做左2日奶媽的心得..打手入黎睇下啦

liveindark

打完先發覺呢篇野都幾長..不過當解悶睇下啦可能會中你心聲
點解標題會話系2日呢?原因好簡單
因為我升lv既日子無計入去 呢度所指既2日系升上55無主線任後同其他人刷副本的2日
利申本人好少做奶媽(補血) ffo更加只系一直主力用輸出大既角色
至於點解開奶媽 原因系因為公會隻奶媽成日吾on於是大家就叫我開
對奶媽又無特別反感 就開黎玩 呢篇心得系寫比各位打手..奶媽都可以睇下
開場話就吾講禁多..入正題

系ffo做奶媽都幾辛苦
聽聞上年暑假岩岩開始公測個陣,
小情歌吾系全團補,系要遂個遂個人禁(呢個系聽朋友講的
但即使依家無呢個問題,其實你企得太遠奶媽 你都吸吾到小情歌
而我呢幾日用奶媽打禁多場 總會有一兩隻打手一入副本/打王就衝到最前
往往搞到結果就系我要行黎行去補反啲小情歌比吸吾到個啲
或者系佢地吸吾到結果之後我要系咁開技幫佢補
最嘔血系比人話你刷音效..(小情歌個音效都幾煩~_~
所以呢段既總結大概系..
請各位打手不要以為奶媽能千里傳音把小情歌傳到你那邊,想吸小情歌就向奶媽走近點,吸不到不要怪奶媽

以上既都吾系重點
其實玩禁耐 真系好少見到有坦
依家更加少 結果我一入副本就變左幫佢地坦住隻怪
舉個例,戰神個啲綠色飄系半空個啲一粒粒同埋鬼哭入面個啲紫色蛇型既炮(?)
我都未行埋去,或者明明有人行先過我 都系瞄住我黎打
或者你會話 奶媽會有SETTING可以減仇恨 的確,冒險之路有一個-50%
但系垃圾來的 我禁左 都一樣系咁 奧義個邊都有一個-5%
但系減50%都無用,你覺得5%會有用咩..
往往搞到奶媽幾下就好易比人扣左一半血
然後你地仲打緊 都吾知補邊個好 小情歌都無回得禁快 團補LOAD好之前你都比人打死
結果就系大家一齊死或者系我死你活 然後大家就認為因為系奶媽所以吾洗幫佢復活,打完怪自己走左去..
我: ???????!!!!
其實好多時候真系就地復仲好過等原地或者人地幫你復(因為回滿血,鬼哭/沙之 打一王死都可以就近
但戰神個啲長到嘔既路你要我就近我真系一啲都吾想行..
重點系當你地吾系清晒所有怪既時候 無論我系邊度復 當我行反去又比怪打..
所以其實呢段既段旨大概系..
請各位打手好好照顧及保護你們家(隊)的奶媽 奶媽不是坦,即使能吸怪也吃不了幾多招

另外就系呢2天有幾場都曾經發生同一種事
就系有打手自己衝到最前引晒啲怪 結果我行吾切過去補血 而佢又吾夠揪
結果就系我行到埋去幫佢開大補佢已經瓜老襯 然後全部怪衝過黎打我一齊死系度累街坊
然後佢仲話我行得慢補得慢(笑) 大佬全點速度=無CD?你諗野真系有趣
我行得慢我都吾想 有打其他game會知ffo個setting其實算系行得慢
奶媽冒險之路得一個移動速度+5%(有啲職好似有2個) 無錯個琴都可以加移動速度但其實吾系個個琴都有
禁岩換左個新既55lv琴就系無加移動速度 怪我嘍?
公道啲講句,就算你個隊有無奶媽你都吾應該咁樣打 自己吾夠揪仲引咁多分明系累街坊

吾同人有吾同睇法 吾同打手亦有吾同打法 可能其他奶媽都吾系咁諗
但個人覺得你組得同一隊都系想開開心心打副本 怪人之前都諗下自己有無做錯野
而最常見到就系打手死左會賴奶媽水皮補血補得吾多/補吾切
老實講 我呢幾日都好擔心有人死/補吾切 的確系有人死 無可能100%確保場場都吾會有人死
但我相信奶媽做得琴都吾會想見到有人死或者突特吾補你血 補血有距離限制/CD 請理解
大至上都講晒想講既野啦 有野吾記得左打既話我會留言補充orz
發出以上言論前以有心理準備會有反駁 只要有道理我都會接受/道歉 或者一齊分享下都好

off topic..
其實仲糾結緊主力坦定奶媽.. 不過暫時呢排應該都會繼續升奶媽
希望有機會可以同各位一齊打副本 到時候請多多指教
角色名稱:七罪x ser:安德烈 順手宣傳下公會:幻滅

