關於今次暑期繆絲活動

filex1234

ALTA如果你想賺錢 真係要比D心機留住D玩家
再加上依家暑期 點樣引到班老手回鍋或者新手入坑都係好重要既課題

但今次繆絲活動我真係睇唔透你地玩緊咩

直接講問題係邊:
一, 血太厚
二, 太高傷

你地應該真係無考慮過港服人口基數同台服既差距
完完全全照樣搬個活動黎港服就算
大佬呀 你知唔知依家隻繆絲放左係彩葉無人打啊?
唔係叫你更新D咩呀 同傳奇傾傾 改改個血量數值/技能傷害 真心唔會好麻煩架咋
港服人數比台服少咁多 然後活動王就大家一樣條件?咁樣合理?
你明唔明一個暑期活動係想點呀? 引班老手回鍋/新手入坑/留住玩家呀嘛

依家老手本身就有繆絲 加上你隻王D數值咁樣 都懶得同你磨
新手就因為隻王太高傷 想磨都磨唔到
咁樣點留住D玩家呀?
一隻活動王 明明獎勵都頗為吸引 但點解就企左係到無人打?係玩家問題?

我建議調低返個血量或者傷害就夠喇
例如隻王可能一億血既 考慮返港服玩家比台服少呢個問題 咪調到七千萬血囉
或者血量唔改都得 但傷害改返低D 等班新手都可以去磨下 依家郁D就打十萬 咪可能改做打七萬囉
唔洗改咩特效乜乜乜架 改個NUMBER咋

希望你地真係可以俾D心機考慮返港服既情況啦
一個暑期活動 然後無玩家會去參與 希望你地真係明呢件事代表緊D乜

Eva

呢種活動王已經【詞語過濾】左好耐 講過好多次

神域使者

我會再了解一下的，如果有改善的空間
會爭取8月份再辦一次的

miki0325

  呢種活動....

最多只有第1日打一次就冇再打過

又硬又難打

利申:我 仲 未 有 繆 絲

秋子Akiko

情願去刷副博佢出現都好過係到慢慢磨

llofreda720

8月有冇呀?
fav link:

洗衣機維修