童話不走回頭路(part 1)

bolo20120603

　　　　　　首先，我十感謝GM在十年後的今天仍然注視童話此老遊戲，相信大家都知道雷爵公司其下有很多遊戲，所以童話的再一次激活創新ＳＥＲ，實在令人興奮，在此先祝童話收費ＳＥＲ創建順順利利，各位玩家再次玩個痛快。
　　　　　　童話再創新ＳＥＲ是大家萬眾期待之事，本人亦想再見十年前當天滿ｓｅｒ的境象，不過本人有以下數個意見和建議。

（１）既然開新ｓｅｒ為何要走回頭路？
　　　　　　童話代表發言人的帖子中提及，收費版童話將會廢除迷裝，廢除分子，廢除攻城，廢除轉生，什至廢除免費版現有的部分寵物降級用品。看完整篇文章，想了幾個問題。收費版童話為何要廢除這麼多經典的遊戲項目呢？未來收費版童話又有什麼新的項目加入呢？遊戲負責人又有什麼未來項目能夠向大家保證？先講收費版廢除多個項目，廢迷裝，廢分子......多年前迷裝的出現，玩家能夠自己打造出獨特而且更強的裝備，在免費版，很多玩家多年來都在造裝備，為求造出迷之裝備，然後用較高幸運的角色精練出最強裝備。相信很多老玩家都曾經為了打造出迷之裝備，每天定時給角色注材料造裝備吧？


　　　　　　再談廢除分子的舉動，可能讀者們認為我太過於主觀，但我認為這是不智之舉，童話本次創ｓｅｒ的主題是《我們的童話，我們的回憶》回想十年前當天，你我或許都試過買珍寶卡抽寶物吧？一盒？兩盒？抽不中寶物？下次再抽。或者中了寶物，我們心裡總會想：雖然中不了分子，次之中奧秘也好，再次一等中核心亦感同樣開心。若果真的中了分子，我們當然急不及待，進遊戲，使用分子，強化裝備啦！強化完成的裝備無論是數值上還是心理上，都無形給人一種’高人一等’的感覺，每個人都以強化武器／提升寵物為目標而努力，有些人會帶升賺錢然後買分子合裝備，有些人會用十元八塊港幣碰一下運氣買珍寶卡抽珍寶，這不就是我們的童話，我們的回憶嗎？
　　　　　　可惜收費版童話竟然要廢除迷之裝備及分子穩定劑，如按照現時免費版的武器來計算，未來每個玩家造出的同等級裝備都可能只有數十點傷害之差，每個玩家幾乎造出同樣的裝備，裝備製作的靈活度和創意度大幅下降。相比免費版童話，本人敢言童話現時的裝備製作糸統，是其他同類型遊戲之冠，既能夠改造，又能夠用分子大幅強化，強化度什至勝於官方提供的武器，令人不知不覺間沈醉製作裝備，更會與其他玩家合作製造交流意見。
　　　　　　以本人所見，童話之能夠存活到現在，迷之裝備和分子穩定劑功不可沒，對於整個童話的遊戲性吸引性舉足輕重，懇請不要走回頭路，不增反減地踏回童話多年來所走的每一步。

（２）如何對待免費版玩家？
　　　　　　在先前談及開新ｓｅｒ，到現在落實重開收費版，本人都一直存有一種憂慮，官方會否從此離棄免費ｓｅｒ的玩家？官方舉行的活動又會否厚此薄彼？官方可否對現在免費版玩家有所保證？說到底現在免費版的玩家才是童話多年的支柱，希望官方能夠尊重多年來鼎力支持的老玩家，本人絕不希望看見免費ｓｅｒ被離棄的現象。再者，本人想提醒官方免費版絕對有存活的空間，月費版定價為５０＄港幣每月，相信免費版老手都知道，如果只玩一個帳號，工作技能絕對不會出色，但同時掛多個帳號，每月要花上數百元掛機升工作技，相信此類玩家應該不多。所以在掛工作技方面，應該很多玩家都不會放棄免費版多年心血的高工作技角色，從而回流到免費版。

第一部分完

蘋果味牙籤

少年...你太年輕了
睇完真係覆你都哂時間
人地都玩ser你仲講咁多野
結果係點開ser就知
你繼續玩你既免費版喇
唔送

bolo20120603

哈哈，恕我太年輕，但只在說實話。若果官方不改不做，我在免費版等待跟你月費版合併啊

K_am

同意樓主既講法

估唔到真係有好多人會以為仲可以返去以前
咩5 人組隊係哈啾度升lv
到左後期 人地變勁都係靠佢自己實力姐
又唔係話你冇機會 唔比你變得屈機
你都可以轉N次生家波
你都可以買分子 你都可以學人整迷裝
而且仲有 出迷裝果時 官方係想多d 玩家掛工作技(可以再陰謀d講 想賺多d 月費錢)
唔係想佢升單單升lv

bolo20120603

再者，其實我好想強調一點，每個遊戲玩家都想‘愈玩愈強，愈玩愈多野玩’，沒有人想愈玩愈小野玩。玩家始終有一天會變強，到時無轉生，咁有咩好玩？計我話應該縮短轉生時間，讓更多人可以轉生，增加遊戲連貫性。但現在官方決定卻是本末倒置

