有關自動釣魚問題 (請官方人員認真處理)

cash648548

有關近日大家都討論外掛釣魚問題, 官方的確很努力在封外掛, 值得稱讚!!!

問題係.....點解玩家只係用遊戲內置的自動釣魚系統都會被封?
圖中【冰橘子的魚郎】係我朋友, 由官方清掃外掛活動開始後....每次釣魚都被封!!!!!
然後每次都要打去客服解封, 解封需時1-4個工作天不等!!!!


究竟官方係咪識分外掛同玩家? 定係總之見鐮刀釣魚就封?

請官方認真處理此問題, 感謝!

事發經過:

我朋友今日(9月26日) 08:00自動釣魚, 落街食早餐, 應該09:15左右返黎就發現被封了。
然後朋友發現9月25日19:42 在論壇有另一位玩家報稱有外掛的貼子 :

下圖轉自論壇, 貼子於46樓:
http://forum.agames.hk/forum.php?mod=viewthread&tid=110910&extra=page%3D1&page=3

小細細

事發經過:

我朋友今日(9月26日) 08:00自動釣魚, 落街食早餐, 應該09:15左右返黎就發現被封了。
然後朋友發現9月25日19:42 在論壇有另一位玩家報稱有外掛的貼子 :

其實唔係好明, 個貼張相25號晚出, 你朋友26號早上8點釣魚, 點解25號會影到26號你朋友早上釣魚GA相?

cash648548

小細細 發表於 2014-9-26 17:56
事發經過:

我朋友今日(9月26日) 08:00自動釣魚, 落街食早餐, 應該09:15左右返黎就發現被封了。

只係將現有發現到既資料比哂官方, 希望佢比到個合理既答覆我。

cash648548

我借左佢FORUM ACC 用,

RE 小細細: 因為我25晚都有釣魚, 反正電腦係咪都開住左O係度, 而家基本上我一冇時間人手打機, 就會去自動釣魚, E.G. 食飯時間, 沖涼時間, 訓覺時間 等等啦

25號其他玩家影相果個時間, 我應該係食緊晚飯. 咪會影到我囉~

解答到你問題嗎? 小細細.


另外今日我請左假, 尋晚訓覺因為覺得電腦太嘈, 所以尋晚訓覺冇釣魚, 一朝早訓醒就開電腦釣魚, 之後去食早餐, 朋友聽錯左, 唔係0915 返黎見到被封, 係1035 我慢慢食完我個美味早餐之後, 岩岩坐返O係電腦前面打算轉角色時, 被凍結了!!!!

cash648548

我借佢AC 主要原因係下面呢張相,

客服解封左我AC 之後, 我上線就即時見到呢幾個人...全部企埋同一個坐標釣魚.....

呢D 就真係外掛喇... 我已經在GAME 內全部檢舉晒, 而且呢幾個角色全部都已經63級.....可想而知佢地已經掛左幾耐啦~!!!!!

管理員, 麻煩跟一跟進~

神域使者

先謝謝你的意見，其實所謂外掛的掛機釣魚及跟玩家掛機釣魚行為上，於紀錄上是沒有分別的，我們的系統是根據定立的條件而凍結外掛，也不是針對釣魚的行為，而正常玩家凍結，是因為進入了系統的檢索條件之範圍，不是因為該玩家單單進行掛機釣魚而導致，而受到影響的玩家，請聯絡客服，我們官方會盡快查證處理，同時也深感抱歉。

也想解說一下，即使官方上線捉掛釣魚的，單是用名字及角色外觀..職業等等，也不能公平進行判決，因為...「正常玩家的釣魚所進行的事...系統的記錄基本是也是一樣的」，而向掛機釣魚的玩家查問，正常也不會有回覆，所以的確會較難處理，請玩家諒解，故此我們仍研究有關問題的解決方法。

謝謝玩家的意見，以及對幻想神域的熱愛。

Asaki

好奇一問......你的"朋友"......係咪大陸人?

cash648548

再借ac用

香港人，香港寬頻！

另外，神源使者，我已經要求重發驗證電郵n次了，
一直都收唔到呢。。。

h0020211

唔使借ac用了，一投訴就收到驗證電郵。。。

神源使者:  外掛仲有一個好特別嘅特徵！
就係一定係同一坐標，一定係用晒魚餌即換！

神域使者

h0020211 發表於 2014-9-26 18:32
唔使借ac用了，一投訴就收到驗證電郵。。。

神源使者:  外掛仲有一個好特別嘅特徵！

針對這一點，我也再解說一下：
外掛行為主要分兩類↓
1.自動打怪、解主線、過副本等外掛腳本行為(正常要玩家一定親自於電腦前人手操作進行，無法不在電腦前也能進行)
2.遊戲修改的程式，如加速外掛，更改角色/物品數值，破壞平衡性等等...
------------------------------------------
而掛機釣魚的行為，是目前遊戲允許玩家這樣做，同一坐標也不是透過遊戲的異常操作才能重現，魚餌用盡即換這行為則就是很難去捕捉，也難以逐一對那個時刻作出查詢。

你說的特徵或是一定程度上是合理，但我們官方執法就需要更加仔細研究，而目前自動打怪、解主線、過副本等等的外掛，官方已經致力打擊，情況也已經有很大的改善，雖然無法保證100%消滅外掛，但我們仍努力對抗外掛，希望玩家有一個良好的遊戲環境。

ChLiu

不如咁啦,你地封之前,睇下個果人既帳號:
有乜野角色,開咗幾奈,上線記錄又點,成就分幾多,角色造型,角色名字.
或者少啲捉70LV地圖既掛釣,等正常玩家可以較安全地釣..

天生購物狂

吾明了，就吾能換個圖掛魚，一定要同外掛一起釣？

Petrelli00

唔想被封走上橋釣魚啦

班外掛唔識上橋釣魚

h0020211

回天生購物狂

釣魚點釣都無所謂，如果好似我咁 咁勤力去釣魚的，個身嘅空位好重要。主角色就話升到70級以上姐，唔係要我連釣魚角色都要升到上去開埋圖先俾我釣魚嘛？
如果係，我就真係唔明了！

h0020211

回Peter
呢個都係好建議～
我下次會上去上面釣架喇～唔該你～

小細細

cash648548 發表於 2014-9-26 18:03
我借左佢FORUM ACC 用,

RE 小細細: 因為我25晚都有釣魚, 反正電腦係咪都開住左O係度, 而家基本上我一冇時 ...

多謝解答,
不過我諗你最好行遠少少或者換其他圖釣好D,
你都見成堆外掛係到釣仲企埋去釣,
一陣官方錯手捉錯左
真係好易出事

感覺〞

不如成就分達到某水平先開放自動釣魚

asd247658

掛釣唔好去高原掛同小用鐮刀職釣應該好d掛