關於回溯后,某部分人心態

tingejeff

好走唔送,88.

回溯唔公平、唔回唔公平？

都話有補償,你要DEL GAME盡早.代理商出動到回溯,證明個BUG有幾嚴重.   

唔回溯你就話,哇,玩曬啦,幾倍傷害咩都打到啦.

回溯之後,哇,玩曬啦,我打XX寶,XX成就,甘就無曬,唔玩啦.

都喺個句,你有俾錢,今次商城你賺咯。 你無俾錢,甘無計,你只是玩家,唔喺莊家.

ARCHING0V0

我自己都收接近3千幻想幣啦
平d放返出黎囉 3000粒玩死人咩

BlueBird

長洲彬 發表於 2014-7-26 13:35
真心不明白.世界杯時裝標錯價個日,個班概得利益者有無咁齊心叫官方回溯?咪一樣爽爽賺.今次是咪自己無著數所 ...

果次標錯價但只要你有入點就可以一齊大優惠，仲要只係單一商品受影響，自然無咁大迴響。

今次有入點唔等於有著數，
仲要係整個商城既商品都受到影響，巿場大亂之餘，
有唔少人因為呢啲零成本既商品充斥巿場而賣唔出商品，
其次係仲有一班人朝早抽完靚野，下午變返晒做福袋/戰場幣，再抽多次變垃圾，
睇住啲人無啦啦免費回左啲點數同幻想幣，怛佢地抽既唔唔單止無回朔到，
變相買一送一(但同樣係近期入點又唔係有得買就有得送)，唔鼓譟先奇怪。

2件事根本無得比，
波衫標錯價蝕既主要係官方，
今次蝕既100%係玩家，
咁都可以拎黎比好明顯係唔清楚呢2件事分別對隻game造成咩影響。

長洲彬

真心不明白.世界杯時裝標錯價個日,個班概得利益者有無咁齊心叫官方回溯?咪一樣爽爽賺.今次是咪自己無著數所以叫官方回多次?

星霜

星霜 發表於 2014-7-25 19:33
如果因為出錯要賠到去上個月
會唔會過左d？

我講出錯戈段時間

星霜

alexy 發表於 2014-7-25 11:41
最慘唔係人人有出錢都有野送, 佢只限上星期有出錢d人,
哥d係上個月出左幾千蚊既人今次乜都冇送, 最唔公平 ...

如果因為出錯要賠到去上個月
會唔會過左d？

BlueBird

alexy 發表於 2014-7-25 15:50
成件事最火滾係有出錯但官方遲遲唔理,

然後同大家講唔回溯了, 因為好多人抽到好野,

同感……
不過官方遲遲唔理係一早預左，我之前都係另一個post度提過(開完ser仲係交頻再提左幾次)，
由於港服代理係需要依賴台服原廠果邊既engineer支援，所以無論發生咩事都要交返比台灣果邊決定，一來一回自然有delay，呢個真係要怪官方點解收左咁多錢都唔肯請返幾個人做技術支援。

而玩家唔理個問題繼續打副又唔可以完全怪晒官方，玩家都有一部分責任，出咁大件事，其實官方考慮回朔係可以預見，
好似買股票咁一定係有上有落，明知有呢個風險係度，蝕左真係無理由一味怪人地拖累自己-_-#

再者……個人係覺得……
不論係寶物定垃圾，
屬於果個人既野係過去1~2星期已經抽晒。
依家無啦啦唔洗錢抽多轉，抽到好野就話再回朔會蝕左(但件垃圾無消失到)，
咁本身用自己買既福袋抽到好野變返福袋又點計?(記住本身係件野已經無左)，
真心講句，唔回朔真係補償唔返玩家之間既得益差距，但佢今日唔肯回朔既話再拖落去就唔需要再考慮呢個方案，唯有希望個補償方案真係認真思考過先出黎。

花誘惑翎

因為尋日件事
我今日已經無心情再挽FFO=.=

alexy

成件事最火滾係有出錯但官方遲遲唔理,

然後同大家講唔回溯了, 因為好多人抽到好野,

但又唔諗下佢地抽到好野d點係出錯得來的, 本身唔存在既野收返都話可惜!?

991011

花誘惑翎 發表於 2014-7-25 15:36
其實..
佢係應該要收返回溯之後商城出現異常既問題
唔回多次只會遊戲本身個市大亂

其實最好既解決方法係有問題立即關機，
大家都(包括我)發現有問題都有係到講，
但係GM睇到(亦可能睇唔到)都無任何實際行動，
最後造成大禍。

表面上大家都有著數，實際上，
呢10日買左點數既人先有賺，
而其他人其實係有損失，
個市突然入左咁多貨，價錢一定會跌，
咁你身上已有既貨物價錢跌左，咁就係一種損失。

然後當D有錢人，係呢段時間得到左雙重既點品，
佢可能已經達到左佢買點既目的(EG抽到源神/裝、賣點換到足夠既錢)，
然後佢就唔會買點數，即使會買都會減少數量，
但市面上既潛在商城物品就會少左，
咁你收野就自然難收左，難收左就有人推高個價，
呢個係好嚴重既影響，但唔會咁短期內會發生。