Divinaluck

蘋果味牙籤 發表於 2013-1-15 16:30
少年...你太年輕了
睇完真係覆你都哂時間
人地都玩ser你仲講咁多野

我見到佢標題就明白內容, 跟本不用看文章

樓主太年輕了, 不要再幻想, 把自己當成superman/batman

幻乂魂

廢左分子廢迷裝的確可以使大家開頭組隊升
但後期你諗下就知
你5隻人係冇分武既情況下打得到高等怪?
有做開算鞭好清楚,1隻95lv算做出黎只有250傷到
比你合到精巧max傷 都只係500,你地覺得1闇4商有能力打上去?(前提係冇可樂>湯)
姐係封頂係打到夢地(比盡你105)之後個個人105就玩完(童樂個個停係100左右就摺左)
就算官方出官方裝,最強既都只係90真杖
到時能夠秒高lv怪既 只有巫c招流爆
呢個情況就好似童樂咁,通街都係修士
咪又係行返轉頭

rain1314xdd

講真 你地只係小部份既人咁諗
無理由要少數人 就大部份人掛

如果唔滿意月費SER既設定
可以繼續玩免費SER
免費果邊又唔係汁左
無必要辛苦自己去玩自己唔鐘意既SER
更無必要去批評呢一個SER

講真打機都係求開心姐

cheungpunlap3

你地唔中意5人升lv 可以反免費SER
就係因為"分子" "屈機降野" 先搞到童話咁.
你E+係到叫收費版出反"? 不要笑死.
官方可以出反一D平衡既野. 如"用左後. 可以勁少少.令到係高級地方.可以3-5人合作打贏 咁樣~
唔係一把分武. 一個AC 一帶5.

hkoo0625

有無話一定要一回合清哂?
你所講的確有道理,就算5個人組隊到後期都好難打.
但係只要2-3回合都能夠清哂,仲有既然官方已經考慮取消謎裝,轉生以及分子等等.
相信官方那一方面已經考慮到這一點,所以樓主你沒有必要花那麼多時間來發貼嘍.
有可能把100以後的怪攻擊/防禦/HP數值等等作調整吧   

hkoo0625

仲有呀,你要KEEP住發呢類型o既文章呀!
可以比我o地班老友記笑妳無知嘛,年輕人
見妳文章內容好似想教官方營運喎?對嗎? 人地GM已經跟原廠商唸好日後的發展啦,仲洗妳提? 傻仔!
仲好似發現新大陸咁打咁Q多垃圾出來託9咩,番你張床上託住碌9啦!比面妳先嗌妳傻仔咋

lara5842

你講ge野同免費ser都唔知有乜分別 點解唔去免費玩?要走黎嘈收費ser?

aesopn42259

真係太唔宏觀了

戀魂乂KIT

樓主講既野不無道理,

無左""果D野"", 係會令到玩家們後期打小怪變打小王.
然後個個整出黎D裝都相差不大

但我既睇法係咁:
1. 減去好多野
官方一開始都話""經考慮會保留", 可能就係覺得後期秒唔到怪, 有d玩家玩得不爽  (((我諗只係對秒開怪既玩家XP))
但最後都因群眾壓力已放棄.

點解群眾壓力可以令佢放棄?   因為佢今次真係要有人去玩, 先有錢收  ((月費))
所以令大家E班死老野安心玩,  只好順應民意,  出番D '大家' 想見到既野.

咁到左後期點算呢?  我相信,  如果官方係有心,  佢會諗方法令大家後期都升到LV   (((減少需要既EXP, 怪整弱D, 點都好))
為左多D人玩, ((佢搵多D錢))
佢一定會為此而調整,  所以不必擔心高LV之後點升LV, 點打怪    ((如果你諗住到時仲想秒怪升, 我諗我同你既"童話"會有少少出入 =] ))

2. 整裝 工作
係,  無左迷,  裝既分別就會少左.
咁又點呢?  你要有高LV既裝, 都係整, 我諗你唔會諗住打怪打到一套出黎掛  /3\
所以,  應該都會有玩家整  ((然後賣又好, 自己用都好,  總之會有人整.3.))
而且工作真係童話既其中一個好好玩既地方
因此,  我覺得係無迷裝既情況下,   對D想掛工作整勁野出黎既玩家影響未必去到你想像中咁嚴重.

