關於PVP競技場系統

叛逆小方

之前都有人講過這問題,我再次提出希望官方可以修改

競技場有兩種模式:5pvp5/10pvp10以及50pvp50的戰場先說說pvp的計分,對戰場內有塔/巨人/遺跡,破壞後打得最痛的人會獲得第1名分數300分,第2名少d...回復血量或殺死敵人也會有分數,但這兩個分數一定不會多於打塔<--問題就出黎啦
有一些人入到pvp只會刷塔r分數,成為pvp第一名 pvp第一名?嗯,冇錯 pvp係對戰,但殺人不會比打塔多分,人人出到去只打塔,在排名榜內只打塔的人就可以輕鬆成為"pvp第一名"並獲得"pvp第一名獎勵",明明pvp內係殺人為主,點解唔殺人打塔的會高分d?雖然塔是為一些pvp內殺不到人而設,但又不可以入到pvp只打塔成為排名榜第一名

其次的問題,pvp的等級分組是40~59/60~80,沒有紫裝的40lv入到場只會比有紫裝的50LV玩家屠殺,又好似60lv一入到60~80組,全身70紫裝的80lv,60lv根本打不入肉,點解不可以分開40~49/50~59/60~69/70~80?

pvp排名獎勵問題,排名只有兩個 生存角/一般角色,即是60~80pvp組的人會容易成為排名第一,因為排名榜是計了全部pvp戰場的分數,40~59組常常不夠人數開pvp場 入戰場又等比??LV屠,排名就會比60~80組的人佔了頭10名,點解可分開組別排名獎勵

這樣的pvp競技場系統會令低LV玩家和40~59組的人不公平,如果pvp等級組/排名榜分開一組組來計算,我相信可以吸引多d玩家使用pvp競技場系統

991011

基本同意

另外其實佢應該開一個PVP區，可以開房比人入黎PVP，
D房模式可以跟足現有既塔/巨人/遺跡之類既PVP，
但係就無分，只係得小小獎勵。

其實好多GAME，到後期就係得吹水/PVP/衝神裝，
但係FFO似乎無得不停PVP，
有朋友表示只可以單對單，好悶，仲要不停去聖城R人打，
既然已經有咁多PVP模式，點解官方唔好好利用呢?

cskm2005

做乜9啲70lv都仲可以入60lv到打?

mi5842013

見到好多LV59的都壓住唔升LV...就係唔想LV60上去俾人秒...但係LV40-LV59又成日唔夠人開場....想同差不多LV的PVP真係好難...

千宏

其實將PVP細分等級的建議已經上交營運團隊，至於將來會否改動還是要等評估再決定。

叛逆小方

唔該快D分開等級組別/排名榜 眼見D高LV生存日洗夜洗 次次都拿第1名 真係火都黎

cskm2005

叛逆小方 發表於 2014-8-5 13:28
唔該快D分開等級組別/排名榜 眼見D高LV生存日洗夜洗 次次都拿第1名 真係火都黎 ...

1.支持細分60/70等級,但唔支持細分40/50等級
40~49/50~59.
係咪真係有人會打???
結果造成40~49既難組人.
所以40~59LV既可以保留.
而且,要升LV50其實好快....

而60~69/70~80既可以咁分.
因為LV60要升70有段時間.
而LV70既PVP裝同LV60既PVP裝有好多區別...

2.唔支持分開排行榜....
結果只會造成好似生存角同一般角咁既情況...
有人為咗易第一,開多幾個40,50,60,既角色去R塔R招待.
如果你要分埋40,50,既話,
結果40場既,可能係某啲公會會內自己約戰去打.

3.唔支持R塔分同殺人分調改.
R塔有分,可以令啲弱者(指未有PVP裝既人),都有分數.
你試下對家全身PVP一下一件,門口都幾乎出唔到.
人地愈戰愈強(分多有錢買PVP裝),你就連R座塔都無分咁濟.
咁仲要塔黎做咩?
淨殺人,我反而覺得無乜意思,又係睇裝重.(有啲職業無咁高傷)
不如話補分都調低佢,啲人着坦裝副琴補分好多?
========================================
以下針對閣下最新回覆.

1.令低LV玩家和40~59組的人不公平
我反而覺得果班40~59既人係自願留級,多過被迫.
其實PVP呢班40~59,多數都係"無升過","生存角"居多.
完全係為咗招待,同易高排名.
既然咁難開場,點解又唔升LV?????
樓上都有講,為咗R成就同招待,特登唔升60.

