來傾下個時裝強化膠囊

大覺屋師真

大家放心，暫時我地未有立場幾時推出，不過既然有呢個系統，唔出又好似好浪費，所以不如傾下點樣改良個系統再推出仲好啦~~~

睇過上面有個post，我發覺大家對個系統個誤解都幾深下：
1. 首先，並唔係全身5件時裝都可以強化，只係頭、身、同武器可以強化，而其中只係頭同武器有高階強化，身只係初階，所以點都冇可能出現多左6000血既情況。
2. 除左轉蛋拎到，遊戲副本都會跌膠囊。
3. 強化係有成功率，一件時裝只可以強化五次，所以好難好難至會有機會五次都成功。

歡迎大家提出意見，一齊研究下點樣先至公平啦。

badbear

Mandii 發表於 2012-1-4 12:39
你可以自稱霸星ONLINE, 塔王ONLINE等等
但一眾巴哈巴打都稱晴空為御靈ONLINE
反傷ONLINE都得>.^ ...

反傷真係甘惡 ??
刺客照秒陰陽吧~
弓手~流星一野死幾件啦
塔王一吸~ 照殺~
老老實實~ 你講到甘屈機~ 反傷online ~
打星空你見到反傷會掉頭走 ?
我又唔信喇~ 你未殺過陰陽 ??

如果你又打得贏陰陽~ 見到反傷又唔會掉頭走~
甘叫咩 反傷 online ~

tomtom35

御靈冇左反傷仲林過舊豆腐,到時玩咩

玄米茶Wg

大覺屋師真 發表於 2012-1-4 00:17
多謝樓上咁多位大大~~~我地今日同台灣溝通過，亦將大家既憂慮反映左俾佢地知，台灣原廠都十分重視香港玩家 ...

點解要整多款唔扣次數既膠囊 咁你整5次黎做咩.... 咁你果5次有咩意思..
如果係既 可唔可以當如果成功第一次之後先計次數/當5次失敗都可以再衝 但只可以成功1次
唔係改左能力就可以比人無限整,如果係咁同唔改有咩分別...仲差左囉,之前都話好難先5次成功

3C.

御靈冇/調低反傷又會變左廢職架啦喎.

Mandii

badbear 發表於 2012-1-4 11:42
霸星血多~ 攻高~ 又有反傷 ~ 點解唔叫 霸星online >.<
塔王~ 一吸死一堆 ~  點解唔叫塔王 online >. ...

你可以自稱霸星ONLINE, 塔王ONLINE等等
但一眾巴哈巴打都稱晴空為御靈ONLINE
反傷ONLINE都得>.^

badbear

Mandii 發表於 2012-1-4 11:40
抗反傷唯一可行既方法咪調低反% OR  加上反機率, 而唔係100%
台灣究竟知唔知呢隻GAME依家比人叫御靈ONLIN ...

霸星血多~ 攻高~ 又有反傷 ~ 點解唔叫 霸星online >.<
塔王~ 一吸死一堆 ~  點解唔叫塔王 online >.<

Mandii

大覺屋師真 發表於 2012-1-4 00:17
多謝樓上咁多位大大~~~我地今日同台灣溝通過，亦將大家既憂慮反映左俾佢地知，台灣原廠都十分重視香港玩家 ...

抗反傷唯一可行既方法咪調低反% OR  加上反機率, 而唔係100%
台灣究竟知唔知呢隻GAME依家比人叫御靈ONLINE架啦.

ericmkf

大覺屋師真 發表於 2012-1-4 00:17
多謝樓上咁多位大大~~~我地今日同台灣溝通過，亦將大家既憂慮反映左俾佢地知，台灣原廠都十分重視香港玩家 ...

抗反傷?!-.-咁我隻霸星咪要收皮.....好在我未沖晒成套紫裝姐-.-"

孤單心事

大覺屋師真 發表於 2012-1-4 00:17
多謝樓上咁多位大大~~~我地今日同台灣溝通過，亦將大家既憂慮反映左俾佢地知，台灣原廠都十分重視香港玩家 ...

感謝港服官方願意聽取玩家意見

既然能力會大幅降低   咁我地都無咩反對
只要對PVP影響唔大 咁就無咩好反對

大覺屋師真

多謝樓上咁多位大大~~~我地今日同台灣溝通過，亦將大家既憂慮反映左俾佢地知，台灣原廠都十分重視香港玩家既意見，講下個進展先：

首先，呢個系統一定要開，因為台灣後面新開既遊戲內容好多都會同呢個系統有關或者係跌呢個時裝膠囊，如果香港唔開，變左後面新開既副本或者係即將開放既公會小島釣魚功能都會小左好多野，所以只能開放。

不過，針對大家既意見，我地會將膠囊所加能力大幅降低，以免造成太大影響，另外會再做多一款即使強化失敗都唔會扣次數既膠囊，以方便想用手染裝衝既玩家。再來，膠囊會有機會從遊戲入面獲得，唔買商城都有機會可以強化（當然大家買商城的話我地係無任歡迎）。

另外，有玩家提出強化左既效果只係打怪至有用，呢點由於技術問題冇辦法做到；至於加多d其他可以強化既能力，由於驚會太影響職業平衡，所以需要多d時間研究，暫時未可以推出。由於呢個系統有可能進一步令到有反傷技能既職業更加得益，台灣方面亦答應左會盡快開發可以抗衡反傷既方法，預計推出時間會係2月。

