玩免費ser真係好崩潰

poisonboy

收費ser無人係公認既事實，早排我決定過一過免費開ac。
走出吉恩村村長果到個門口，好開心都有d人企係吉恩水池邊，因為收費ser係唔會有人，
經過幾經辛苦賺夠1000可因，飛左去s1金大，發現都有唔少人，
但係，

一睇d檔攤，全部都係分武+2500傷up，香檳之類既強力降級用品，精智體,智敏,力敏+40up，寵70lv成600力，體智藥
當中唔少都標價上億，更加有d係淨放hkd，物價咁貴點玩呀-.-
如果唔投入適量既hkd，根本跟唔上免費ser既大主流，

如果話係白家興家都唔知要搞幾耐，有人話做一d簡單既工技賣野比人，問題係呢個過程要幾耐，可能要成年先可以夠錢買到一個品質差少少既分武

一個無任何根基既人想係半年內跟得上主流玩家只可以話一定要用適量hkd，
實在令人崩潰，分子，高級降寵用品，迷裝根本就係破壞緊遊戲當中既平衡，唔洗付出努力例如練技lv，就可以做到輕鬆秒高lv地方例如鬼殿，（我知道免費ser水木連黑洞都秒到）

~~~~~~~~~~~~~~~~~~~~~~~~~~~~~~~~~~
收費ser雖然無破壞遊戲平衡,好好咁限制左核心ob既數量，又無推出到分子迷裝次元，但係出手,怪血,技能命中遲遲未改，
都係好難玩到100lv。同時gm開ser初期又唔理bug可因，外掛問題，令可因通脹左好多，由1:5000可因，變成依家1：20-30m可因。

總結而言，收費係gm唔理玩家意見，唔做野，所以d玩家流走，
免費係本身已經形成左一種分子迷裝既風氣，令新手難以進入，

咁搞法童話遲早玩完，gm係咪都仲係唔想投放資源?

jelly

強烈要求收費ser改做免費推高人流!!!!!!!

yan135791

白手興家可以等十一週年活動.0.
不過要等一年sosad

fairyland

一至兩個118夠玩

aes090

如果想玩番無新人一齊升LV 想2轉都有問題

Nont

樓主...如果你有少少恆心...升隻廢廢地既法師...有24技...AROUND一星期到...冇戰娃...(快則一日到...全升技)
跟住係咁打怪...主要係為左遇灰喵...大約一個月到...你應該有36~40技...每一打2~3個鐘當升技OR打裝...都應有幾十萬收入...好快就買到一件精裝...如此類推...2轉後...相信好快就可以轉生...更加有一定既可因...
重點係...你有冇恆心去玩...

poisonboy

咁無理由用到咁多時間投入去，時間成本過大

poisonboy

(我是來推post的)

yushiko

我就係重玩既舊玩家,講真e家唔放hkd落去都好難有勁裝
同埋都唔知點先識到朋友組團升lv

蘋果味牙籤

俾人帶升3隻80LV
然後掛次元
一隻一場30-35萬左右
3隻=一場100萬
一日有 0900 1500 1630 1800 1930 5場
一日500萬
兩日1000萬
20日已經1億
當你有時入唔到 有時會輸
都幾千萬 真係唔好話D老手唔搞精你

千祈唔好升幸商 你唔夠班老手黎架喇
佢地成2000幸 你無年幾兩年都做唔到呢個數
挖礦研磨都可以諗下既
童話可以無限開 睇黎點玩
講真 你估班老手真係坐定定得錢跌落黎咩
人地呢10年花左幾多時間?
no pain no gain 無不勞而穫

蘋果味牙籤

蘋果味牙籤 發表於 2013-7-22 18:32
俾人帶升3隻80LV
然後掛次元
一隻一場30-35萬左右

阿~
唔記得講
你搞哂我講既咁多野都唔知賺到幾多
但你俾$200HKD 就已經有3億4千萬 =D (有D人放1:170)
所以真係睇你點玩喇~

蘋果味牙籤

不過就咁聽樓主講
其實樓主根本就想不勞而穫
完全無諗過人地點解可以咁勁又咁有錢
分子係官方出 ok 之但係無高傷武又點分到更高傷既武?
但高傷武點黎架? 唔係D人努努力力辛辛苦苦咁升技LV 升LV升幸
將D鞭,算整到勁高傷?
你話佢地係HKD戰士 ok fine 咁人地付出既唔係時間 係金錢 咪一樣

高級降級寵物物品又係 降升唔洗時間? 你估一隻過千屬既寵好易有?

迷裝又係 無高幸人 迷裝=nothing 但高幸人又點黎?

你再諗下其實自己講緊D咩

歐陽小王

唔洗付出努力例如練技lv，就可以做到輕鬆秒高lv地方例如鬼殿

點解唔洗付出努力
就算用HKD玩 都好哂時間去升寵 升人
我以前都覺得精算姐..有錢好快升到啦
當我自己由1升到180精算個陣 我無勁火智 問FD借左隻千力寵 都要升半日
你呢篇簡直係廢話黎 唔肯付出努力就想同依家既人一樣咁勁?

fairyland

用HKD玩有好有唔好
對我呢d又要返工又要讀書d人黎講
冇咩時間
買包方便左我

joelok051205

...........................

蘋果

我認同樓主,呢一句:如果唔投入適量既hkd，根本跟唔上免費ser既大主流
反之,我投入$200,同以前一齊玩既族FD,收左平平地既分鞭,+經裝~仲有錢淨買幻營合寵同旁身(不過其實冇都OK..次元可以儲生活費)
就已經可以輕鬆打水木以下任何地區,水木都差少少秒(未升好技)
咁錢,玩具卡娃,原石,捉寵(稀),打保,買精裝提昇自己~樣樣做到,唔知係咪樓主想要既"大主流"?
我自問都好懶.我身邊個個100LV以上,Lv150around~相信佢地俾我更努力
但我依然唔認為有HKD就輕鬆.有好多玩家即使有HKD,都仲要時間升LV,升技,!升寵!,唔係講到2,3日可以成為你口中既"高手級主流"

我就同意 蘋果味牙千 講的..
"""分子係官方出 ok 之但係無高傷武又點分到更高傷既武?
但高傷武點黎架? 唔係D人努努力力辛辛苦苦咁升技LV 升LV升幸
將D鞭,算整到勁高傷?
.....抄到底"""---分子係*倍數,官方D高傷武都2轉先用,而2轉之後升LV要打高LV勁怪,冇勁裝,點打?
唔係平衝破壞,係層次唔同.
分子同謎裝提昇實力,根本沒破壞遊戲平衡.(可能你拎分裝打月光,覺得同以前比,係好破壞生態平衝冇得講..)
只係樓主既平衝,可能太耐冇玩,停留係5年前?
當時遊戲極地係水木先算,幾個黑洞組隊就夠打..
咁人地黑洞練得咁辛苦,都想有日好似商人白金咁,出手秒全場架
有左體精裝,法術系角色可以留返D點,專心配智,令法術傷害提升,先做到樓主口中既"黑洞秒水木"
E家我當你HKD大量轟入,你估點解咁少人上冰2升?因為唔係好多人做到咁努力咁快升到秒冰實力水平
E家你入黎,帶升水木都係50M~70M,買個包有超E,升半隻都2轉啦..到時自己打寶賺錢,升到71打次元賺生活費,咁易追主流(2轉),
俾3日lunch飯錢就可以追上人地1年努力既主流,仲有咩好怨?

補充一.."唔洗付出努力例如練技lv，就可以做到輕鬆秒高lv地方例如鬼殿"呢句好過份..我升左少少技,仲未秒到!都冇得怨..唔俾心機升技就講呢句說話,好唔負責任

euroline

根本樓主係想一玩就要速成又要勁唔想晒時間練

不嬲時間=金錢

你玩月費都要$,你用2個月月費收童$已經夠玩

想勁又唔放時間,又唔放金錢,你咩game都玩唔到ga la

poisonboy

中肯d黎講，我又真係講得太輕鬆左d既，不過，
個程度依然係可以話容易，
根據#13歐陽小王所言：
唔洗付出努力例如練技lv，就可以做到輕鬆秒高lv地方例如鬼殿

點解唔洗付出努力
就算用HKD玩 都好哂時間去升寵 升人
我以前都覺得精算姐..有錢好快升到啦
當我自己由1升到180精算個陣 我無勁火智 問FD借左隻千力寵 都要升半日
你呢篇簡直係廢話黎 唔肯付出努力就想同依家既人一樣咁勁?
~~~
你可能覺得自己投入/借到正野，升技都要用半日咁樣係一件好平常而且需要付出既事，我唔否定，
但係正正因為係咁，我先話平均被破壞，
1技至180技竟然可以用半日搞點....
我既意思就係咁~

