[希望官方關注][交流帖] 關於遊戲上既幾個提議

凱藍

我覺得呢隻game其實是可以做得更好

1)  點解唔可以有別於其他game,開放下紅名  可以比某D玩家  強制性pk 呢,有時升lv 升到悶呢,想好似以前D online game咁可以同人打,比人打死左就跌裝咁,增加趣味性?(修正:  有藍名/白名之分,可以出個npc 設換, 白名就姐係同意玩家隨時同人打,藍名則安全, 白名殺到人/殺得多人會變成紅名(仇恨值之類)  之後比人殺左就會跌裝)

2) 同埋有冇得公會結盟? 如果有   可以連結埋個公會頻道? 可以同聯盟既公會一齊傾計  可以交流多D

3) 點解呢隻game d 劍盾係好易比人拉走D 怪.....已經唔算高攻,成日都比人一下攻擊就拉走D 怪.....防又唔係真係好高   比隻王出一招就扣左一半....

4) 點解你地停機又好咩都好,唔會好似其他game咁出個特別公告係隻game入面通知大家會有D 咩緊急維護或者咩....搞到個個都要上你地facebook 問咩事? 唔通官方有特別癖好鍾意比人鬧?

5) 同埋點解任務打既野,比人地打一下,人地都可以共享到呢隻怪? 相反組隊打怪,同伴打同一隻怪既同時,自己任務又唔會分享到?咁組隊唔通淨係為左打副本? 連經驗都唔可以分享?

6) 官方點解唔可以開一個任務專用既背包,或者將D 任務做緊既物品設定為不可拋棄,有時打打下個背包好易爆滿,要掉下野,有時唔小心掉左任務物品又要再做過。

7) 擺地攤地方可唔可以改為 (我用圖片黎答你)
(聖城座標   X  623    Y 322  )
由於宜家官方更改左地攤既位置,我發覺好似擺地攤既玩家少左好多, 但反而改為上面個個地方既話, 玩家入聖城既時候唔會因為load 到玩家而造成lag機之餘,又可以方便到其他玩家唔洗行咁遠咁可以睇到地攤,而且地方都幾大,可以容納到大批玩家係度進行買賣。
(修正: 有玩家話:咪姐係之前個個位? 係....但係之前玩家就係可以擺到落個傳點位,如果將個地方推過左噴口池既話,係傳送石出到黎既人都唔會load到D 玩家,咁就唔會造成lag 機,同埋好多人會做鬥技任,咁姐係必經之路......咁如果你話做鬥技都驚lag機,咁不如直接隱藏D人,點解唔係聖城主堡門口?因為太遠....宜家少人擺攤都係因為地點唔太方便,D人都懶得去個邊)

8) 副本地圖問題,好多玩家都出現一入副本打打下就會彈game,但係重登發現,唔可以入番個副本,搞到要被迫放棄打呢個副本,點解唔可以set 做完成副本出番黎之後先計一次呢?


我唔係期望官方一定要跟我既提議,我只係以一個玩家提出建議,希望官方可以考慮到.......賺錢唔係問題,希望你地正視現有既問題,咁玩家先會覺得呢隻game係值得投放金錢係度玩。
完!

SukiBebei

支持野外開紅

FGGGGG

只係支持開紅

colourp

其實樓主係到講無用 上巴哈講啦
巴哈係一個許願池黎

okoklaa

00852340 發表於 2013-9-2 16:40
1)墨香上腦?

2)同上

1) 上腦同建議可唔可行有乜關係???
2)同上
4)alta有邊次有解釋過??
5)係咁設定就唔可以改???
6)開發既GAME不嬲係咁就唔可以改??
7)視角SET得遠,如果電腦唔勁無論係唔係聖城都會lag啦,lag就咪較遠視角啦

00852340

1)墨香上腦?

2)同上

3)人地一早講左有BUG整緊

4)你想佢地<立即整番好再慢慢解釋>定係<慢慢解釋完再慢慢整番好>?

5)原廠一早解釋左點解會咁設定

6)傳奇開發既GAME不嬲都係咁

7)就算照你咁設定,視角SET好遠既人一樣會見到,所以無分別

8)我從來都未彈過GAME唔了解呢個問題~不過反而有時打完個副出黎佢都無扣到我次數

小莉乂伊貝

1)我係極之反對紅名系統,你話想殺曬d外掛咁當然冇問題,
問題係有d賤格既玩家係會亂殺人,仲要群體玩針殺,
我係其他game都遇唔少,一復就殺,企埋係復活點殺你添,所以我對此系統極為反感.

2)我覺得e個唔錯,而家d人成日話合拼,實情係大公會吞併小公會,
聯盟既可以令小公會們團結壯大,又唔會失去左自己個公會

3)其實只要你當佢係遊戲特色之一就沒問題,下下都係坦+補+輸出安全打副,隻game有咩好玩~這時代打手不可以只靠輸出的:c

4)的確:c...而且沒考慮過要補償,送枝垃圾藥水黎都好呀....

