《九年童伴‧您的童話》 回憶中的美 ~

OROCHI．謙

《九年童伴‧您的童話》
角色名稱:0o家謙o0

童話係我第一次玩既online game~果時因為見到隻game係有幻獸養~
我因為相當鍾意育成寵物呢個元素~而且d寵既樣子都好可愛就加入左童話~
剛踏足童話時,因為係新手好多野都唔識。連邊度轉職都唔知~因為我果時係買新手碟玩
送左好似1萬可因我~~我果時有人係新手村向我兜售一隻火飄~我果時傻傻的用8000蚊買左(有冇人都試過??)~
之後好彩有個經過新手村既人教我玩~當佢一用法師既招"大地之怒" 果d我要打3~4下先死既怪一下秒殺~我就決定了想做既職了~
有了明確目標~就係一輪努力練等~終於可以去好舊玩家既一個集體回憶~"史洞"相信舊玩家一家好認同~~
係果處我仲認識左童話入面既老婆~真係要多謝史王~
我中學既fd都跟我一齊玩~~佢玩幻c ~幻c 呢個職係果時真係"有事鍾無艷 無事夏迎春"
可能因為升等真係冇咩效率~要一隻隻打~冇咩人會組一個幻c升~
跟住個fd都開法c一齊玩~~一齊升到3x~4x lv~有一大段時間都在月光村打寶石獸,黑骨,雪怪,黑石~
接著2轉職業登場~,比魔獸使既合體深深吸引~我就走左去玩~朋友就轉玩456木頭人既僧侶~
玩到68lv學會合體時~因為見到果時闇c 既強~又想試玩~不過升闇技真係個地獄呢~*可能係要得到力量,就要去地獄受受苦吧?
到最後都冇堅持繼續玩了~而且魔c 既合體又得到~連果時一直想要既卡拉龍都捉埋!!一來因要工作既關係~二來目標都完成埋~所以慢慢淡出了童話~
不過當過了一段時間...間中就會好似老人家風濕痛咁,,就會down個主程式裝返黎開黎行下睇下~望下d寵既樣~影下相咁~行下金商~
近呢個月又係如是者咁返黎重溫果份感覺~~偶然之間見到魔獸使原來有招果時我冇既招~~"獸神衝擊"~
令我又燃起遊戲中既目標~其實仲有好多好多回憶~真係不能盡錄~如童週~童卡~果d有公仔送既特別包~對於我都有d小故事..
童話令我認識到我女朋友~雖然網上感情好多都呃人,我好慶幸我雖然在game加點加得差冇咩抽獎運~但比我係史洞遇上她~
童話不經不覺就9週年~好希望可以一直落去~如果推出資料片~我相信好多好似我呢d舊玩家都會回來呢個大家庭~就如我和我女朋友一樣!