原來.........

lamxdxd

原來養魚養養下真係會中毒架!!仲會愈踩愈深!!
我就係例子啦,原本得1條金魚仔(不過因為一次人為錯誤而死左),點知......
養養下就買左個8吋方型缸加幾條熱帶魚,再之後就換左個17.3吋缸+麗麗+紫班馬燈
再之後就加個16吋缸養寄居蟹,再之後就買左個20吋缸比蟹仔,16吋缸養金魚
到今時今日...16吋缸養緊2隻蟹仔,20吋缸養1對三線同1X條紫班馬燈同黃班馬燈,仲插晒草
17.3吋缸就養幾條金魚 (因為幾大條,養得多就唔夠位游,分分鐘又換缸,所以養小D好過,而且個缸買左唔夠半年!)

只係年幾炸,就搞到屋企成3個缸,1個烏龜箱(比寄居蟹脫皮用) =-=
仲要係3-5個月內加成3個缸,又燈又濾桶又掛濾又泥...前後都唔知用左幾多錢

所以各位養魚前真係要諗清楚,唔好墮入毒陣,否則真係比D毒毒到成屋都係缸,果時就慘=-=

[ 本帖最後由 lamxdxd 於 2009-3-6 23:57 編輯 ]

kennykin6280

比我先唔養:em800_52:

lamxdxd

原帖由 kennykin6280 於 2009-3-7 15:01 發表
比我先唔養:em800_52:

洗錢洗得勁@v@
不過又真係幾正,睇「自然」生態=-=

但其實種草,養蝦仔先至係貴,
種草你要泥,燈,co2 (出面買好似要幾百蚊1支,差氣都要幾十蚊=-=),仲有泥之類既野
蝦仔又要補鈣,水冷=-= (不過如果我養真係唔用水冷,熱死算,再唔係丟舊冰落去都好......;P --)

sunny257

唔養魚-_-
好煩ge.....

lamxdxd

原帖由 sunny257 於 2009-3-7 17:51 發表
唔養魚-_-
好煩ge.....

養魚,d魚可以唔餵1星期都唔死;P,但熱帶魚如果冬天唔落暖管會凍死(屋企有支100w同25w暖管:victory: )
種草,只係燈要整個時間制,co2長開都冇問題(不過出面買既co2就要冇氣時走去叉氣,diy co2就要整過),肥間中落下都得...
蝦仔,好似要好留意水質,夏天又要水冷,否則熱死
寄居蟹,日日換食物就得,不過唔可以長期餵同一種食物同乾糧,而且仲要係天然食品,用洗潔精/清潔劑洗又唔得,噴殺虫水又唔得,之後冬天又要落熱毯wo,溫度濕度又要睇
但係海魚就唔同,水質要成日睇,又要養好菌,海水又要開得岩岩好,之後燈都特別過人,要藍色燈先得,仲要唔知乜鬼野造浪器,化氮=-=


所以養魚養蝦養蟹係冇最方便,不過一養,再上下d講水族野既壇吸下毒,就會身中劇毒,愈養愈多
所以上講水族野既壇千其唔好周圍睇:Q

p.s大缸水面起油膜,遲下出魚街買d工作魚食下油=-=

[ 本帖最後由 lamxdxd 於 2009-3-7 21:51 編輯 ]

兔兔

我唔太鐘意養動物型....
有毛既我會過敏, 因為有哮喘...
但係我自己唔太鐘意養時... 大吉利是死咁一兩條我估我會好down..:L

lamxdxd

原帖由 兔兔 於 2009-3-8 02:36 發表
我唔太鐘意養動物型....
有毛既我會過敏, 因為有哮喘...
但係我自己唔太鐘意養時... 大吉利是死咁一兩條我估我會好down..:L

魚蝦蟹,仲有草都冇毛..草缸至多失誤果陣會爆黑毛藻/綠毛藻/其他藻類;P
不過d壽命都幾短下,幾個月至1年左右就88 (我係指燈魚)
蝦仔壽命至多都好似1年...

p.s寄居蟹d腳都有d毛仔......

車B

蝦仔易唔易養啊~?

lamxdxd

原帖由 車B 於 2009-3-8 13:57 發表
蝦仔易唔易養啊~?

其實我都搵緊料
不過設備都應該比養魚仲要多...

