AGAMES 討論區

標題: (明報)特首高官祝願經濟復蘇 [打印本頁]

作者: ng04 時間: 2009-12-26 11:24:50 標題: (明報)特首高官祝願經濟復蘇

(明報)2009年12月26日星期六 05:10【明報專訊】仲有幾日就到2010年，大家已經可以計劃新一年嘅大計，Emily問晒特首同司局長嘅新年願望，可能今年香港都繼續受到金融海嘯影響，所以特首曾蔭權同財政司長曾俊華講到新一年，都係提到經濟。煲呔就話，希望喺多變嘅環境下，大家可以互助互愛，而財爺就希望香港經濟全面復蘇，令廣大市民受惠。林鄭冀推基建林瑞麟望政改踏出一步Emily又問吓各高官嚟緊一年有咩工作大計，喺呢度同各位讀者分享一下。發展局長林鄭月娥話，會繼續大力推動各項基建工程，積極落實善用工業大廈嘅新措施，為經濟發展注入新動力；至於主打政改嘅政制及內地事務局長林瑞麟就話，會就政改致力求取可以喺民主進程上踏出一步，為普選鋪路。教育局長孫明揚話，希望可以同學界同工並肩努力，攜手朝住提升教育質素嘅道路上繼續前行。至於勞工及福利局長張建宗話會喺未來一年，就立法訂定最低工資同打擊拖欠勞資審裁處裁斷款項、推行措施促進就業幾方面繼續努力。

作者: siU妍 時間: 2009-12-27 12:52:36

好有用呀~~
多謝你分享呀~

歡迎光臨 AGAMES 討論區 (http://61.244.113.49/)