飼養陸寄居蟹1個月,報報情況先

lamxdxd

11月中開始養陸寄居蟹,果陣係魚街買左一隻叫「草莓陸寄居蟹」(即橙紅陸寄居蟹)
先講下資料:約兵乓球大小,食量較小,十分怕人,平時喜歡在洞穴躲藏,對提子,麵包極有興趣,現在脫皮中
最初帶佢返黎果陣已經發覺佢冇左一隻螯腳同有腳仔冇左d尖尖,
性格比較怕羞同神經質,只要有人行前小小佢都會即刻退後/縮入殼內...
之後琴日係「藝x蟹」買左隻灰白陸寄居蟹(本來想係魚街買,但係d人一係唔識分,一係冇得賣,所以先去依間買),又係48蚊一隻,體色應該係深灰色...體型小於一個兵乓球,d腳好有力,食量驚人,唔怕羞,超級活躍,總言之一拎起佢上手,就好難放返佢入缸!

養左短短1個月,暫時覺得都係灰白陸較好養..橙紅陸雖然係靚,但係依隻品種對海水需求高,一定要放海水盤,同埋好似話係人工既環境下好難養到..而且係網上睇過資料,橙紅陸既體色每次脫完皮後都會變得淡左...
而灰白陸...因為未脫皮,所以唔知點樣..只係知依隻品種比較適合新手養

2隻寄居蟹,體型都比較細隻,食量就橙紅陸比較小,佢地鍾意食咩就暫時未留意到..但係睇落橙紅陸對麵包同提子好似有d興趣..每次放左提子/麵包後都會見到佢即刻爬出黎..

而排泄方面..灰白陸既排泄物好似比較幼同細..搞到我幾乎同d沙既色混淆左
數量就感覺上都係灰白陸較多,今日清理排泄物,用手執..執到我死死下...

橙紅陸應該係星期5晚鑽左入沙底,至今應該有4日時間冇出過黎,好大機會係脫皮,希望脫完皮後隻螯腳會生返出黎...

另外計劃聖誕節果幾日比佢地食好d..大家有乜食物可以提意一下? (肉類係一定要有架啦,因為佢地係雜性食動物,除左比蔬菜,含有胡蘿蔔素既食物之外,有時佢地係野外都會食到肉類,而且只餵蔬菜,隻蟹都未必吸收到全部營養) (仲有唔可以係蔥類,含芥辣,香辣,加入左防腐劑既加工食物,糖類,有防虫效果,有殺虫效果既蔬菜植物,蒜頭,薄荷,因佢陸寄居蟹既身體構造同昆虫相似,對昆虫有害既食物對陸寄居蟹同樣有害)
我打算買蝦,馬鈴薯/紅蘿蔔,雞肉,同埋小量補充食物(南極蝦)比佢食..大家覺得點@@?

[ 本帖最後由 lamxdxd 於 2008-12-14 22:15 編輯 ]

維維XD

原帖由 lamxdxd 於 2008-12-20 01:14 發表

但如果一甩毛就死=-=
寵物甩毛係我既致命傷...一甩個鼻就會r到紅晒
同埋如果有狗係夜晚勁吠的話都冇教好訓= =

可能你對毛毛有敏感掛
你比個龍唔好比佢出來佢就唔會吠掛

lamxdxd

原帖由 維維XD 於 2008-12-19 14:00 發表

不可以這樣說
寵物要慢慢養吧

但如果一甩毛就死=-=
寵物甩毛係我既致命傷...一甩個鼻就會r到紅晒
同埋如果有狗係夜晚勁吠的話都冇教好訓= =

維維XD

原帖由 lamxdxd 於 2008-12-18 16:17 發表

不過狗好似比較難養.."
加上有時又會吠..嘈死\口/

不可以這樣說
寵物要慢慢養吧

lamxdxd

原帖由 維維XD 於 2008-12-18 16:13 發表
明晒@_@
不過我都唔係幾想養陸寄居蟹
因為....我鍾意松鼠狗^^:yeah:

不過狗好似比較難養.."
加上有時又會吠..嘈死\口/

維維XD

明晒@_@
不過我都唔係幾想養陸寄居蟹
因為....我鍾意松鼠狗^^:yeah:

lamxdxd

原帖由 維維XD 於 2008-12-16 13:05 發表
睇到好暈:(
可唔可以幾句概括呢D野?

