有關 冰晶獅狼轉蛋~及商城轉蛋..玩家不要再被騙了

cac00065

我係到講我真實情況比d未買點或打算買點既玩家聽
官方轉蛋好呃錢, 千奇唔好再抽~除非你真係多錢到用唔晒XD

話說我最近兩次轉蛋~
一次轉<聖火神甲轉蛋>
一次轉<酷炫圓帽轉蛋>
最後我兩件都抽到手染~
但係每件我都用左5xx粒轉蛋~我係見住自己d星光碎片由0抽完有5xx粒而知道的
兩件手染用左近1000粒轉蛋,轉蛋1粒29點,
29x1000=29000點,1000點賣240HKD,240HKDx29=6960HKD,近7000HKD抽兩件手染時裝...我唸d gm自己都睇到呆左
我想問要唔要去到咁,次次官方一句話睇運氣..就當回覆左..有無唸過好彩十幾粒抽中果d可能佢只係用左幾百蚊去玩...
我地依d真正係你的遊戲收入來源既玩家..千幾蚊甚至幾千蚊先抽到件手染甚至抽唔到,見住人地幾粒抽到但係點都無咩買過既人..會有咩感受~姐係依隻game唔用錢有時間都可以賺到錢,用少錢好運可以有高回報就算唔好彩都唔係蝕好多,用大錢就要蝕錢甚至咩都無得垃圾~
好啦~講番到我自己終於抽到,,時裝只係個樣唔同能力完全無分別...之後過左一排就唔值錢,,係game到賤賣都無人要~完全回唔到本~賠本賠十幾倍~,官方有無唸過點樣幫時裝保值?越難抽就難保值?
難怪越黎越少人玩
見隻game幾好幾得意~玩得開心想用錢~但係原來比錢買難受

好啦到今次出果個咩勞動包有2粒 冰晶雪獅狼轉蛋
賣250..咁我自己都買左30包左右,HKD250x30=HKD7500
有60粒~之後係遊戲用金收左40粒
夾埋有100粒
之後抽~都係咩都無得垃圾
想問點解隻蛋一定要跟個包出...
如果唔係個包我都唔會買點好老實...
依家2萬幾3萬點係到~
官方儲值多又無特別獎勵...
點解隻蛋唔出紅利?唔出商城..
又係呃玩家買點既一個手段..

順帶一提星光幾百粒無第7層藍時裝,騎寵已經唔係奇事,我勸大家都係小抽星光為妙
留番d點買防爆天溫好過,時裝一套用就夠唔好再抽

大家都係唔好再用咁多錢係隻game~過來人分享
信不信由你

請不要小看遊戲內每個玩家的號召力
我在這裡發文之餘已經叫很多朋友不要去買點去抽
也代表很多對商城轉蛋失望的玩家發文

一個好的商城系統玩家會樂意以商城內某樣商品做貨幣~
這遊戲開始時我以為儲防爆會保值，錯了
之後到星光，天溫都錯了
什麼減價，什麼星光包,有那樣玩家覺得買得抵買得值？
加上星光機轉蛋的爛機率~減價只是吸引你們的手段事實回本的有多少？
天溫石亂洗一通術石洗出物值，物石洗出術值，再好的素質都沒用
怎麼不分成物理或術法兩邊洗？

怎麼官方不懂自己站在玩家那裡想
要玩家出聲

錢你們賺到了
我們買過點的賺到什麼？

Rock陰陽

我買點都係用黎買防爆

kins8553

自從玩過50粒星光之後
我就知後悔了 決定以後都唔會買點
玩家運氣差跟本係其次
隻game本身設計就係要呃錢(((仲要係呃得好過份 全無良心可言
咁邊有計姐 唯有一毫子都唔用囉(((關服我都唔覺得可惜

dizidizi511

我鐘意!!!!!!! 自己人 我都係甘話 好食水 !

youlikeit

其實根本冇得嘈...1句機率問題玩死你

heyy01616

其實已經開始小人玩轉蛋同星光...唔整整去真係冇人理

yee17

開始時不用50粒轉蛋就中手染，後來150粒都唔中，最後要用金收
現在抽蛋見走馬燈出綠字多，手染超少，機率真的太低了

D時裝其實可否不只是加HP，可否增加其他東西來增加多樣性?件件時裝加的東西都一樣的話(HP)，大家會覺得準備一件就夠...

kins8553

yee17 發表於 2012-5-15 20:31
開始時不用50粒轉蛋就中手染，後來150粒都唔中，最後要用金收
現在抽蛋見走馬燈出綠字多，手染超 ...