poisonboy

至於其他問題主要係因為怪血100lv以上跳得太極端，你地可能覺得分鞭呢d係好正常姐~習慣左d怪係好高血隨隨便便都幾萬甚至10萬，根本用分鞭係一件必然既事，
正正係因為咁，我先覺得平均破壞左，就算你練到130鞭技，加一條400傷鞭，400力寵，如果屬性唔岩,唔加攻根本就秒唔到100以上lv體怪，
相反，如果你有一條分鞭，個傷害會比起你練到130技更高傷，變相係依賴左裝備，隨隨便便一個有分鞭既魔使，50鞭技配2隻唔靠高級降級用品既力寵都可以秒到水木

poisonboy

蘋果 發表於 2013-7-23 11:23
我認同樓主,呢一句:如果唔投入適量既hkd，根本跟唔上免費ser既大主流
反之,我投入$200,同以前一齊玩既族FD, ...

我相信我既陳述以誇張少少既手法帶出係我既失誤，我並唔否定你所付出既努力同事實，只係我既意思誇大左，
但係，
情況依然係唔理想，
俾3日lunch飯錢就可以追上人地1年努力既主流

你呢句已經係顯示緊平均既破壞，點解淨係比錢就可以蓋過努力?
無分鞭既時候，我地會日日夜夜努力升技到100鞭技左右，配2隻400力寵武化獸化，加一條400傷鞭先秒到水木，
何解依家會變相係個價值觀變左靠裝備提高全場技既傷害
或姐靠裝備去令到自己可以係短短時間中以絕對誇張既速度增加技能exp??
正如歐陽小王所言:(當我自己由1升到180精算個陣 我無勁火智 問FD借左隻千力寵 都要升半日)
點解可以完全靠裝備拼出個升技速度，而唔係gm出手干預修改技能增加公式/刪除部分裝備或武器，保持平衡既升技速度？