簡單d:陸寄居蟹同魚既屬,種,綱,門,亞目都唔同
養陸寄居蟹既方法亦唔同養魚既方法
陸寄居蟹:沙舖底(乾沙,沙用之前一定要洗,洗完後要曬乾,同埋沙愈厚愈好)
2個水兜(鹹水,淡水,水不可以有氯氣,鹹水要用養海水魚果d化學鹽去溝)
食物兜
溫度計
濕度計
熱毯(缸既溫度低過20度時就要用)
空螺殼
攀爬物
隱藏物
仲有要比多元化既食物佢,每日更換食物同水,食物最好比天然既食物佢
蔬菜類要將農藥洗淨+用水煮熟,肉類,魚類都要用水煮熟,唔可以加味精
對昆虫有害既食物,有刺激性,糖類,辣野,加工食物都唔餵得
仲有比陸寄居蟹用既野唔可以用清潔劑(洗潔精之類)去洗,對佢地既毒性好強,仲有唔可以點蚊香用噴殺虫水,陸寄居蟹既身體構造同昆虫相似,殺虫就等於殺埋佢地

魚:水(唔可以有氯氣)
氣泵
濾水
燈
暖管(熱帶魚就要)
食物可以係紅虫/魚糧/豐年蝦等既食物

[ 本帖最後由 lamxdxd 於 2008-12-16 23:34 編輯 ]

維維XD

睇到好暈:(
可唔可以幾句概括呢D野?

lamxdxd

原帖由 維維XD 於 2008-12-15 19:16 發表
養寄居蟹都係幾易養(我真覺,俠客先生不要亂想)
好似養魚咁(俠客先生不要嘈,魚和蟹是同一類)
放D野食係個水缸上後,放手,等D食物飛落去比佢慢慢趙
"「寵物就唔洗對佢咁好」既觀念帶到陸寄居蟹身上"
呢句都係令養寵物既 ...

絕對唔可以將陸寄居蟹當係養魚咁養
陸寄居蟹個名有寫明個「陸」字..咁就證明左佢地係生活係陸地,佢地只有係幼時先會係海洋生活
所以陸寄居蟹係絕對唔屬水性,個底必須要用厚既沙舖底(沙每粒既大小最好係2-3MM,唔好太粗,亦唔好太濕)
如果只有水冇沙,隻蟹好快會死...(原因已經係上面講左)
佢地通常係夜晚先活動,所以餵飼時間最好係夜晚餵
但係放左食物後,隻蟹未必會即刻出黎食野,可能會係我地訓左教後先至會出黎食野
仲有印象中佢地既門,屬果D都唔同
同埋「陸寄居蟹好易養」依7個字..通常業者先至會咁講...等客人以為佢地真係好易養,唔洗點照顧
但到頭來可能又係養死蟹一大堆...

魚類分類學

魚類屬於脊索動物門中的脊椎動物亞門，一般人把脊椎動物分為魚類(53%)、鳥類(18%)、爬蟲類(12%)、哺乳類(9%)、兩生類(8%)五大類。其中新種魚類不斷被發現，平均每年發現約150種計，十多年應已增加超過1500種，所以目前全球已命名的魚種應在26000種以上。

魚類分類學其中一個主要用途是鑑別魚種。種是生物分類的最基本單元，簡單而言，種的定義是一群可交配而能產生有生育能力的下一代的自然群體。魚類分類根據生物分類學按次序為：

門(Phylum) → 綱(Class) → 目(Order) → 科(Family) → 屬(Genus) → 種(Species)

熱帶魚是20世紀新發展出來的觀賞魚的一個類群，一般是產自南美洲、非洲和東南亞等熱帶或亞熱帶的小型、色彩斑斕的魚，由於需要較高和較穩定的水溫，飼養時一般需要調溫設施。因經人類豢養時間短，比較活潑，種類繁多，而且還經常不斷有新發現的品種加入飼養種類，大致有如下品種：