5)前者係為左唔好比人搶怪,你打一下起碼都叫做計左;
後者,完全同意!咁你組隊黎做咩!!!雖然佢係怕有人帶新手,幫做任,但係Q_Q..

6)同意任務背包~不過佢同其他game唔同,就算冇任打怪,都照出任務物品,所以先設定為可拋棄= =?

7)佢轉左位我係lag少左,,但係都係lag,,不如聖城開分流好過,lag既自己轉:3

8)絕對唔可以最後先計,因為d人會出出入入刷王(咁樣1日刷100次都得),要計就計第一隻王.
雖然可能會造成d人入去刷材料,再出入重刷..嗯..好難諗

SnowBall0615

1)  我係一個鍾意pve既人，我唔鍾意我無啦啦俾白目殺，尤其而家外掛多，一間我解任去正外掛區俾人殺左，仲要掉裝咁我咪好無辜??
     一係就分pve 同pvp ser囉...

2) 其實有同盟頻都幾好，因為大家想保有自己既公會但又可以同其他公會交流，第時有公會戰都幾方便丫~~
     合併左只會出現內部問題，例如兩個公會會長咁邊個做，d規矩又點去平衡，實有衡突- -

3) 而家真係開始好多坦吸唔到怪，加上打副本無限制差距，有時高lv打手同低3級坦一齊打副，高手會高攻得濟吸晒王囉....
     聽講果仇恨招又唔係吸引到王極大既注意...

4) 真係改善下ser穩定問題啦....有時d人走真係因為彈game之類無源無固既事件......

5) 但我又覺得，如果下下組隊都有人分享就即係可以掛升啦，咁我一人多開打任務就可以同時升5隻....
     一日升5隻40-50lv...咁咪又係多左外掛- - 組住黎打石又有經驗...益左外掛~
     佢咁樣設定打同一隻怪都ok，即使有外掛只要你有份打都計數，好過外掛打先你就乜都冇，尤其近戰類打手~~
    其實佢應該只係想d人多d手動做任即....但每果game都有外掛避免不了~~

6) 呢個建議ok，有d game都係咁做，起碼唔使佔用背包位，因為有太多物品了....

7) 地擺不如擺係去見主城npc(亞伯拉罕??)果城既出面，即源神召喚前的空地，概然唔想人地lag打源神入聖城，索性聖城唔開源神囉

8) 都係改善ser啦~

月球上的人

TBGD 發表於 2013-9-2 15:25
本來就唔應該空裝
你自己去洗點睇下
全點血同唔點血差4千左右

數據比你一千萬又點
pvp都係輸
90幾%閃 下下中咁濟

TBGD

月球上的人 發表於 2013-9-2 15:18
空裝同職同lv pvp全點血會贏全閃
同埋台版係新一個版本
而且巴哈=事實 ...

本來就唔應該空裝
你自己去洗點睇下
全點血同唔點血差4千左右
人地巴哈特登洗點試
有圖有數據
佢地新一版
但唔代表全部都新一版
而且你睇下人地改版改咩先啦
血防閃香港版本同台灣版本一樣
自己又唔爬文
又要串
夠鐘返學啦 仲上網

月球上的人

TBGD 發表於 2013-9-2 15:14
點血 無論係pve pvp都冇用..
請去巴哈爬文

空裝同職同lv pvp全點血會贏全閃
同埋台版係新一個版本
而且巴哈=事實

TBGD

月球上的人 發表於 2013-9-2 15:09
咁點解防禦同血打pve同pvp都有用

點血 無論係pve pvp都冇用..
請去巴哈爬文

防禦比較奇得
佢純粹係pvp 同 pve 之間取個平衡
換言之
佢兩樣都適合
但沒有專精
而大家覺得pve強勢原因係冇其他方案
血點冇用我唔解釋咁多

防其實有針點性解決
就係破防
相對而言
針對閃既命中就比較難推高

你與其話防pve同pvpp都有用
我覺得佢係平衡型比較貼切

月球上的人

TBGD 發表於 2013-9-2 15:07
10) 閃避有作用 不過係pvp先明顯
      pve係冇用
很公平.. 一係你pvp強一係你pve強

咁點解防禦同血打pve同pvp都有用

TBGD

月球上的人 發表於 2013-9-2 15:05
9) 單人格鬥回血寫10秒但得回得2秒血
10) 閃避係呢隻GAME接近0作用
11) 職業公平性上極差 ...

10) 閃避有作用 不過係pvp先明顯
      pve係冇用
很公平.. 一係你pvp強一係你pve強

TBGD

1) 唔同意...因為咁同e個game設定相反

2)咁不如索性合併

3)仇恨值同意.. 若果隻坦食一招就冇一半 咁你退隊啦..我補師硬食一招扣10%都冇

4)同意

5)副本經驗共享. 掉寶計個人.

6)同意

7)其實你e個位之前都係擺攤區黎

8)同意

月球上的人

9) 單人格鬥回血寫10秒但得回得2秒血
10) 閃避係呢隻GAME接近0作用
11) 職業公平性上極差12) 任務自動尋路經常出現「沒有路徑前往s001」