我錯了..我悔了..如果有得重新開始

happylaw

大家好..
我特登開左個新AC黎呢到開po...
今日我唔係想講一件趣事..
而係希望她..可以睇到呢段文章..
顧名思意..我亦唔係為果1500招而黎..
所以無打算補圖..
亦希望如果估到係邊個的唔好講..
另外如果係一D花生友想黎搵樂趣...
我希望你地高抬貴手....放過呢個po..
------------------------------------------------------------------------------------------------------------
---------------------------------------我是討厭的分隔線-------------------------------------------
------------------------------------------------------------------------------------------------------------
我跟她不是你地所想的關系...
我跟她..就只有友情的關系...
她係一個同我互相重視.互相依賴依靠既伙伴
係..你地可能會話..男女之間邊有咁多純友誼..
我亦唔怕大方咁同你地講..
係..我對她的友情係脫軌的...我對她不止是友情
她係知道的..所以她都跟我講得好清楚..
她只係會當我係朋友..

講到呢到 送首歌比大家..一路聽睇落去一路聽..

我平時唔係一個聽歌既人..
只係呢首歌幾中我既心..所以送比大家..

講多少少她
她係一個外表堅強..內裡脆弱的人...
她跟正常人一樣.. 是容易受傷的..
是一個大情大性的人...
容易笑..容易喊..容易癲...係玩到癲..
我跟她..係個性上..好相似...

她有男朋友...
我亦知道自己無可能比得上...
甚至比唔上已經離開她既人...
我唔介意..
因為我想守護佢...
因為我知道佢男朋友份人..
我想可以保護佢...
想可以一路一直支撐住佢..想令到佢每日每日都開心..

而我既做法..
相信又會令花生友諗..
"你咁樣同做兵有咩分別"
"嘩. 乜你咁九公架"
咁我只能補充一點...
我同她..其實係素未謀面...
但係..我願意一直係她身邊..
我唔係睇中她的外表外貌
更加唔係為d咩蝦條
而只係單純因為我愛她...
想保護她..守護她...

到呢到..其實我又想比首歌咁多位...
但係..亦相信大家既閱讀速度無咁慢..
有心既先碌返上黎聽啦...
可能後生既未必識呢首...
不過..呢首亦係..講我的心情...


所以..我補充返少少先
其實亦都係幾經拉扯之後..
她先同意比我繼續以朋友身份留係佢身邊...
奈何..我一次又一次...一次又一次..
遺背了她的期望
她亦一次又一次的原諒了我...

最後的這一次..
我不單遺背了她的期望...
而且..我仲傷害了她...
因為我鑽左牛角尖...

我做唔到..我自己所想的事...
如果你睇到...我只想再講一次...
對不起...

事源係咁..她跟她的男朋友關系重修舊好..
而且...比之前..變得更好...重恰了真正情侶之間的感情
係..我係呷醋..但係..我唔應該呷醋..
因為她不是我的誰...只是我的朋友...我係知道的..
我鑽了牛角尖...
我係到諗...
她不再需要我...
其實的確..無話咩需要唔需要..
不過係覺得自己留係到無意思...
因為她已經有他了..
他改好了..就有人守護她了...
覺得自己留係她身邊只會為她帶黎煩惱..
只會令到她唔開心...
而唔係我當初想..令佢每日都開心


我當時盲了..
我竟然無去相信她對我的友情
無錯...我對她講..我為了她好打算離開...
我傷了她..她亦痛了...我心亦痛了...
不到一天..我後悔了...
我發現自己想可以繼續留係她的身邊...
為何我變得不再像我...
點解愛變質了...
愛並不是要佔有..不是嗎..
她由那天...離開了我...避開了我....
我明白..妳不會容易的再次接受我..
亦不會容易咁再次相信我..
而且..大概係唔再可能會原諒我...
我亦深知自己係唔抵幫..唔值得原諒...
我知道..我都知道..妳不可能當無事..
之後就咁睬返我...
但我會等..
我希望會有奇積出現..
我希妳你會記起哪天我跟妳的歡笑..那是真心..打從心底裡出黎的快樂...
至少..我係咁覺得...

happylaw

我跟她的關系複雜..
既是單戀..
又是朋友..
亦互依賴..
我應該珍惜...
我不應胡思亂想...
我知道錯了..

我會等...
希望一天我可以笑住咁同佢講..
我返黎喇 !!!
我希望有一日..
你亦會笑住同我講..
歡迎返黎呀...
我想可以再一次同你一齊玩. 一齊笑. 一齊喊
我係一個感性的人..聽到一d催淚既事都會落淚
我係感情豐富, 唔係懦弱!!! .\_/.
一個讚=一個祝福
雖然我知我唔抵祝福
收尾令大家笑返笑姐..

希望妳比我作為朋友咁再次返黎妳心入邊啦
亦比我繼續留係妳身邊...

最後..再送一首歌比大家...
亦多謝大家比咁多時間去睇我講到一舊舊既一般文章