脊索動物門(Chordata)
　　　　├─無顎上綱(Agnatha)
　　　　│　　　　├─盲鰻綱(Myxini)
　　　　│　　　　├─頭甲綱(Cephalaspidomorphi)
　　　　│　　　　└─翼甲綱(Pteraspidomorphi)[滅絕]
　　　　│
　　　　└─顎口上綱(Gnathostomata)
　　　　　　　　  ├─棘魚綱(Acanthodii)[滅絕]
　　　　　　　　  ├─軟骨魚綱(Chondrichthyes)
　　　　　　　　  ├─輻鰭魚綱(Actinopterygii)
　　　　　　　　  ├─肉鰭魚綱(Sarcopterygii )
　　　　　　　　  └─板皮魚綱(Placodermiomorphi)[滅絕]

陸寄居蟹的分類如下:
域(Domain)：真核域(Eukaryota)
界(Kingdom)：動物界(Animalia)
門(Phylum)：節肢動物門(Arthropoda)
綱(Class)：甲殼上綱(Crustacea)
目(Order)：十足目(Decapoda)
亞目(Suborder)：抱卵亞目(Pleocyemata)
下目(Infraorder)：異尾類下目(Anomala)
科(Family)：陸寄居蟹科(Coenobitidae)
屬(Genus)：陸寄居蟹(Coenobita)
種(Species)：參考 品種介紹

[ 本帖最後由 lamxdxd 於 2008-12-15 19:28 編輯 ]

維維XD

養寄居蟹都係幾易養(我真覺,俠客先生不要亂想)
好似養魚咁(俠客先生不要嘈,魚和蟹是同一類)
放D野食係個水缸上後,放手,等D食物飛落去比佢慢慢趙
"「寵物就唔洗對佢咁好」既觀念帶到陸寄居蟹身上"
呢句都係令養寵物既人@_@

lamxdxd

原帖由 維維XD 於 2008-12-15 18:37 發表
我都唔係幾覺得養海洋生物好辛苦
只要努力,用心,飼佢食野
佢都唔會發你皮氣
因為我同學養松鼠狗(可看我圖)
都幾有活力

唔洗人手餵佢食野...寄居蟹唔係隻隻個體都鍾意人手餵食..
所以..我餵佢食野一搬係放D食物係個食物兜度,等佢夜晚出黎食
因為佢係夜行性動物..人手餵都可能未必會食
同埋養陸寄居蟹,有好多野要留意
1. 溫度 (不可低於10度,低過20度就要開熱毯,10度以下會死亡)
2. 濕度 (最好係60-80%)
3. 行為 (有冇唔食野,挖沙等脫皮前徵兆,如果有出現依D而又養左超過1隻個體,就要將佢隔離)
4. 排泄物 (勤力清理排泄物,咁就唔洗成日洗沙/洗缸)
5. 換水 (水要日日換,仲要唔可以比有氯氣既水)
6. 噴霧 (維持濕度係60-80%,水同樣都係唔可以用有氯氣既水)
7. 唔可以噴殺虫水/點蚊香 (陸寄居蟹既身體構造同昆虫相似,殺虫等於殺埋隻蟹)
8. 食物 (最好日日都餵唔同既食物,令佢地吸收到唔同既營養,菜要洗淨+用水煮熟,肉類都只可以用水煮熟,唔可以餵加工食物,薄荷,蒜頭,辣,有刺激性,有防虫/殺虫效果既食物,仲有如果要餵人工飼料就要睇下佢係咪天然製造,天然製造先好餵)
9. 螺殼 (唔可以比彩繪螺殼佢地背,唔可以強行幫佢地換螺殼,佢地唔係玩具,唔好將佢地搞到不論不類!加上隻蟹可能會有啃食螺殼既習慣,如果佢地真係食既就即係食埋D顏料)
10. 攀爬物 (最好用流木/沉木,但用之前唔該用水煮下先..等佢吐左D色)
11. 隱藏物 (人有房間,鳥有洞穴,狗有狗屋,蛇有洞穴,點解陸寄居蟹唔洗?)
12. 脫皮後是否把舊殼完全吃掉 (舊殼亦係其中一個鈣質來源,如果食唔晒個並殼,下次脫皮可能................)
13. 沙 (愈厚愈好...你舖到15CM都冇所謂)
14. 飼主要有自製能力 (陸寄居蟹係夜行性動物,白天多數會係洞穴休息,唔好太期望佢日頭會出黎,如果真係想成日睇到隻寵物活動既,咁陸寄居蟹絕對唔係一個好既選擇,仲有佢地係好怕羞同神經質,唔好因為想佢地唔怕人就成日拎佢地上手玩,咁可能會令佢地出現壓力)

