今日同呀爺+呀麻+姑姐+表妹佢地返大澳賀唔知乜野「侯王誕」
不過其實正日應該係農曆既6月初6(應該係新曆既7月7號)
但係因為要就返d人放假,所以就簡左今日賀誕
今日朝早6點幾(應該係6點45分到),就比呀麻叫左起身
本來應該係7點起身,但唔知係咪個鬧鐘較錯左,個鬧鐘6點鐘就響左=_="
之後我刷完牙,洗完面,出去廳度呆坐,睇到個鐘,先岩岩好7點= =
去到唔知7點半定8點鐘到,執好晒野,就搭輕鐵落屯門碼頭度食早餐
叫左個腸仔肉丁麵+蝦米腸+凍檸茶,超飽+好食=0=
食完野,行到去碼頭,發覺仲有時間,之後就去左個涼亭度坐下
果時天氣都幾好的,猛太陽+藍天白雲
![]()
↑ 天氣睇落好似幾好
![]()
↑ 由涼亭望向碼頭果邊
之後9點半,架船終於黎..同時又落超大雨=口=
搞到要跑到去搭船,超論盡
上到船,好在仲有位坐,我地就簡左坐船頭d位(應該係船頭- -)
不過架船一路咁開,d雨仲係咁落,而且個天仲係超多雨雲=0=
![]()
但係去到接近大澳果邊,天氣就超好=_="
![]()
大約10點半,終於到大澳,但係第1眼睇到既唔係碼頭,而係山上面d泥,一忽忽咁=0= (如果大家有睇新聞既話,都知大澳之前有山泥傾瀉)
![]()
上到岸,第一時間留意到既就係一d紅樹 (應該係紅樹黎)
![]()
↑ d水好污糟,不過仲可以見到一棵類似紅樹既物體
![]()
↑ 個天真係靚,影左一張大相一張細相
![]()
↑ 好無奈,4個6
之後我地行去大澳大會堂,途中經過大澳街市,不過冇野賣的,超早就收左檔
![]()
↑ 其實佢果度唔寫住係「大澳街市」,我真係唔知果度係用黎做咩
之後一路行,經過大澳郵政局,見到個郵箱(唔知係咪咁叫)咁得意,就影左相
![]()
↑ 聽呀爺講依個已經係古董黎,仲用緊的
![]()
↑ 依個唔知乜野標誌黎
到左大會堂,我地勁快就搵到張台坐,而呀爺就即刻拎左盒西餅返黎
![]()
↑ 冇蛋撻,有d失望=3=
之後睇下個盒,原來d西餅係「美珍餅家」做的
![]()
↑ 依個盒,依加既西餅店都唔會用
之後我地就食晒d西餅,呀爺就用個盒拎左d燒肉返黎,我就拎左罐可樂
不過飲完第1罐之後,呀麻又開左罐忌廉,但佢原來係唔鍾意飲的,所以我又幫佢飲埋=口=
![]()
↑ 好野分晒比其他人食,我地依盒都唔知係好野定衰野,不過d燒肉真係好咸
到左中午,突然間落大雨,之後我唔知點解會覺得好似有水滴落黎,就望下個屋頂,先知原來係屋頂會漏水
![]()
↑ 屋頂用鐵皮做的,唔怪得知落大雨果陣好似有水滴落黎
好無聊,坐左接近2個鐘,就影左自己隻手掌
![]()
↑ 好大同好白=___="
之後到下午大約1點幾到,終於冇咁大雨,我地就出發去侯王廟
行去侯王廟果d路,條條都係咁窄=0=
![]()
↑ 其中一條窄既路
行到去侯王廟附近,聞到淡淡既花香味@v@
![]()
↑ 就係聞到依d花散發出既花香味,不過好淡,唔知係咩樹黎呢
之後一直行,就見到有個戲棚,仲聽到d音樂
![]()
↑ 做神功戲既戲棚,不過好似要比錢先有得坐低睇
![]()
↑ 超近咁影個戲棚
![]()
↑ 日月星?!唔記得左係戲名定劇團個名黎
![]()
↑ 開場了
年年行去侯王廟,都要經過一條橋,不過依條橋,係用竹黎搭成
![]()
↑ 要去侯王廟就一定要經過依條橋,條橋雖然係用竹搭成,但係都好穩陣,不過都唔好係條橋上面度跑,跳,玩啦
去完侯王廟之後,我地就去左放龍船個位度睇
不過d龍船冇晒龍頭同龍尾=口=
![]()
↑ 只影到其中一部份,因為果度好細+好頂頭,好難影
之後我地就行返去買咸魚,蝦糕果d(果時大約係2點半)
係行緊返去果陣時,某個超級好朋友就終於打電話黎了
佢咁遲打電話黎,我仲以為佢訓緊教,心急死我啦=0=
之後我一路行一路傾,傾得好開心
買完蝦糕,都仲未傾完
之後我一路行一路傾,終於行到返去大會堂
不過果時超嘈,有人唱歌,不過好嘈+好難聽=3=
之後就同呀麻+姑姐繼續行+傾電話,行到去最盡,就返返轉頭,行到去大會堂再前小小賣茶果果間野
就買左4個茶果食,2個咸2個甜,我就緊係食甜架啦,如果係咸既,感覺上又好似有d怪怪地
買完,又再行返去大會堂,不過我都仲未傾完電話=__="
不過返到大會堂,真係太嘈,就連自己同對方講緊乜野都聽唔到,就收左線 (希望你唔好介意,下次再傾^^)
不過食完茶果之後,都開飯了=口=
今次食既野同上年差唔多,有炒飯,西蘭花炒花之片,燒肉+海哲,石班,蝦,蒸鮑魚,一個類似魚翅既[根] (唔識打果個字),紅豆沙
台上仲有人唱歌表演...同上年唔同,上年仲有投野,但今年冇,只有唱歌表演
不過我食左好小野,都覺得超飽,唔知係咪中午果時狂食野食得太多呢=口=
之後到6點半到,就散場了...我地就狂拎氣水返屋企飲,拎左好多
去到碼頭...都見到超多人係度排隊等船,好在我地去果時係買來回船飛姐
如果唔係又要搭車去東涌轉車先返到黎屯門
-------------------------------------------------------------------------------------------------------------------------
今次去大澳,唔知點解特別悶= =
成個下午都落雨...真係超冇癮
而且又要拎姐,大澳d路又窄..超論盡
不過好在有fd打電話黎同我吹水,如果唔係我就真係悶死左 (多謝你喔^^)
今日去大會堂果度食飯,係300蚊一個人,都算係幾貴
不過聽講下年搞,仲貴...要500蚊一個人
5個人去都成2500蚊 (我+呀麻+呀爺+姑姐+姑長,表妹唔計)
所以下年都未必去了
不過呀麻佢地有心去既話,幾時搭船入去都得啦,平日又唔係冇船入去
[ 本帖最後由 lamxdxd 於 2008-7-7 00:20 編輯 ] |
發表於 2008-7-6 23:35:56
分享
收藏
