[心得] [AGames] 唔識打麻雀？入黎望兩眼、打兩圈就識啦！ [複製鏈接]

司馬信

九級天神會員

http://agames.hk

Rank: 9 Rank: 9 Rank: 9

帖子: 6356
主打遊戲: 幻想神域
EXP: 164982 點
金幣: 56018 個
好友: 35
註冊時間: 2012-7-18

電梯直達

樓主

發表於 2012-11-22 23:51:08 |只看該作者 |正序瀏覽

首先，一邊打牌一邊睇係最易學既，開枱吧：http://play.agames.hk/login

「港式麻雀」係麻雀嘅其中一種玩法，雖然同廣東麻雀差唔多，但係番種就少好多。香港好多人打三番起糊（即係夠三番先可以食胡），之後全部都計「例牌」，頂龍八番、十番或十三番。因為番種少，所以特點係簡單易學。

港式麻雀由 [萬子]、[索子]、[筒子]、[番子] 所組成，經由 [上]、[碰]、[槓]、[摸牌] 等過程，將麻雀組成 [順子]、[刻子] 三張一組的牌型，並搭配 [一對眼]，共 [14] 張牌，即可胡牌。

以下係「港式麻雀」常用嘅番數，留意由於家家有求、各人的玩法都可能會有少許差異，但絕大部份以上雀友都根據下方章法計算；

假如你是初學打麻雀，請先學懂 "加一番" 和 "加三番" 的牌型，就已經夠你打滾雀界、K.O. 各種對手！

>>> 加一番 <<<

無花：冇任何花牌。

正花：花牌號數跟坐位吻合。花牌上嘅號碼1等於東，2等於南，3等於西，4等於北。例如你坐南位，摸2仔花食胡就加一番。

門清：冇上、碰、槓過牌。（打花的話是不會算門清的）

平胡：只有順子，冇刻子嘅食胡。眼可以係番子。

自摸：食胡由自己摸返嚟。

番牌：有以下三元牌嘅刻子：紅中、發財、白板。

風牌：有以下門風、圈風嘅刻子：例如坐北位有北的刻子，食胡加一番；例如北圈有北的刻子，食胡加一番。(重疊時計兩番)

花么：只有一、九、番子嘅食胡。(一、九，例如：一萬、九萬、一索、九索、一筒、九筒)

搶槓：人哋開槓嘅牌正好係自己食糊嘅牌，可以搶槓食胡。(唔可以搶暗槓，十三么例外)

海底撈月：自摸最後一隻牌食糊。

>>> 加兩番 <<<

槓上自摸：開槓補牌之後食糊。(不會再計自摸的一番)

一台花：集齊同一系列（梅１蘭２菊３竹４或春一夏二秋三冬四）嘅花牌，食胡加兩番。(與正花分開獨立計算)

>>> 加三番 <<<

花胡：集齊七隻花牌，計三番自摸。(要即時選擇是否食胡，如果放棄該手牌就不能再胡七隻此的胡）

對對胡：只有刻子嘅食胡。

混一色：只有一種花式（筒 / 索 / 萬）跟番子嘅食糊。

>>> 加五番 <<<

小三元：以中、發、白組成兩個刻子、一對眼嘅食胡。(唔再計三元牌)

>>> 加七番 <<<

清一色：只有一種花式（筒 / 索 / 萬），冇番子嘅食胡。

>>> 爆棚（增至上限番，很難出現）<<<

天胡：莊家一開牌就食糊。（只要一開牌就食胡，即使番數不足也可食胡。補花後都可以食。）

地胡：食莊家打嘅第一隻牌。（只要一開牌就食胡，即使番數不足也可食胡。莊家第一張牌出沖由莊家比錢，其他三家的第一張牌打出為自摸，兩種都叫地胡）

大三元：集齊中、發、白三個刻子嘅食胡。

十三么：以門清集齊十三種么牌（一九筒、一九索、一九萬、東南西北中發白）各一張，再加其中一張做眼。可以搶暗槓。

小四喜：以東南西北組成三個刻子、一對眼嘅食胡。

大四喜：以東南西北組成四個刻子嘅食胡。

全么九：只有一，九嘅食胡。

字一色：只有番子嘅食胡。

九子連環：門清集齊同花式 1112345678999 另加任何一隻同花式牌食糊。

坎坎胡：只有刻子、而且全部牌必須都是自己摸回來，不許碰別人打出的牌（否則只算為對對胡）。

八仙過海：集齊八隻花，當例牌自摸。

十八羅漢：開咗四個槓嘅食胡。食糊時牌數要有十八張。

槓上槓自摸：連續開兩個槓之後食糊。開第二槓一定要係第一槓嘅補牌。兩槓之間要補花就唔算槓上槓。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

大致係咁多啦，如果有其他規則我講漏，應該都係好少用到或者唔係重點。當你打牌打一段時間之後自然會識！
最重要既~~~ 打麻雀最緊要係乜？
「牌品好，人品自然好。愈爛嘅牌就愈要比心機打！」