[官方請進] 希望官方提升稀有道具的出寶率

小細細

我希望官方提高一下出寶率,
港服跟台服出寶率一樣係唔合理,
因為台服玩家係港服數倍以上,
所以台服出寶率低, 因為人數多, 仍然可以維持稀有道具穩定供應,
而部份寶物, 例如設計圖, 玩家只學習一次就足夠, 所以價格穩定。
港服現在玩家已經少了很多, 當中仍有很多人未學習80圖,
而80圖等希有道具產出數量極少, 引至玩家爭相用高價搶購...
高價搶購帶來的後果是金大量流入, 系統無法消化市場上流通金量, 造成金價大幅貶值, 而一般非課金自然難以生存, 最後就唔玩, 人流就會持續減少形成惡性循環....
希望官方可以用港服實質人數來制定出寶率, 以維持市場上穩定供應。

terrytam2010

收藏冊有加成只會令隻game死得仲快.
將有課金同無課金既距離拉得越遠,隻game只會仲快玩完.一隻game其實無課金玩家人口係佔最多,當呢班無課金人仕生存唔到離開隻game,你就會發現原來得返班有課金人仕單刷副本了.
當然有課金人仕亦係好重要,佢地先係真正老細.收藏冊有加成令佢地更加勁,到時就會話副本太易打要求改勁,無課金肯本打唔到唯有離開.

Eva

行少 發表於 2015-5-19 15:31
呢隻GAME,根本課唔課金,都唔見得好大分別,
課金係時裝多D,配裝可以無咁深思熟慮,因為可以咩裝都整,咩裝都沖 ...

原本無收藏冊果陣某D人咪又係件件都有
某D人咪又係差唔多件件齊
出左之後 D人為左個成加成率
件件都收 乜價都推高晒
逼死D無課玩家? 要草到幾時先收到一件?
仲要合埋金時喎

再勁D既源神章我唔評論

初月小藍

其實掉寶率呢家野.. 你回報左..佢都只係會同你講..會跟進..
之後都係冇左件事...

小細細

米米 發表於 2015-5-20 13:29
即係話同港服代理講係冇用......-X-
更何況台服本身的玩家講N次, 原廠也不會理會....

代理只係一個溝通橋樑,
所以第一步係要回報左先,
另外我要求佢修改係港服出寶率,
唔係台服出寶率, 所以係唔關台服事,
另外你見港服時不時都推出提高掉寶率活動,
就証明代理其實係可以調較掉寶率。
如果連試都唔試咁又點會有改變?

米米

小細細 發表於 2015-5-20 13:27
我玩緊港服, 唔係台服, 而且冇台服會員帳號, 即使回報都不會受理。所以第一步要俾代理知道情況, 再由代理 ...

即係話同港服代理講係冇用......-X-
更何況台服本身的玩家講N次, 原廠也不會理會....

所以都係哂氣-0-

小細細

米米 發表於 2015-5-20 12:11
其實代理係無權力去改..去做..
就算佢地收到你地意見, 覺得好岩, 應該要去改, 但佢只能夠反映俾原廠知"我想 ...

我玩緊港服, 唔係台服, 而且冇台服會員帳號, 即使回報都不會受理。所以第一步要俾代理知道情況, 再由代理回報。

立花里子

这是一个看脸的游戏❀(๑╯◡╰๑)❀

米米

行少 發表於 2015-5-20 12:00
金時用意,我認為係必須拉開課金同唔課金既合理差距,等同我建議收藏冊應該要有加成
唔係佢出黎做咩,有咩用
...