最後...陸寄居蟹唔識發脾氣,只會有壓力..之後可能會做出自斷螯腳/胸足...甚至裸體等動作
如果佢地出現壓力,請留意一下飼養環境是否出現問題
仲有一隻陸寄居蟹一般可以養幾年..如果養未夠1年就死蟹既,咁就唔係佢自然死亡,而係飼主將佢殺死
同埋食物必須每日更換!唔好將「寵物就唔洗對佢咁好」既觀念帶到陸寄居蟹身上
仲有陸寄居蟹係雜食性動物,就算你放一隻南極蝦乾係度佢都一樣食到..同埋琴日將個蛋殼煮左成十幾分鐘,之後放係個缸度,都發覺個蛋殼有比隻蟹食到

[ 本帖最後由 lamxdxd 於 2008-12-15 19:13 編輯 ]

維維XD

LAM姐你最好買D容易比你隻蟹仔趙既野食

維維XD

原帖由 俠客 於 2008-12-15 18:41 發表
你認為蟹同狗系同一類﹖@@

唔係
蟹同狗都係有生命既寵物
話明「寵物」
佢就係我地既朋友
SO,寵物係要愛護佢
佢就當你係真心愛佢

俠客

你認為蟹同狗系同一類﹖@@

維維XD

我都唔係幾覺得養海洋生物好辛苦
只要努力,用心,飼佢食野
佢都唔會發你皮氣
因為我同學養松鼠狗(可看我圖)
都幾有活力

lamxdxd

原帖由 ASZ 於 2008-12-14 18:59 發表
蟹柳＝＝
你的蟹ｃ到可能怕怕＠＠

我係指用魚肉做既蟹柳..佢地會唔會怕我就真係唔知
因為我一次都未餵過...我通常都係餵天然食物...唔餵加工食物的

ASZ

蟹柳＝＝
你的蟹ｃ到可能怕怕＠＠

lamxdxd

原帖由 ASZ 於 2008-12-14 18:00 發表

金你可能要c多d了~~~~~
比多d 5同的野cc吧~~~~~~

咁呀..我諗我仲有大把野未試
蜂蜜麵包,蝦(超市買果d),肉類(雞肉@@),栗子,馬鈴薯,香腸,蟹柳(香腸同蟹柳不宜成日餵!加工食物,冇天然食物咁好),菜,椰子肉,芒果,蜜瓜,火龍果,西瓜,菠蘿(其實想知罐頭菠蘿得唔得),奇異果,芋頭,蕃薯,青瓜,莫絲,消化餅,米飯,蛋糕(清蛋糕),烏東,拉麵,爆谷(原味,不過都唔係好想餵爆谷比佢地食)....................

不過以上好多野都要搵水煮熟先可以餵比佢地食

[ 本帖最後由 lamxdxd 於 2008-12-14 18:13 編輯 ]

ASZ

原帖由 lamxdxd 於 2008-12-14 17:55 發表

南極蝦本身有..琴日買的,不過我見隻灰白都好似唔多鍾意食,佢好似只食左個蝦頭,之後個身仲係度
唔知係好飽唔食定係唔鍾意食...

金你可能要c多d了~~~~~
比多d 5同的野cc吧~~~~~~

lamxdxd

原帖由 ASZ 於 2008-12-14 17:53 發表
南極蝦好似好d

南極蝦本身有..琴日買的,不過我見隻灰白都好似唔多鍾意食,佢好似只食左個蝦頭,之後個身仲係度
唔知係好飽唔食定係唔鍾意食...