衰開有條路......

lamxdxd

由細到大,就由細都衰到大
冇一年係好既
細個就成日比人打,中1果陣又比人打,我又冇做錯野, (係比屋企人打,每次打完都瘀晒)
細個果陣成日都比人罵,今時今日一樣比人罵,
細個果陣講野冇人聽,今時今日又係咁,
細個果陣講野緊有人會插咀係度多多評論,今時今日就連傾個電話都超級多評論,
細個果陣成日都病,今時今日又成日病,身體好似仲弱,
細個果陣食個早餐都冇事,今時今日連食個早餐都想嘔,
細個果陣高、瘦都比人話,今時今日去埋D所謂既「身體檢查」又比D「姑娘」話我過高同過瘦,
細個果陣反駁又唔得,今時今日反駁仲比人拎一大堆歪理反駁返,
細個果陣成日想買D野都唔比買,今時今日想買D自己鍾意既野都拖成年幾先買,
讀中學我唔想讀D太勁既中學,但冇人肯聽我講,結果依加辛苦到乜咁,
某某人走左,我一直都等佢,點知佢又變埋,
屋企人個個都只想住我成績好,但我成績完全唔掂,只有作文掂,但冇人知我作文係咁勁,
我想自己靜下,點知屋企人就成日都叫住我,
係現實永遠都搵唔到快樂,係網上至搵到快樂,
同屋企人講某D野,冇人聽之餘仲話我傻,當我D野係廢話,
想發洩但冇得發洩,係屋企人面前發洩又比人嘈,
岩岩上壇果陣成日都想將來做版主,今時今日又因為某D原因而被炒,仲要等多3個月......

天呀...到底點解我要黎依個世界?點解我要做人唔做其他生物?
點解我有福唔享得,係要受埋呢D衰野?
係咪就連食個早餐都唔得先?食得超級小份量都仲想嘔,唔係呀MA?
點解我要係作文咁勁?生我出黎就係比我作文同一生黑仔?
點解我要以動物為伴?點解我只能係屋企度屈?點解我一定要聽屋企人既說話?
高同瘦有罪?我犯左咩罪搞到要咁黑仔?點解我EQ咁低?點解我咁蠢?點解我要生活係咁既家庭?
點解我會比人話傻?點解我會咁細?點解我唔可以粗魯?我生存係依個世界有咩意義?
某FD同我講「衰開有條路」,比佢講中了...

有冇人知點解我會咁黑仔?我真係好想知點解

[ 本帖最後由 lamxdxd 於 2009-1-17 00:46 編輯 ]

叫咩好呢?

做人睇開d。
同埋我仲衰過你啦。

godzilla

衰開有條路......
（比起很多人你已經好幸福）

由細到大,就由細都衰到大
冇一年係好既
（十幾歲就叫大？有排你大呀！）

細個就成日比人打,中1果陣又比人打,我又冇做錯野, (係比屋企人打,每次打完都瘀晒)
（如果你無做錯事家人點解會打你？唔通有虐待狂咩，比人虐待點解唔報警？）

細個果陣成日都比人罵,今時今日一樣比人罵,
（比人罵都唔一定是壞事，罵你的人裡面，都有ｄ係想你好嗟）

細個果陣講野冇人聽,今時今日又係咁,
（連特首講野都無人聽啦，你算係咩呢？）

細個果陣講野緊有人會插咀係度多多評論,今時今日就連傾個電話都超級多評論,
（沒有義意的電話談話咪即係晒電話費同晒時間囉，屋企人都係想你擅用時間嗟）

細個果陣成日都病,今時今日又成日病,身體好似仲弱,
（體弱都分先天和後天，如果係先得只有後補，後天就要均衡飲食，早睡早起和多做運動）

細個果陣食個早餐都冇事,今時今日連食個早餐都想嘔,
（想嘔？通常唔係作感冒就係懷孕，消化不良和唔夠訓都會想嘔）

細個果陣高、瘦都比人話,今時今日去埋D所謂既「身體檢查」又比D「姑娘」話我過高同過瘦,
（港者冠軍張舒雅都係又高又瘦啦，咁你第時咪可以去選港姐囉）

細個果陣反駁又唔得,今時今日反駁仲比人拎一大堆歪理反駁返,
（到你真正長大成人，回頭看就知道家人為何這樣做）

細個果陣成日想買D野都唔比買,今時今日想買D自己鍾意既野都拖成年幾先買,
（當然啦，自己想買野，但要人地比錢，當然係唔比嫁啦，大個自己搵錢咪買到夠為止囉）

讀中學我唔想讀D太勁既中學,但冇人肯聽我講,結果依加辛苦到乜咁,
（家長都係想你好嗟，讀ｄ差學校可能一早變懷了呢，有邊個讀書唔辛苦嫁，唔係話無，得幾個天才囉）

某某人走左,我一直都等佢,點知佢又變埋,
（這個不了解，不願置評）

屋企人個個都只想住我成績好,但我成績完全唔掂,只有作文掂,但冇人知我作文係咁勁,
（咁得啦，第時咪去做作家囉，這行都唔錯丫）

我想自己靜下,點知屋企人就成日都叫住我,
（可能家人知道你一靜下來便胡思亂想呢）

係現實永遠都搵唔到快樂,係網上至搵到快樂,
（只顧停留在網上虛擬世界你更加沒有快樂，出去作正常社交，認識多ｄ人和事物，增值自己，放眼四方，你諗野自然會思路清晰ｄ）