最後一點，呢件事令好多人大失信心，
官方做野唔透明，無決斷力，乜都依賴台服，
令到好多人放棄FFO，FFO身為一隻老遊戲，
難以吸收新血，長久下去只有變成死服。



依目前來說，不可能回檔了，
只可以睇下官方點補救，
做得唔好=港服GG了。

米閣下

花誘惑翎 發表於 2014-7-25 15:36
其實..
佢係應該要收返回溯之後商城出現異常既問題
唔回多次只會遊戲本身個市大亂

我諗你講既玩家距地既意思係
前星期用既點=用左= 賣左野出去.=收獲.
現在回到前星期拎到同等點品=另一筆收獲唔知你會唔會明= =

花誘惑翎

其實..
佢係應該要收返回溯之後商城出現異常既問題
唔回多次只會遊戲本身個市大亂
我並唔覺得佢回溯完之後 因為商城回溯返一個星期前
令到部分玩家重抽得到好物品就話唔回溯
好似當係一種補償咁

十分抱歉地我覺得呢個補償只係錯誤中變成補償實在太過勉強
反而我覺得佢應該係回溯發現異常之後要立即停GAME進行處理
再進行多次回溯變返維護前咁
部分玩家維護後抽過既野, 損失左D咩, 另外補返比佢地
我覺得咁反而大家會覺得正常向D 同埋個心會舒服D

而唔係繼續錯落去令到FFO變成而加咁

另外我發現到部分玩家因為回溯後商城可以獲得一個星期前抽既所有福袋
而令到官方比另外部分玩家因為一個星期前無買商城點品而大鬧唔公平
我唔係幫官方
只能說
今次商城回溯官方係最唔想(因為會虧錢)
你地一個星期前唔買野
回溯後商城變返一個星期前都係會咩野都無 又關官方咩事=.=?
話咩唔公平講真我真係笑左
回溯後 商城會有野既玩家全部都真金白銀買返黎
唔係無啦啦有
除左你話回溯後之前打副本無哂D經同神點之外 你地咩損失都無
講咩唔公平?
你地如果有同有損失既玩家有一樣補償你地應該偷笑啦

以上屬個人意見, 不喜勿插

alexy

agameshk 發表於 2014-7-25 15:21
你都傻傻地
無免費午餐咁佢就咪能回一星期前既商城啦
而家係佢出錯 搞到唔公平 鬧佢係正常

算啦, 佢唔回溯已經係事實了, 現在唯有要求下官方在賠償方面安排得好D...

agameshk

kenny=) 發表於 2014-7-25 13:45
咁唔係你想點?
唔通要代理回番1個月前嘅野?
你要知道...無免費午餐嫁

你都傻傻地
無免費午餐咁佢就咪能回一星期前既商城啦
而家係佢出錯 搞到唔公平 鬧佢係正常
你仲大條道理可以吊反玩家？

alexy

本身最正確做法就係回溯完發現時間點出錯時就立即關機再回溯一次, 官方遲遲沒這樣做才造成現在局面,
然後一句不回溯怕大家的寶都沒了, 那麼之前回溯還不是一堆人的寶沒了, 還有時間也白白浪費掉
-
現在官方如果是有誠意, 應該額外多送些補償給回溯前有登入過的玩家才對

991011

其實應該要回多次，市價大亂，對我地呢D無入點既商人黎講影響好嚴重，
D貨變到一文不值。

kenny=)

成件事...除左維護完換左紫武/打新副跌寶/抽過商城/果堆有損失
想請問其他人有咩損失?
唔好咁小學雞...成日用退game/唔玩/威脅代理
有d損失已經補救唔到...可以做的代理都做晒(可能會有少少不足)
唔明你地仲要係度嘈咩啵

姬慕雪:)

有人歡喜有人愁 回唔回一定有人嘈架

挽曬?挽戈個唔係制作團隊 係玩家

回 又有機會比你地插制作團隊班人

唔回 又有機會比你地插GM

回又嘈唔回又嘈

煩唔煩 ?

mookei

我真係忍唔住 要講幾句罵下成日攪事既人囉 我覺得好多人好自私丫 有嚴重既BUG出現官方決定回溯有問題嗎 官方而家都有做野丫
又唔係冇做野 只係回溯時有D差錯 官方決定當回饋大抽獎之類甘 都唔知你地想點
我個人覺得幾公平丫 官方回溯回到一個時間點 雖然都再出錯 但佢地都決定當大贈送
只要當時有入點就回饋 你地可以當抽獎咪算囉
得唔到就罵呢個罵果個 真係好自私囉 冇入點又話要賠 錯過左入點時間又話要賠 難道全部都要賠甘樣會公平嗎? 我就覺得甘樣仲唔公平囉
人地有自己冇 眼紅 唔喜歡 冇得益 就係度叫唔公平丫 唔公平丫 唔好引人發笑丫 好幼稚呢  
嘈來嘈去 話咩唔賠唔玩丫之類 唔玩咪走囉 需要講甘多做咩喎 博同情咩 唔通要由某D衰玩家決定要賠D咩賠D密 唔賠就唔玩 真好笑丫

kenny=)

alexy 發表於 2014-7-25 11:41
最慘唔係人人有出錢都有野送, 佢只限上星期有出錢d人,
哥d係上個月出左幾千蚊既人今次乜都冇送, 最唔公平 ...

咁唔係你想點?
唔通要代理回番1個月前嘅野?
你要知道...無免費午餐嫁