AGAMES 討論區

標題: [見習記者]童話強勢攻略之戰士篇 [打印本頁]

作者: steven88hk 時間: 2009-8-14 18:40:15 標題: [見習記者]童話強勢攻略之戰士篇

第一篇報導 : [見習記者]童話強勢攻略之初篇

第二篇報導 : [見習記者]童話強勢攻略之戰士篇

前言 :

多謝大家繼續留意我的報導, 今次乃是我第二篇報導, 歡迎各位比 D 意見 ~ ^^ ~

以前 d Post 有人睇冇人回 .. 唔開心ing..

之前的報導, 大家可以 click 返上面的連結, 多謝大家的支持 ! ~

係呢篇報導裡面, 我將會詳細分析, 戰士系所有的優點同缺點, 配點方法, 升級技巧, 等等 ~

我希望, 將原汁原味的童話戰士一職, 徹底呈現比大家睇 ! ~

好啦 ~ 廢話唔講咁多 ~

首先, 第一位上場 ge 係, 劍戰士

劍戰, 係我玩童話以來, 第一個玩 ge 職業, 到現時為止, 我的正身都仍然係劍戰 ~

好記得, 童話第一次係動漫節擺檔的時候, 由於當時, 童話傷害上限仍然係唔過萬的時候 ~ 我係動漫節的電腦度, 開我個劍戰, 打出 9999 的數字, 全場 "哇" 左一聲 ~ 到而架, 我個心仍然都好自豪 ~ 或者, 當時, 好可能, 我係全 Server 唯一一個可以打到上限的劍戰 ~ :em800_52:

到今日為止, 我個劍戰雖然都丟底左一段時間, 但是仍然榜上有名 ~ ^^ ~

雖不高, 也不低 ~

我唔希望, 為左個 Post 發 D 欺騙人 ge 數字, 所以, 我比大家睇下, 一個正常 100 LV 咩都冇搞 ge 劍戰, 有幾多敏 ~

呢個係我轉生左 3 次的結果 ~ 我唔會好似某 D 人咁, 用敏裝, 屬調, 敏水, 整到過千敏 ~

冇意思 ~ 普通人根本做唔到呢個數字 ~ 你簡單除下就知 ~

假設, 你每個 lv 隨機都加敏捷 ~ 1000/6 (3 點隨機 + 3 點自己加) = 都起碼 166 LV ~

所以, 我唔希望作大 ! ~ 我要大家睇到 ~ 當你好平常咁玩童話, 去到呢個 lv, 大概都係咁上下敏捷 ~

好啦 ~ 講完廢話之後, 簡單介紹下劍戰, 其實都唔洗點介紹, 劍戰最大特色就係, 單體傷害最大的一個角色囉 ~

簡單介紹下 D 招數 :

劍戰獨有招數

1. 劍術

其實唔係招來, 只不過係加強劍類武器的傷害力 ~ 冇咩好講 ~ 一做左劍戰就會有 ~ 唔洗學 ~

2. 飛翔閃

呢個就要練下啦 ~ 需要 15 lv 劍技 ~ 你到 15 lv 劍技之後, 就會自動有 ~ 唔洗學 ~

打出來數字大概為 : 基本傷害 X 2

3. 風動閃

呢招比較重要, 係你未二轉之前, 劍戰好多時候都係要靠呢招來食糊 ~ 尤其冇開二轉之前, 呢招係全 Server 打人最痛的一招 ~ 30 lv 劍技, 自動有, 唔洗學

打出來數字大概為 : 基本傷害 X 3

二轉劍戰獨有招數

4. 地裂閃

二轉後, 劍戰最大改善就係可以打多幾個, 因為之前劍戰打怪的數目永遠定死係 1 ~ 二轉後, 官方聽到玩家的聲音, 劍戰開始向多目標發展, 而呢招, 地裂閃, 就係打前後兩個 ge 招來 ~

習得條件 : 60 lv 轉職之後, 自動會有, 唔洗學

打出來數字大概為 : 基本傷害 X 2.8

5. 天翔閃

呢招就更加係打大部分目標的招, 它的目標以個人為中心, 連左右兩個為, 總共一次可以打 3 隻 ~

習得條件 : 65 lv 轉左職 ge 大劍, 去工會負責人度學

打出來數字大概為 : 基本傷害 X 2.8

我幾鐘意呢招, 因為都幾靚 ~ 不過可惜, miss 左個 XD ~

6. 龍翔閃

冇錯, 呢招就係劍戰 ge 終極絕招啦 ! ~ 呢招以個人為中心, 打 T 字型 (即左右, 同前/後), 總共打 4 隻 ! ~ 最重要就係, 中間果隻係無視屬性 ! ~ 所以, 你用咩武化, 其實分別唔大 ~ 最重要, 最勁一樣野, 相信唔係好多人知 ~ 原來, 龍翔閃, 中間果隻係 100% 命中 ! ~ 即係, 無論對方閃躲幾高都好, 中間果隻一定打得中 !