咪就係囉
1000時裝又係加5%HP
100萬又係一樣
點解要用多900萬先
講真有幾多人真係會咁樣哂錢架...

無極獅子座

我都已經少抽左好多星光,次次都係第1-2層就閃哂,所以而家都係打D星碎番黎抽,有就有,冇就冇,跟本唔想再用錢落去

無聊人

我自己都洗左成千五先中手染轉蛋
抽到怕啦
賣出去得個四、五百蚊虧本虧到入晒肉
真係想要既只可以用興趣收藏同好鍾意先得
用錢來衡量就PK

無聊人

我自己都洗左成千五先中手染轉蛋
抽到怕啦
賣出去得個四、五百蚊虧本虧到入晒肉
真係想要既只可以用興趣收藏同好鍾意先得
用錢來衡量

孤單心事

唔係講笑- -  岩岩開既時候
抽蛋 最多100粒就有1件手染

自從出左咩50必中之後     就真係50必中綠字

無聊人

孤單心事 發表於 2012-5-16 10:03
唔係講笑- -  岩岩開既時候
抽蛋 最多100粒就有1件手染

係有得中既
咪星期三維護一開服即抽咪大機會中囉
想要婚沙又洗左700幾蚊得個綠字3件要來把能咩
我唔知人地洗左幾多點去中囉
但我想講我每次抽親都四、五百蚊99%都係冇手染果類囉
歡迎GM查下我IP係咪有問題定係你隻GAME吸唔完錢專呃我囉
係咪應該有個機制邊個洗得多錢又勁少中過好野(跟IP位址)提高下中手染/傳說機率呢?
GM出紅利手染又不值錢又肉酸

MKCheng

感同身受
轉蛋個d我都算 真係最鬼乞人憎係星光個機率
有乜可能連續十幾次第一層閃星
你話比我中d野唔拎 衰貪心就話姐 第一層咋wo....
轉蛋我都轉過幾次 之後就放棄 情願去收算
禁到最尾個粒 充滿奇待 ~~~~~~~~~綠字

sunnySC

機率低到唔想玩！

ctb

星光機機率低就個個都知啦. 轉蛋有人好彩幾粒就中 黑起上黎幾百粒都冇得中

romifung424

十分有同感.. 雖然我冇樓主你一次買咁多轉蛋.. 但我買親點都一次買1200 - 2400點!
好讓可以抽41 / 82 粒轉蛋.. 但係!! 自從唔知由4月幾時開始.. 抽親轉蛋, 40粒內一定冇時裝. 連一件綠字都唔鬼見! 好啦, 第41粒必中, 中返黎ge係綠字.. 話說. 如果我用d錢去買game幣都冇咁嬲.

星光機就一向呃錢, 少說也罷.

p.s. 我抽親轉蛋都已經係清晨時份4-5點先抽.. 都唔中手染, 我真係X你個X!.
大大話話, 呢個幾月來用左幾千蚊, 都唔見有1件手染. 再係咁落去. 手染會變成天價奢侈品!
你睇下game到某生果賣隻紫冰獅狼就知.

無聊人

抽既價值遠超越你收返來既價值既
2400金一件婚紗
好多人都既博一博1張1000點得唔得
點知一張唔得又唔信邪又博多張
點知又係中高級你又想博死唔信真係咁黑
玩玩下就變左4張1000點了....
AGAME多謝你...成為240蚊X4=960港幣
但多謝唔代表你下次中
我都試得多==
希望總有一天有運行...

卍xx鼠xx卍

我想問下霜SER玩家...你地有無呢個情況...
無論咩時裝,幾新既時裝...
總有1,2個人係度賣緊,但係永遠都未見過果個人個ID係上邊出頻話抽到~(包括綠字都未見過佢出頻)
而且呢個神秘人,真係乜時裝都有賣(藍字既)...

酸沙熊仔糖

我覺得你掉舊錢出黎!! 中下手染比玩家都抵喇!!   中件綠字又無得染!! 你知有時D衫綠字D色幾_核突架喇!
我真心為左有得染先會抽! 真係晒氣"!  星光長期閃~ 仲要第1,2層!吾係第1層易中其他野D架咩~都痴_線!

P.S:某西生隻冰狼真係晒命到嘔!!!見到佢係互頻個囂張樣想飛踢佢..!!! 打水色見到第一個必打佢XD