同屋企人講某D野,冇人聽之餘仲話我傻,當我D野係廢話,
想發洩但冇得發洩,係屋企人面前發洩又比人嘈,
（可能世上最了解你的就是你的家人，好好珍惜）

岩岩上壇果陣成日都想將來做版主,今時今日又因為某D原因而被炒,仲要等多3個月......（乜版主就係你的將來？版主並唔係一個搵食行業來嫁播，比人炒必事出有因，點解唔襯有時間好好咁反醒下自己，不要覺得天下人必負了你，你就不會負天下人先得嫁，凡事有因必有果，你有今日的果，點解唔回想下個因係咩呢？）

天呀...到底點解我要黎依個世界?點解我要做人唔做其他生物?
（點解來這個世界這個問題，要問神先識答你，點解做人唔係其他生物，你都要問下個神先有答案，但人要學懂感恩，有手有腳還怨天怨地，難為那些孤兒／殘障人還努力求存，身在福中不知福，小心會折福呀）

點解我有福唔享得,係要受埋呢D衰野?
（本來無一物，打開心眼看世界，自然得到快樂）

係咪就連食個早餐都唔得先?食得超級小份量都仲想嘔,唔係呀MA?
點解我要係作文咁勁?生我出黎就係比我作文同一生黑仔?
點解我要以動物為伴?點解我只能係屋企度屈?點解我一定要聽屋企人既說話?
高同瘦有罪?我犯左咩罪搞到要咁黑仔?點解我EQ咁低?點解我咁蠢?點解我要生活係咁既家庭?
點解我會比人話傻?點解我會咁細?點解我唔可以粗魯?我生存係依個世界有咩意義?
某FD同我講「衰開有條路」,比佢講中了...

有冇人知點解我會咁黑仔?我真係好想知點解

有書讀，有屋住，有得食，有得穿，你咁都叫黑仔？
請好好珍惜自己所擁有的所有，
幸福唔係必然，有的時間就唔好呻，
到真係乜都冇時先叫天叫地吧！！

[ 本帖最後由 godzilla 於 2009-1-17 16:40 編輯 ]

叫咩好呢?

godzilla大大講得好好:time:

lamxdxd

細個果陣講野緊有人會插咀係度多多評論,今時今日就連傾個電話都超級多評論,
（沒有義意的電話談話咪即係晒電話費同晒時間囉，屋企人都係想你擅用時間嗟）
>我係用屋企電話傾--...

細個果陣成日都病,今時今日又成日病,身體好似仲弱,
（體弱都分先天和後天，如果係先得只有後補，後天就要均衡飲食，早睡早起和多做運動）
>太早訓訓唔到,運動我唔掂(淨係跑都可以跑到透唔到氣...)

細個果陣食個早餐都冇事,今時今日連食個早餐都想嘔,
（想嘔？通常唔係作感冒就係懷孕，消化不良和唔夠訓都會想嘔）
>唔好嚇我--...我1次都冇比人搞過,應該係後兩者

細個果陣高、瘦都比人話,今時今日去埋D所謂既「身體檢查」又比D「姑娘」話我過高同過瘦,
（港者冠軍張舒雅都係又高又瘦啦，咁你第時咪可以去選港姐囉）
>最緊要正字時間到,係「港姐」,不過我真係唔會選,選黎都唔知有咩用

細個果陣成日想買D野都唔比買,今時今日想買D自己鍾意既野都拖成年幾先買,
（當然啦，自己想買野，但要人地比錢，當然係唔比嫁啦，大個自己搵錢咪買到夠為止囉）
>有時連自己比錢都唔比買--

屋企人個個都只想住我成績好,但我成績完全唔掂,只有作文掂,但冇人知我作文係咁勁,
（咁得啦，第時咪去做作家囉，這行都唔錯丫）
>做到先算--...我出名懶

我想自己靜下,點知屋企人就成日都叫住我,
（可能家人知道你一靜下來便胡思亂想呢）
>靜都會亂諗野=0=?

同屋企人講某D野,冇人聽之餘仲話我傻,當我D野係廢話,
想發洩但冇得發洩,係屋企人面前發洩又比人嘈,
（可能世上最了解你的就是你的家人，好好珍惜）
>老實講,了解我既得呀麻...呀媽呀爸呀爺果d都唔會了解我--

岩岩上壇果陣成日都想將來做版主,今時今日又因為某D原因而被炒,仲要等多3個月......（乜版主就係你的將來？版主並唔係一個搵食行業來嫁播，比人炒必事出有因，點解唔襯有時間好好咁反醒下自己，不要覺得天下人必負了你，你就不會負天下人先得嫁，凡事有因必有果，你有今日的果，點解唔回想下個因係咩呢？）
>副業呢--...原因我諗到好耐,否則又點會寫埋悔過書--

addie1125

唔知呢.
不過人不可以每天狂抓的.