我唔知道你地有冇打算加番啟動碼,亦唔知你地捉左幾多外掛

索菈米杜嘉

舊年出80裝，本身1：8，1：9嘅點品比例幾乎跌到1：5，1：4，之後回升到12左右，後尾週年慶取消左啟動碼，之後直到後年年末，比例大約上升到1：20，但係問題就黎啦，如今出左90裝，係用金量大幅增長嘅情況下，比例幾乎係冇變過。

所以請問：

外掛或者玩家手中究竟要積壓左幾多金先可以出現呢種情況？

你地捕捉外掛嘅速度同外掛生成速度（據我所知可以達到無限，只要有程式）能夠對等嗎？

外掛存金號隱蔽起身嘅帳號你地可以查到嗎（例如星光嘅數字人大軍等等不止一個外掛居然可以日日係易頻叫賣，甚至夜深人靜冇乜嘢人依然會定時洗頻，值得深思）？

點解依據天塔統計之後可以肯定人數比舊年要少好多嘅情況下可以全線飄黃，深夜都可以有一半以上黃，究竟係伺服器容量縮小左定係有“其他玩家”呢（並唔反對縮小伺服器容量，只要實際狀況係少人用唔到甘多嘅話）？



LAST：舊年官方嘅民意調查唔知道你地仲記唔記得。

代理新game之前，不妨去巴哈睇睇game帶來的風向或者直接進行問卷調查，例如神子係一片罵聲。

其實作為運營商係有必要維持一隻game嘅經濟穩定的，因為合適嘅經濟環境，新手先會入黎之後唔會走（取消啟動碼的確可以吸引新手，但係目前嘅經濟環境對新手完全係唔友好，因為基本上要靠買金或者賣料，但係買料果個有可能係買翻黎嘅金，一句講晒就係變相支持外掛），我以前玩過一個game，多年黎金幣比值多年黎基本冇太大區別，所以一直都好多人玩，除左後尾LOL出左流失得比較多以外。運營商維持經濟秩序非！常！重！要！

送招待不如送強化卷，最好系進階或者25祝福等，再差都可以係諸如高飾同20祝福（最好不要送15），雖然有D獅子大開口，但係我地人數基數同台灣係冇得比的，我地冇必要所有嘢都完全跟台灣腳步，為左吸引玩家我地要有一套區別開來的辦法，送強化卷或者會影響營收，但總好過送完招待睇住一班數字人抽附魔卡。外掛要嘅係金同實錢，佢地唔會錯過任何轉換為金或實錢嘅機會，希望官方仔細斟酌。（之前就出現過網頁隔一段時間領取獎品，因為可以交易，星光刷左不計其數的扭蛋）

我冇參與過cap圖舉報外掛，唔係因為我唔想舉報，而係因為人力永遠鬥唔過程式，何況外掛仲有未知數量的備用帳號，相信某些反對外掛但係冇去做嘅人都係知道因為甘樣做只係螳臂擋車。

bb9977

so sad...

白雪限定

15祝福包..

彼彼

佢想照顧新手應該同時出返個+15祝福包比人買