[轉貼]三字經之香港篇

lamxdxd

人之初 口多多  笑騎騎 放毒蛇
馬照跑 女照搞  舞照跳 雞照叫
知少少 扮代表  無幾耐 扮大袋
牙斬斬 死得慘  眼眨眨 扮花旦
聲大大 無貨賣  眼大大 易學壞
周身郁 扮忙碌  眼濕濕 扮憂鬱
嘴藐藐 打得少  靜雞雞 認低威
有早知 無乞兒  晨早知 中三T
擔凳仔 霸頭位  一張票 睇到笑
好好好 睇唔到  繞埋手 晨早走
有得振 無得訓  搞搞振 無幫襯
側側膊 唔多覺  搏大霧 唔洗做
包二奶 實聽拉  o焦多件 欏黎賤
有姿勢 無實際  有交易 靠實力
七八九 飲到嘔  硬骨頭 食地球
手頭緊 搵真銀  烏啄啄 任人將
淡淡定 有錢剩  失失慌 害街坊
有得賭 精神好  三缺一 慘過乞
騰騰振 食夾棍  時運高 搏返鋪
二仔底 無得睇  隨口up 當秘笈
贏粒糖 輸間廠  贏把遮 輸架車
面懵懵 當老馮  細細兜 容易媾
女人心 海底針  十八樓 自己友
有竇口 早 d 抖 讀書少 比人藐
頭岳岳 四圍度  爛撻撻 唔負責
無晒計 發long禮 咖哩啡 扮阿姐
頻頻樸 無聯絡  姿姿整 有環境
咁人齊 等發圍  趁佢病 欏佢命
出黎威 識搶咪  唔想衰 埋大堆
有異性 無人性  有殺錯 無放過
有胸毛 出黎蒲  手毛長 性慾強
聽唔明 扮純情  懶痴纏 搏可憐
大笪地 食自己  做臭四 無定企
眼光光 等天光  印印腳 等人約
斷乜估 無痛楚  人工高 無祕撈
唔夠班 執二攤  跟老頂 有得醒
走得快 好世界  走得摩 無鼻哥
你老豆 大水牛  **詞語過濾** 大風爐
大肚dum 無信心 大蝦細 比屎喂
有background  無困難 有quali 大餐史
number one 有紋身渣fit人 有疤痕
密響call 無甩拖  手指指 靠飛史
起大屋 靠表叔  學猜枚 溝表妹
十十下 拉頭馬  中間界 騎o厘怪
唔夠皮 無面比  二三線 好難變
手指指 扮fan屎 無拉拉 整笪疤
白白凈 無性病  人嚇人 好易暈
穩穩陣 做半份  手頭緊 賣白粉
吹吹水 唔抹嘴  趁你病 撻你訂
癲癲地 唔識死  渣藍籌 唔洗愁
過大海 搏好彩  四圍走 斗疊友
口水多 無尿痾  褲頭鬆 搏街鍾
跑鍾仔 貼哥仔  當我流 拋浪頭
賣大包 任人抄  日本船 遲早完
你個仔 唔著低  去裸體 睇四仔

溫馴小牛

些三字經說什麼:em800_38:

octopus207

的覺得呢篇三字經好似諷刺緊香港...

benso33

點解有英文

Sharonaa

我認為好好笑..
係咪自己作架?

光影之翼

係咪大大寫出黎?

kennykin6280

嘩好多.....睇唔哂