AGAMES 討論區

標題: 低價放所有倉鼠用品+一隻健康的銀狐囡囡，入黎睇下啦！ [打印本頁]

作者: kenip123321 時間: 2011-10-2 16:33:26 標題: 低價放所有倉鼠用品+一隻健康的銀狐囡囡，入黎睇下啦！

小弟皆因覺得養倉鼠實在太曬錢...

所以打算將養係屋企的銀狐倉鼠囡囡連同所有野賣曬比另一位有愛心,願意照顧佢一生一世的朋友...

條件：
自問有愛心、心思細密、有耐性、非三分鐘熱度、有充足的金錢、具有基本的倉鼠知識

只要符合上述條件,即可以港幣四百元購買所有東西!

包括...
1.Wild(品高)透明中身籠 - 價值:約300元
日本製造的高級倉鼠籠,籠內每一個細節都造到完美無暇,於國入外都得到極高的評價 ; 九成新
2.食物盆x2 - 價值:約40元
一個係籠附送的,因為倉鼠囡囡唔夠高,我反轉左用黎比佢墊高飲水;另一個則放係二樓裝食物
3.老虎小屋 - 價值:約30元
因為二樓係透明的,基於太光的問題,鼠鼠唔多係二樓訓,所以我又特地買多個小屋比鼠鼠訓,而且佢好鐘意用
4.降溫板 - 價值:約20元
用作為老虎小屋底墊的降溫板,亦係額外購買的
5.Boer浴室 - 價值:約30元
用於放置浴砂讓鼠鼠能夠無時無刻享受沖涼的樂趣,該品牌亦得到國內外養鼠人士極高的評價 ; 亦係另外購買的
6.品高大號靜音跑輪 - 價值:約70元
呢樣應該唔洗多講了掛,品高跑輪中最大型最舒適的跑輪,於日本得到寵物用品大獎的跑輪,被稱為全球倉鼠跑輪最好的 ; 完全無任何聲音
7.品高外接廁所 - 價值:約50元
本身諗住比鼠鼠做廁所既,點知變左佢的儲食物室,同時亦係佢既第二個家 ; 亦係另購的
8.鋼珠飲水機 - 價值:約40元
籠中附送的,絕無任何漏水情況 ; 提一提各位,所有鋼珠飲水機都係要裝滿水先有水出
9.alex香蕉磨牙石 - 價值:約10元
舊石佢好似唔係好鐘意,可將舊石於係食物袋裡面幾日,待舊石有味,咁佢就可能會咬下,但呢d味好快流失.
10.alex 消暑砂-2kg - 價值:約40元
呢袋墊砂係琴日先買既...用左1%都唔夠...可以講係全新的...
11.比利時mini-400g - 價值:約40元
呢袋糧食係被國內外稱為全倉鼠糧第二好的糧食(第一名極貴,百幾蚊先得400g),我仲加左倉鼠專用的芹菜乾落去,香左好多,但得翻60%左右,大約可用1個月
12.沙鏟x2 - 價值:附送品
買浴室、外接廁所附送的
13.品高浴砂-600g - 價值:約40元
亦係最好、最幼細、最少粉塵的浴砂,於國內外銷量最高的浴砂 ; 但得翻60%,即400克左右

以上各物品加加埋埋單購都要6、700蚊,宜家差唔多半價賣出去,我都好唔捨得
但呢排真係無錢洗,又要買其他野..
迫於無奈先作出呢個決定!
假如有興趣者,可先加msn(ken_004005@hotmail.com)
假如真係有心人,價錢仲可以有少少的議價地步既..

歡迎光臨 AGAMES 討論區 (http://61.244.113.49/)