以上，我地明白到未必可以令到所有玩家都滿意，不過希望大家了解到我地已經盡左最大能力同大家爭取，台灣原廠方面亦十分配合，在可行範圍之內盡量作出改善，再一次多謝大家支持。

Kv●包包xD

錢  吾系咁賺法

ericmkf

終於睇完啲回覆,首先我想講呢,我對開唔開強化系統好中性,但係我想好坦白咁講,e個系統係我既眼中99%為左賺錢,依樣野我估大家都明,我亦都接受,因為冇錢賺,你個game更多人都係會汁,不過game商出系統之前都怕好似台服咁,有一堆人走,如果唔係就唔會有e個post出現,所以我首先假設個系統出係事在必行,咁我地應該集中睇下點先唔會令到個系統對遊戲既平衡影響過大,

首先,我要提出一樣基本野就係要加都只可以加百分比,如果加數值,最大問題會出現好多神裝新手.如果你話加百份比會令強者越強,依個本身都係出e個系統既結果,當然你可以加一啲相對同pvp關系效少既能力以作解決,例如仇恨值,掉寶率,掉錢率,跑速,攻速,法速,消耗mp量,sp值.....前提都係對冇時裝既朋友影響不要太大,當然game商一定會想賺錢,但係就算我係買點打機既,我都唔想見到啲冇買點既朋友走晒.

另一方面,最高+5冇意見,但係請取消最多加5次,因為你咁攪,啲手染裝備既價值真係會大變,好似沖裝咁,肯努力既最終都可以+5會好啲,因為你要諗下我抽件時裝本身已經用左好多錢,你重要加個因素令佢突然唔值錢,e樣野好難叫人接受到,我明白game商當然就緊係想我抽多幾件時裝黎沖就最好,但係呢有時賺得太盡都要考慮一下後果,

最後,我想講既係,無論你做到幾多野,你肯開e個post我都已經好欣賞,因為game商絕對有自由去亂改個game,但係好多時結果都係一拍兩散,如果你地能夠同玩家溝通多啲,作出少許讓步,我相信個game會多返啲人玩

我喜歡這遊戲,請努力,另外也要加強捉外掛

RAY

其實我覺得可以出1下簽到-.-

一日上夠1~2粒鐘.連續簽到幾日(我認為1星期最好)就會有粒 100% 強化成功-.-咁咪仲好.可以令玩家上線時間上升.

幾多GAME都有出呢D~

badbear

其實如果修改一下~ 有強化膠囊真係可以令隻game更好玩~

1. 如果怕手染裝唔值錢~ 可以考慮出 100% 強化成功既物品 (類似7色天隕) ~ 甘一d絕版時裝玩家繼續可以用~ 又唔怕失敗左肉痛~ ( 轉蛋~ 星光機~ 餃子~ 副本穫得 )

2. 如果官方希望 白字時裝有價值 ~ 可以推出 時裝合成系統 ~ 5件時裝合成後~ 有機率合成自選的手染時裝 ( 1. 白裝有價~ 又有機會中手染 ~ 2. 可以自選時裝款式合成~ 絕版時裝可以重見天日 )

3. 大家怕職業失平衡 ~ 官方可以係技能方面作調整~ 例如 降低反傷職(陰陽~霸星) 的反傷傷害 ~ 加強弱勢職業 ~ 官方主動調整技能平衡~ 絕對比唔出時裝更有效

4. 推出3轉系統或者推出新的職業~ 新技能 etc …先可以有效令玩家回流

Kv●包包xD

仲有, 吾好拎台灣同香港比
台灣多人玩, 不停有大量新血,
就算搞到幾變態都1樣有人玩
香港吾同, 你咁搞法, 隻game等汁;

Kv●包包xD

大覺屋師真 發表於 2011-12-30 23:18
唔該晒咁多位意見~~~我回應一下先：

1. 手染強化失敗左會唔值錢，呢樣應該唔關事，如果你件手染係想賣既， ...

我想問, 時裝同裝備既分別系咩?
裝備系影響你既能力,
時裝系用黎睇既~ 會有小量能力+成

但系依+要沖1件強時裝, 就需要用好多件, 而且冇可能件件都系同1款, d平既時裝(舊款)就會比人用黎沖, 到時大家都吾會重視時裝既外表,, 咁就失去時裝本來既意義;

仲有,我好想問, 點解要出"時裝強化膠囊",, 而吾出裝備強化膠囊？？

Kv●包包xD

出3件強化  只系第1步 之後就會慢慢出埋戈兩件; 吾通官方有$吾賺咩
打後就會全部出哂高階   之後慢慢變態落去,
所以絕對吾可以讓步,
而且見到隻game搞成咁, 我上兩星期已經賣左號,
放棄左隻game了;
所以出吾出粒野對我完全冇利益關係,
以上純屬個人意見, 不喜勿插;

terrychlqung

係囉,如上,打副可以用到膠囊,PVP就唔好啦,唔係又好多人退game

孤單心事

propropro 發表於 2012-1-1 19:12
樓上試試52靈仙用+4  50 lv仗穿45 戰場e生裝打日副.
打幾耐先ko哂d怪你會感受到了.... ...

所以我有提議   係副本入面 強化時裝有用 :)
我只係反對影響PVP既能力,如果出係副本到
我1定讚成,大前題 不能影響PVP