺得ALTA唔錯嫁啦

俠1214

點解唔計埋創造角色時間=•=

kins8553

大覺屋師真 發表於 2012-7-25 11:14
開放改名呢下，我地最擔心係騙子問題，兼且中間其實牽涉到好多技術問題，例如好友名單，例如郵箱等等，工程 ...

你地真係好搞笑
比人講中左就搵新藉口
開始話要一個足夠既理由 唔係話改就改
好啦 比玩家講到口啞啞啦
而家又話騙子問題 技術問題
技術方面我唔講啦 無可否認一定要用d時間去搞
但係騙子問題都有人提議左係官網公布名單啦
仲可以用點數先轉到名
咁算唔算解決左呢樣?
之後又要搵咩藉口黎耍玩家?
都係果句啦 唔改無問題
直接講啦 最多咪有d玩家抱怨下
但係而家一個又一個藉口
真係當人地傻既咩...

abg4b10

我好奇怪點解Alta隻隻GAME合服都係用同一個準則
玩家改名亦都係用同一個準則
冇隻GAME有人嘈
係晴空會有咁大反應?

小星星

大覺屋師真 發表於 2012-7-25 11:14
開放改名呢下，我地最擔心係騙子問題，兼且中間其實牽涉到好多技術問題，例如好友名單，例如郵箱等等，工程 ...

首先,騙子問題其實可以學下其他GMAE咁樣(例如:巨商),
D人改左名之後,係官網公布番邊個改左咩名,

至於牽涉到好多技術問題,同埋開放俾大家自由申請改名驚會出現問題,
其實我覺得最好唔好比自由申請改名,因為免費既野,大家都一定會爭住要,
可以收番少少點數作為改名費,幾多點數我地都願意比。

最後想問你地研究係咪開放俾玩家申請改名,會研究幾耐到?
因為我好希望快D改名


另外就黎8月1日合SER啦,希望GM你諗下以下問題會唔會有D唔公平..

想GM你快D答下呢個問題:http://www.agames.com.hk/forum.php?mod=viewthread&tid=84896&extra=page%3D2
合SER後,同名角色由下列資格依序進行比對，先符合資格的角色則擁有這個名字的資格。
1. 角色等級高低
2. 是否為公會會長
3. 是否為家族族長
4. 是否為公會幹部
5. 是否擁有情侶
6. 最後登出時間
我認為唔應該順次序進行比對,應該改成<符合資格最多的玩家> 擁有使用名字的權利
因為如果順序進行比對的話,咁即係根本就邊個高LV邊個羸?好唔公平...
距離合SER時間冇多啦....希望GM可以認真諗諗...唔好潛水

wing_babii

GM就係咁,岩心水既充回應,唔岩心水就潛水