薔薇丸

PVP入面D打手自己唔夠對面大力
就係度話補師補得唔好
所以我唔會理班打手
我中意補就補
唔補就唔補
唔會理人點講

P.S. 我PVP排第一名

yauwanhang

小豎琴係一個絕對唔討好的職業。會經常被人埋怨、會經常食死貓、會經常被人拿來做出氣袋，會經常被那些覺得自己好勁，但又在眾人面前死了的人，拿來做借口或遮醜！

有一部份人，唔夠怪物打趴鬼左，唔會覺得自己有問題，例如自己技術唔夠，又或者裝備唔夠班，加上又要面子，就想辦法賴落人地身上，最好賴邊個度？當然係賴落小豎琴度啦！

唔好以為主職係小豎琴先至會被人鬧，就算你祇係「副職」係小豎琴，以上所講情況，一樣有可能發生在你身上，因為實在好多人是姓「賴」的！


此外有一點也很重要，除非打副前或進行任務前，大家商議過，否則隊中的小豎琴，是「絕對有權」不用去照顧其他人，然後像打手般打怪，用自己的玩法去玩的。

大家都是玩家，平起平坐，為何在沒商議過的情況下，我要替你補血？要花時間花精神去照顧你？前世欠了你？你樣樣野都「老奉」，唔通你高級D？

thinkingsomeone

我都係補C，有興趣可以搵我打副

薔薇丸

不過而家PVP有D補師勁冇品 (e.g. 主X律, BABYX )
自己小情歌唔夠人高LV,
俾人洗走左就係度話人~

感覺〞

補師無論係咩GAME
都係最容易比人&$%^$#%

薔薇丸

感覺〞 發表於 2014-7-1 23:39
補師無論係咩GAME
都係最容易比人&$%^$#%

果D中意吊補師既人,
就算佢得返1HP我都唔會補佢,
由得佢死, 寧願輸場PVP都唔會補d 7頭

花誘惑翎

我由黑騎士ser開始玩
一玩就玩奶媽 樓主既情況我十分理解同了解
想當年小情歌要一個一個補我都經歷過
個時岩岩出炎獄
我既固定隊難聽d講個個都係9沖型(主坦副斧, 主斧副坦, 主炮副雙槍, 主炮副琴)
一入場先係兩個傻仔翔空走埋去, 兩個炮明明遠攻又要走到勁前打
睇住佢地d血好似過山車咁, 個下真係超緊張
一個一個補小情歌, 由f2補到f5, 之後又去返f2,
完全無時間係可以補到自己情歌
後來大改版表示情歌變左範圍我真係開心左好耐
只能說簡直係一大解脫

會比人話係正常, 對於我自己黎講比人話唔係問題
重要既係每次見到呢種人我就當係一個挑戰
當係磨鍊下自己既補功
呢d人真係唔需要理會太多
比人話得多佢自然會自己識收皮

雖然奶媽好難做, 但到而加我都仲係好中意奶媽呢個職業
雖然我挽得好差但我自己加埋正身都有4個主琴ac

簡單既一句, 嘛, 習慣就好, 別介意太多

最後
奶媽職業十分感謝你的加入

薔薇丸

而家玩琴10個有9個都係主琴副書
PVP榜頭10名得我一個係副杖
跟本個個係度跟風玩副書
仲要串77係度串副杖易死
吊, 你有本事唔好做跟風狗丫
成班量產主琴副書
好似倒模咁倒出黎

wai-v-

點解一個講緊pve ge帖有人可以講到去pvp到

樹精靈柃玥

HIHI,我都係玩琴既玩家,
你講得好好,俾個GOOD你!
需說神聖音符係瞬補,但係起手再飛招技出去真係好慢~ ~
我好多時補人血都係靠估咁制- -....
神聖音符: 起手+出招,飛到過去差唔多2秒
治療音符: 起手+出招,飛到過去差唔多3秒

我都唔明點解咁慢QQ

BlueBird

yauwanhang 發表於 2014-7-1 22:26
小豎琴係一個絕對唔討好的職業。會經常被人埋怨、會經常食死貓、會經常被人拿來做出氣袋，會經常被那些覺得 ...

