[蘋果] 倪匡：錯咁多字有古怪

lamxdxd

Stephy新作短短 30多頁已有逾百個錯字，出書無數的倪匡昨日在電話中說：「係人寫書都有錯字，不過錯咁多就有啲古怪，佢係咪特登㗎？」對於 Stephy自言因使用拼音輸入法才頻頻出現同音錯字，倪匡說：「咁呢個係編輯同校對嘅責任。其實小說有錯字唔係咁重要，錯字多唔代表小說唔好睇。我覺得家啲廣告、電視同報紙成日玩食字反而教壞小朋友。」  

白姐姐：架係自己丟

白韻琴指 Stephy不應死撐，錯就要認。　資料圖片




人稱白才女的白韻琴則質疑 Stephy才女之名，她說：「可能係蠢才個才，佢根本未夠級數。其實好多時面係人哋畀，架係自己丟。」 Stephy是否應改為賣樣不賣才？她好奇道：「賣樣？咁我真係要睇真啲佢個樣。」會否建議大家改買 o靚模寫真？她說：「比較兩樣嘢，肉體係乾淨，思想係污糟。」對於 Stephy解釋錯字與輸入法有關，白韻琴說：「呢啲嘢冇得賴，錯就要認，否則佢下次出嚟改稱賴小姐。」
此外，多產作家王貽興也指一本書出現逾百錯字應向編輯和校對問責，又明寸 Stephy冇做功課，他說：「如果有啲字唔 sure，可以上網查字典。」會否覺得 Stephy教壞細路？他說：「其實佢都唔差，不過身為公眾人物，自我審查界線應該高啲。」
採訪：林妃