2.眼見D高LV生存日洗夜洗 次次都拿第1名
= =
可見閣下所謂既建議係充滿私心....
你大可以都升高你隻生存角去拎第1.
我先唔講啲得60既生存角.
有啲生存過埋65LV過埋??LV
係值得嘉許既鬥心,同勇氣.
佢有既勇氣同恆心升高LV去打,點解你會火大???
嗱,果啲得60LV既生存就真係算把啦!

========================================
我好支持樓上有人提出自行開一個無積分既PVP場.
同埋PVP場既問題係,有啲大公會控制分數.
如果要分組,起碼都要啲人唔知對方係咩人.
唔好比人地有洗分既情況.

叛逆小方

cskm2005 發表於 2014-8-5 20:13
1.支持細分60/70等級,但唔支持細分40/50等級
40~49/50~59.
係咪真係有人會打???

我都同意下調補分

但如果分左40組同50組,會有D公會自己約打,咁不如50lv先入到PVP唔好煩(50LV先有紫裝)
現在40~59組係少人打開唔到場,有人打總好過冇人打

打塔第1有150分,如果係唔打塔只殺人,分數一定上唔到2000分,R塔分會唔會太多
依家打一場PVP輸左ga戰幣好少,紫裝價格下調
玩一場極限俱樂部ga戰幣一定多過你打一場PVP,現冇可能冇紫裝

人人都係為左R分R招待面入40~59組PVP(我係為左做成就同殺一千人)
其實50PVP果D人係被迫留級,上都60<組就沒有生存空間,入到場等死,因為太多大力70LV
如果細分60~69組咁咪可以升60轉裝再入PVP

我係針對現時PVP不公平的排名榜而一開始講過...
排名榜計分排名方式以過時,分開排名榜有何不好
我日打夜打D排名分數只係得少少
人地洗一日分就係排名過左我(由沒有排名,第二日就過左我,你都火啦)
細分排名榜50組60組,50組果D人就唔會比60組D人洗分
50組打得咁努力,但60組洗一日都上都第一,努力完後得不相當的回報,而回報就給了60洗分的人

我大可升一隻去拎第一,但我唔會(上面講過我打PVP唔係為左次次拎第一)
我係睇唔過眼D為左次次拎第一R招待ga人
升一隻60LV打PVP好難,60紫裝同70紫裝相差好多
60紫裝只少要+10上,先頂到70LV d攻擊力
有恆心衝pvp裝拎第一,不如衝正身全+20啦

叛逆小方

應該下調補分同打塔分

cskm2005

其實根本問題係
1. 50既人好少.
2. 60又會比70既蝦.
咁分開得60,70場,已經解決問題啦...


升60好易.
依家好多坑PVP隊既都係60LV= = (你睇下啲生存鐮)

70果啲高手係番70到打,又唔會遇到60坑.
其次啲人又唔洗留係50場呢啲開唔到既場= =

我肯定60既人一定多過50既人.
假如有個60場,我肯定部份生存角都會升埋上60.
因為開場一定易,而且又唔會遇到70LV.
但如果你細分埋50場榜行,啲人一定又會開多隻50LV(生存+等級各1隻...)
我肯定啲場次都係維持番以前咁,無乜意義.

如果多咗50,60,70排行榜,結果又有人會開50,60,70既人係到打...
生存既,70果班,好耶,永遠第一.
60成堆鐮同某啲升到60~69既人,某啲生存職永遠第一.
50唔知佢地會唔會放棄50場,但人數都唔會多.

都係果句啦..
50人咁少,升60咪得囉...
50留級為殺人.
60第一為招待,各取所需啫都係.
我覺得你講到尾,你都係生存角,又想殺人又想第一.
你估啲人升隻60~??LV既生存角,又唔洗努力架?= =

leungsk1994

根本比人屈機

LuckyTimothy

想問下pvp係咪即係隻game入面果個同npc打  得四招果個就係?  thz

叛逆小方

唔係,右上 鬥技場

LuckyTimothy

叛逆小方 發表於 2014-8-13 10:54
唔係,右上 鬥技場

thz~  

叛逆小方

LuckyTimothy 發表於 2014-8-13 10:59
thz~

你冇紫裝就唔好入去啦,會比人＿

貓仔

某某公會好惡嫁

叛逆小方

係好惡

alexy

不打pvp 路過