無商議過就唔使照顧補師？
或者依家打副本啲人好多都咁諗，因為呢隻game根本唔需要坦補都可以通關，
老實講，依家好多人一埋位就打boss，跟手啲小怪一直追住補師跑，
個補師要應付一大堆小怪之餘仲要睇實5條血同閃boss啲技，照顧一下清一清小怪很難嗎？

一般黎講，補師照顧隊友，隊友保護補師，互相照顧先可以確保續戰能力，而唔係乜都拋晒比補師然後佢死左又黎怪佢成日死補唔到血……

試問一下……
又硬又高治療量仲要技術好可以一邊補人一邊拖小怪閃王技，
邊度黎咁多神補？

唔係話要爭拋啲乜，而係大家一齊出副本，
隊友唔肯花少少心機去take care隻補師既時候，就唔好指望補師會好有心機垮照顧好咁多個人，
這些人被放生、死了的時候最沒資格怪補師，因為是這些人先放生補師的

BlueBird

樓主有提到團補就唔可以唔提……
團補補得少但個讀條時間又長到死，
佢條bar load得黎果2秒小情歌都可能已經補得多過你用團補……

同埋最慘係依家要疊綠音符，
有時好辛苦疊左3層，推順左個迴圈……（小情歌/瞬補>暴風曲）
結果又因為有人跑開左補唔到小情歌……
跑上去幫佢補返……
3層小情歌一次就無晒啲綠音符，又要重新疊過，所以有時真係懶得為左呢啲人專登同佢補返小情歌……

siuching310

我低lv打兔仔果陣 我為左救人而死左 果個人仲話我廢 係補師都咁易死.....
果陣心都碎哂

雨雨:d

  例如聖域甘 打手自己無避紅比源神秒 之後怪補師無補真系幾衰既
暫時未遇到呢啲打手 不過遇到打手9沖既情況就比較多
打62 總系有人會行得勁快-_- 完全吾等人
呢加打聖域多數都固定團 打副都系搵公會團既多

雨雨:d

  成日見有人死左 3個打手右打緊王無救人
其實補師吾補去救人真系好冒險 … 不過基於吾想有人吸吾到 都會去救~
我打副都會疊齊小情歌 身邊既打手未到王/未到王前都會幫手清怪
其實打副最緊要系溝通
不得不說綠音符真系幾好用xd 雖然疊起黎都幾煩

凱蒂洛

講真，任何人都有復活技，由其打王時，救人應該打手先去做，這樣才確保補師不會斷補隊伍滅這情況。
補師照顧打手真的很辛苦，打手正常係應該照顧補師，由其打算王前/撞王途中，沒坦，怪仇恨都沖往補師，當你察覺到補師有危險，而打手跑速跟防不會一下秒，何不來個跳打拉走幾只怪安全一點呢?
人齊全吸到，比剩你一個人吸到來得滿足一點Lor~所以打聖域時，當一半人數死了，王即使差一點血，有時我跟某雙刀朋友寧可選擇Re了它，而野入的打手們很多時也明白配合，當五個人齊吸到真的很開心，少一個吸到真的會悲哀起來。

林宮依人

分身副弓 >_> 打龍換書 主5萬幾攻... 副8萬幾... 60再生弓 5星+12 書-15%攻?3星+9
60吸血琴 5星+14
副弓能單挑62地獄....(一招吸滿血!) 書就不行了...

BlueBird

凱蒂洛 發表於 2014-7-2 09:12
講真，任何人都有復活技，由其打王時，救人應該打手先去做，這樣才確保補師不會斷補隊伍滅這情況。
補師照 ...

同感……根本應該係果3個打手去復活人，
補師去救人，斷補技隨時死多件，
坦去救人，其他打手OT又係有機會死多件……
但偏偏呢隻game好少打手識得去救人，
個個打完就衝下一隻/_\

maybeareyou

D人貪快   佢地好多都淨係覺得反正我只係來刷經驗  唔會理隊友係躺地板或者打唔打到王