車B

會洗幾多錢到啊＠０＠

lamxdxd

原帖由 車B 於 2009-3-8 20:12 發表
會洗幾多錢到啊＠０＠

我計你種埋草,至少可比D蝦仔躲埋,草就睇你買乜草,10蚊都有棵,但有D比較貴,有冇根都唔緊要,因為冇根既草插插下都會生根 (我棵綠宮廷都生左根)
缸就睇你用幾大,好似話係維港/唔知星河定銀河買會平D (2間都係魚街)
之後濾水就最好濾桶,要計左你個缸有幾L水,再買個岩用既濾桶
仲有ADA泥(好似話1代好用過2代),貴價野,1包9L黑泥都成百幾蚊=口=
生物環,白棉果D就睇睇個桶包唔包,如果冇就要另外買,仲有硝化細菌,測NO2,NO3,NH3/4,PH,GH之類既野,溫度計,燈......水冷,夏天時用,不過要千幾蚊一部,好似要濾桶推,亦可以用風扇,幾十蚊,我未用過,所以唔知效果如何=-=
CO2......(我睇過要幾百蚊至千幾蚊1支,叉氣都要幾十,有得自己整,不過種草可唔用,頂多生得冇咁靚)
之後.............仲有唔知鬼野蒙脫石,怪粉,微生物之素,但好似水晶蝦先至要咁多野,

但日後管理都......換水要冇氯氣~唔可以落藥,D蝦頂唔順就死比你睇,所以好化學,假如草蝦缸爆藻要落藥,都要拎走D蝦先落.....
餵食可餵豐年蝦,粒糧/片糧,紅虫都食,但唔建議餵,嫌佢多菌...好似水草,青苔都食
好似冬天都要用暖管,不過溫度應該唔洗SET咁高,聽聞太高溫D蝦會死
硬件野聽人講好似卡奇最平,不過買野都最好格價同唔好比人昆水=-= (例如舊貨當新貨賣)

琴晚係某水族壇問過,以下係我問既野加人地答既內容

1. 我應該用20吋×10吋×12吋定係8吋×8吋×8吋缸養會較好...?
用大果個吧 但要注意用左咩泥
2. 養蝦,底用黑泥...可以嗎?
一般最平民化係ada吧
3. 虎紋蝦/櫻桃蝦/藍蝦岩新手養嗎?
虎紋好似聽講唔係咁易...櫻桃蝦同藍蝦-.-你是是但但養都包你爆到九彩
4. 如果上面所講既3種蝦岩新手養,咁洗唔洗落蒙脫石...?
蒙脫石放兩三粒吧 亦都可以唔用既
5. 怪粉,微生物之素又係唔係必需品?
不是
6. 麻煩寫埋我應該買d乜,大約要幾錢,邊間買><
其實樓主而家唔係養水晶蝦 需求可以無咁多
基本上 有個缸(100$) 有泥(90$) 有番d莫絲 有番一個濾桶 有3L環左右(價錢因應唔同品牌) 一般都係水貨佬OR上下奇有得買
不過如果要二選一 用20X10X12吧 水體大點易控制少少
最理想當然有溫控 E.G暖管/水冷機
最重要係 你要有無盡既耐性同心機去養 呢個係 無價...XD
另外 如果養蝦既 D魚就要搬走了

其實基本上 你就咁買D櫻桃藍蝦虎紋入缸試下養就OK 因為OK粗生的

不過唔用水冷同暖管都應該唔會有問題,D水未去到10度,D蝦都應該死唔去

P.S如果想睇D草嘔泡,CO2係必要@V@
仲有用暖管請注意安全,開著果陣絕對唔可以離開水面,否則爆左都唔知乜事,同埋放左入水後等幾個字先開,熄左支暖管(即係到唔洗用果陣)後,都要等幾個字先拎出水面,否則後果我唔知係點=-=

詳細野可上YAHOO,打「水族」,之後有個建議,寫住「水族XX」(「XX」唔方便講),上果度問,有蝦版的,實有人答

不過我覺得,如果你真係開缸養蝦,應該養好D菌,再加蝦(應該都要幾星期),期間加D平價燈魚落去,餵下魚,等D菌有得食就得

[ 本帖最後由 lamxdxd 於 2009-3-8 23:17 編輯 ]

車B

XX你pm比我可msn比我thx

lamxdxd

原帖由 車B 於 2009-3-8 20:52 發表
XX你pm比我可msn比我thx

PM左你

P.S岩岩去左睇D另類既整CO2方法,有人用到1個月@0@