3. 厚此薄彼
E個,  我都有擔心過,  因為睇走勢,  官方真係會唔多理免費SER
咁又點=D?  我玩我既收費ser, 理得你死~~  ((拖走

其實佢覺得無商機, 就真係會放棄,  只好自求多福



題外話,  官方裝E家野.....我就唔討論啦, 有也好無也好,  我都係同D FD 3,5成群咁小怪當王打/3\
and, 雖然樓主講d野唔岩你地聽, 但樓上幾位師兄都唔洗人生攻擊既/3\" 大家都係玩隻game, 吹下水姐=[
(ps. 回復有點長, 有點主觀, 但希望可以理性討論=])

siukit0814

看過你的看法,一看就知道你根本沒有玩過以前的童話,想批評月費SER的設定前,請考慮一下當年的遊戲風氣,遊戲設定的改變
相信你都知道月費SER是以"十年回憶版"作主題,當年的遊戲風氣不只是純綷的追求"強就是一切",玩遊戲大家為娛樂,為了找個寄託
簡單告訴你十年前的童話,組隊打怪,組隊解任務,組隊捉寵,組隊打王..etc 所有都是以組隊為前提
試問一個人強到一個地步一個人可以解掉所有任務,一個人可以秒殺王,可以一回內把全場怪秒掉,帶升更加一至二小時就由1lv練到50lv
玩遊戲最重要的是玩家之間的互動,遊戲心得的交流,甚至真實生活中的交流
就如現在免費SER,我現在登入到免費SER,走過最多人流的金銀城大傳送石柱,幾乎都沒有人講話
感覺就想在玩單機遊戲

再跟你談談遊戲特色,我問你,童話的特色是什麼? 你的說法就好像童話只有"裝備"這個特色系統, 簡直可以用"膚淺"形容
幻獸系統,工作系統,這些都是很特別的系統,為何偏偏要執著於裝備的方面上?
童話有各式各樣的幻獸,每隻幻獸都有不同的特性,更加有融合幻獸系統,令到幻獸系統更添一點色彩
工作系統亦都是一個特色系統, 可以在不同地點採集不同原料, 再用進階技能造出不同的物品
你文中也有談及過謎裝,分子,次元,部份寵物降級用品是童話的經典遊戲項目
我想告訴你"以上幾項你所講的經典遊戲項目,是令到童話不再經典,更加嚴重破壞遊戲平衡的項目"

至於免費SER, 我個人覺得免費SER與月費SER完全是兩個不同的世界,從主題,遊戲設定,目的,客源(玩家),所有都不同
簡單來說,即是免費SER和月費SER不再是同一個童話,你可以理解為"新"童話和"舊"童話

最後,遊戲設定是很多老玩家,官方,原廠 所討論得出來的結果, 你在玩免費SER而對月費SER的設定不滿的話,
你可以繼續玩你的免費SER,更加可以省去每月$50的月費。

請容許我再次最後說一句, 沒有真正玩過十年前的童話的人, 無資格批評月費SER的遊戲設定。
理性討論

利申:童話原老級玩家, 展轉玩過不同時期的童話, 見證童話過衰退的時期, 完全支持月費SER的任何遊戲設定。

hkoo0625

其實我真係吾明白，點解要免費s同收費s嘅設定都要一式一樣囉樓主。如果一樣的話寧願吾玩啦，係米先？

呀煜

siukit0814 發表於 2013-1-16 04:00
看過你的看法,一看就知道你根本沒有玩過以前的童話,想批評月費SER的設定前,請考慮一下當年的遊戲風氣,遊戲 ...

同意.......十年前..屎洞搶王..你搶左我地玩話下次快過你OR 2GETHER 現在只有偷偷搶搶跟住比人問候媽媽

bolo20120603

童話不走回頭路(part 2)
http://forum.agames.hk/forum.php ... &fromuid=275569

乂天天乂

bolo20120603 發表於 2013-1-15 17:08
再者，其實我好想強調一點，每個遊戲玩家都想‘愈玩愈強，愈玩愈多野玩’，沒有人想愈玩愈小野玩。玩家始終 ...

睇完呢篇野就幾乎肯定樓主係開左轉生系統後既玩家啦
唔開轉生冇野玩? 樓主真係識開玩笑
轉生只係當年Alta用黎敷衍當時一眾玩家既系統!!
當年三大SER既玩家,仲記得當時既你地期待緊D咩野嗎?

係三轉!! 新技能,新造型既三轉!!!


最後結果當然落空...............
冇三轉,換黎既只係將封頂推至200lv 加 一個不知所謂既轉生系統
所以樓主你仲同大家提起轉生系統呢個敗筆?

bolo20120603

乂天天乂 發表於 2013-1-16 13:51
睇完呢篇野就幾乎肯定樓主係開左轉生系統後既玩家啦
唔開轉生冇野玩? 樓主真係識開玩笑
轉生只係當年Alta ...

我想帶出的意思是收費版童話既沒有轉生糸統，又沒有不存在的所謂三轉，難道官方和玩家們都想一直保持遊戲平衡，沒有實力差距，不分高低，和和諧諧的永遠打屎王沖２３？