收藏冊感覺好似幫人慳背包咁=A=

同意有加成, 如果唔係收黎做咩=~=

米米

其實代理係無權力去改..去做..
就算佢地收到你地意見, 覺得好岩, 應該要去改, 但佢只能夠反映俾原廠知"我想改"

所以同台灣果邊講先岩=~=
代理最多可以封號封工作室架JA

行少

金時用意,我認為係必須拉開課金同唔課金既合理差距,等同我建議收藏冊應該要有加成
唔係佢出黎做咩,有咩用
樣樣100%又如何~?

yauwanhang

其實商家主要收入，應該係商城果d強化卷之類。
玩家要強化裝備，一定買一大堆強化卷去用。
所以官方克扣起d裝備圖紙，其實無乜意思。
祇會牽起炒風，更會帶多d生意比金商。
都唔明點解要刻意為難玩家，但又對自己毫無好處。

莫非官方將來.... 打算連果d裝備圖紙，都用扭蛋去包裝，放商城賣錢？

叛逆小方

小細細 發表於 2015-5-19 18:18
基本上認同,
但係點解金時有助回收遊戲幣?

你諗到ga野代理點會諗唔到
只係佢唔做野姐
依家問題係:掉寶率低,令稀有品被高價搶購
佢唔出手我地都冇計

小細細

行少 發表於 2015-5-19 15:31
呢隻GAME,根本課唔課金,都唔見得好大分別,
課金係時裝多D,配裝可以無咁深思熟慮,因為可以咩裝都整,咩裝都沖 ...

基本上認同,
但係點解金時有助回收遊戲幣?

行少

呢隻GAME,根本課唔課金,都唔見得好大分別,
課金係時裝多D,配裝可以無咁深思熟慮,因為可以咩裝都整,咩裝都沖+20 5星
我開SER第一日玩到而家,見唔少無課,輕課既玩家可以PVE/PVP好強大

我同意橙裝圖呢D,掉寶率應該提高D,畢竟刷副本打寶升LV,係一隻GAME既基本
不過我個人認為亦都應該真真正正出返D極稀有,能力比一般裝明顯強大既"寶",係真正既"寶",去提高競爭同打寶意慾

而家根本課唔課金都一樣~
最好商城收藏冊,有達成%加成,每10%達成率就多一層加成
照顧普通玩家係合理
但我個人認為課金玩家既權益都應該要同付出成正比

回收遊戲幣好易~出金時,2-3件同款橙時合成一件金時~外觀特效強,加既屬性雙倍
再出200萬以上源神分既紋章引人洗,自然回收到金

小細細

rho 發表於 2015-5-19 14:10
其實通脹既原因單純只係有大量外掛番黎既金流入, 回收速度追唔上外掛產金速度, 市場上金既流通量大左, D野 ...

其實防外掛講左好耐, 但係成效係一般,
本來台服上年年尾係有個活動回收金, 但港服CUT左, 我都唔明點解要CUT...
其實你講得岩想真正個物價回落, 係想方法回收市面上流通金,
但係要做到呢一點其實唔易。
正如你所講, 現在市場金流入量同外掛係有關系, 但係如出寶率唔係太低, 好多野係唔需要用高價去投, 而用高價去投等於加速金流入市場量...然後又循環..

alexy

裝備哥D都算啦, 休閒系統D設計圖/百寶袋都難出到死, 真係想問官方知唔知休閒2個字既定義係咩...

rho

其實通脹既原因單純只係有大量外掛番黎既金流入, 回收速度追唔上外掛產金速度, 市場上金既流通量大左, D野自然就貴, 同出寶率真係冇咩關係.

就算台服人多, 寶物出得多, 但係需求量自然都多, 呢種供求關係同港服其實冇咩分別. 最大分別係台服防外掛做得好, 玩家產金同回收速度攞到個平衡. 咁樣就算有樣野幾咁稀有, 玩家手上都唔會有大量既金去炒, 所以物價先會比港服低.

官方應該做既係先學下人地點防外掛, 再推出一D同台服唔同既活動去回收番D過剩既金.

叛逆小方

究竟係代理錯定係原廠錯
一次又一次ga失誤/出錯/所謂優化
設計方向錯

如果唔係掉寶低,D人邊有得抄
如果唔係80~85裝出到咁垃圾,D人邊會只收天譴
唔係出左問題唔處理,邊會到依定問題多多

tsts1021

我大至上都有睇到你地講乜~!!

但版主 一隻字都唔見...可以唔洗再討論了