版主入黎睇下 幾個希望改或推出既建議 6/3更新

小霆

如題... 希望版主會同代理反映下

1) 頻道戈方面希望可以推出更多快速鍵方便玩家@@

2) 狀態BUFF 戈方面.. 希望諗D方法可以全部顯示出黎... 例如有版友提過下 縮細小小 等等..

3) 希望官方考慮下推出 重新改玩家名字 呢個系統... 我諗好多人都想.. 我知可能會有負面野 (例如邊個騙子之類似的..
  但係可以再整D預防既野~! 例如.. 係官網到整個更改名字名單~!  改過名既玩家 都會係名單入面 比人知道~!

4) 希望官方可以推出更多情侶間既系統 / 活動 @@ .. 淨係得情頻技能 太普通了... 希望推出多D野@@

5) 關於公會系統方面.. 如果想開一個新公會 再升5級公會 , 其實而家大部份玩家都已經停係60等級 , 仲邊有人會做會任去升? 希望設計下仲有無其他方法升公會等級

6) 上一次更新推出既新控制方法.. 希望可以加返開/關 功能比玩家選擇...  官方做既野應該係要方便玩家 , 唔係逼玩家去遷就返隻game

7) 戰場方面.. 上次更新 變左會自動降低玩家既遊戲設定 降到好低.. 其實咁樣同 出面而家強制取消無限上網有咩分別.. 治標唔治本.. 點解係要玩家去遷就隻game 而唔係隻game去諗解決方法?

8) 仲有星空武鬥場 . . . 我唔明點解要分開時段制 / 兩種模式 去限制玩家入去玩 . . .  e.g 24小時開晒兩種模式出黎 比玩家自己決定去玩邊種唔好咩? 其實深夜都仲有好多人玩 , 結果個個都逼住要企城無野做

9) 都係關於角色名字方面... 其實有d玩家開完角色之後 好耐無上線 , 但係又佔用左個名  .. 其實都幾唔方面.. 官方可唔可以考慮下 如果太耐無上線既玩家 自動del acc? 如果想玩返可以寄信去補領返 再改名


暫時諗到係咁多住先... 希望版主真係會反映下啦= = 我諗呢D野真係會增加遊戲可玩性 + 耐玩度 + 流暢度~!

喵子♀淩

<3<3<3大力支持:$:$

GentlemanBeard

各位的建議當然都會反映啦。

小霆

寫多左野.. 版主反映下thx

pgchicken

其實已經反映左

小霆

做得好呀版主^^
做到野WO 真係準備改^^
仲有其他幾點希望都努力爭取下呀~!
都幾方便其他玩家嫁都~
例如名字戈邊.. 有D幾個月無ON 仲要好低LV  霸住左個名其實都幾煩~

pgchicken

名字果度之前有同大家講過，基於各種問題，應該唔會整有關道具
如果大家真係咁有需要改名，可以致電客服查詢有關服務，不過可能需要一定手續費

順帶一提，改名需要非常極度特殊既理由，客服人員先會進行處理，一般個案係唔會有有關服務

小霆

O... 既然係咁既話 都唔該你先A_A
做到野呀你

Prince_Secret

以上樓主既建議都幾好,除左第9項不能認同更多!

何謂霸住個名? 任何game都係,愈早開,就愈大機會用到自己想改既名,自己慢人一步用唔到都冇辦法!
假若,官方接納你呢點,俾你改到人地個名....但原本個個人突然玩返/online之類...咁你係咪要還返個名俾人地?

我只能認同可改既名係目前未曾有人使用 / 已使用既名係屬於自己AC!

badbear

pgchicken 發表於 2012-3-7 12:38
名字果度之前有同大家講過，基於各種問題，應該唔會整有關道具
如果大家真係咁有需要改名，可以致電客服查 ...

8) 仲有星空武鬥場 . . . 我唔明點解要分開時段制 / 兩種模式 去限制玩家入去玩 . . .  e.g 24小時開晒兩種模式出黎 比玩家自己決定去玩邊種唔好咩? 其實深夜都仲有好多人玩 , 結果個個都逼住要企城無野做

說好的新 "星空武鬥場"  模式呢 ???

說好的 武場幣 換 新禮物呢 ???

**** 其實 唔開新住都無所謂~ 但係 我有小小建議 ****

set 定 5 分鐘 ~ 即使唔夠 10/10 ~ 都可以自動入場 ~

例如 4/10 就 2打2 ;
6/10 就 3打3 ;
7/10 就 3打4;
8/10 就 4打4;

甘大家最多都係 5分鐘就入得 ~
唔洗成晚都 7/10 ~ 一場都打唔到 ~
好彩叫齊裝姐~ 升新人等轉武場裝個d就真係死得 ~

等成晚都無得打 ~真係趕客咩 =___=

重有 武場幣 換 新禮物 可以吸引多d人打 ~
你唔開 65lv ~ pvp 又無新禮物 ~
甘你叫人 online 掛機咩 =__=