習得條件 : 70 lv 轉左職 ge 大劍, 去工會找提克洛西接任務, 要準備一把魔幻寶劍, 之後去椰子島打龍膽 ~ 具體任務詳情, 請上網留意任務攻略

打出來數字大概為 : 中間 = 基本傷害 X 5
周圍 = 基本傷害 X 3

所以, 呢招絕對係劍戰中 ge 終極絕招 !

7. 不動劍

開頭 ge 不動劍, 為人地打你 ge 傷害除 2, 之後反映係打你個人身上 ~ 即係, 人地如果打你 200 血的話, 咁佢就會受到 100 血的傷害 ~ 因為咁 ge 設定非常極度無聊 (邊有人想人地打到自己有咁傷得咁傷架 =.=""), 所以, 開頭 ge 不動劍, 就成為童話中最廢 ge 二轉技之首 !經過玩家強烈反應 ~ 之後官方就改左不動劍為可擺脫定身效果 ! ~ @0@ ~ 咁就唔同講法啦 ~ 有左呢招之後 ~ 咩 123, 456 都唔洗怕啦 !

恩 ~ 劍戰個人獨有技能就係咁多啦 ~ 其實仲有其他戰士系共有技能, 不過我遲 D 等到後 D 再一齊寫 ~

我個人睇法 :

劍戰優點 : 單體傷害大 ! ~ 唔好話大, 簡直係恐怖 ! ~ 如果你有把分劍的話, 打出來的數值更加好睇 ~ 係快樂王子, 曾經有人打出現時童話 ge 上限 999999, :L, 自問, 我暫時都打唔到呢個數值 XD ~ 不過, 都是數字上的遊戲 ~ 大家玩得開心, 就夠啦 ~

扯遠左添 ... 講返優點 ~

二轉後, 劍戰打人的數目多左, 所以, 基本上自己升 LV 唔難, 不過, 要升得快, 都係搵人帶啦 ~

劍戰, 最大用途係打王 ! ~ 係冇錯 ! ~ 如果你個劍戰夠傷害力的話, 基本上童話裡面的所有王(包括遺跡裡面 ge 女王)都可以一招秒 ! ~ 呢個, 就係劍戰的可貴之處 ~

劍戰的缺點 : 唔洗講, 就係打怪數目少, 升 lv 比較難 ~ 升得高 lv 更難 ... ... 所以, 劍戰榜比較容易上, 大概 96 lv 左右就已經可以上榜啦 ~ 如果你冇靚劍同靚寵的話, 基本上劍戰可以話係一蚊不值 ~ 因為一來冇特別技 (100% 定怪, 之類); 二來冇大範圍技, 更加唔洗話全體技啦 ~

睇完, 大家有冇興趣玩下劍戰呢 ? ~ ^^ ~ 咪住 ~ 繼續睇落去先啦 ~

[ 本帖最後由 steven88hk 於 2009-8-14 18:43 編輯 ]

作者: steven88hk 時間: 2009-8-14 18:40:47

第二位上場 ge 係, 刀戰士

恩 ~ 刀戰, 呢個刀戰, 係我專程為呢篇文而升的 ~ 開左一個鐘頭的超級經驗值娃娃 ~ 用商人帶升水木 ~ 花左接近 500萬可恩, 升上來 ge ~ >0<""

因為呢個刀戰係剛剛才升上來 ~ 所以, 攻擊力欠奉 ~ 敬請原諒 ~

簡單介紹下 D 招數 :

刀戰獨有招數

1. 刀術

其實唔係招來, 只不過係加強刀類武器的傷害力 ~ 冇咩好講 ~ 一做左刀戰就會有 ~ 唔洗學 ~

2. 閃電斬

呢個就要練下啦 ~ 需要 15 lv 刀技 ~ 你到 15 lv 刀技之後, 就會自動有 ~ 唔洗學 ~

主要係打一排敵人, 傷害冇咩特別 ~

3. 大地斬

呢招以前被譽為 "大便斬" XD ... 因為打出來, 成排大便咁 ~ =.='' 需要 30 lv 刀技 ~ 你到 30 lv 刀技之後, 就會自動有 ~ 唔洗學 ~

打出來數字大概為 : 基本傷害 X 2

二轉刀戰獨有招數

4. 海洋斬

二轉後, 刀戰最大改善莫非為多了單體攻擊招, 冇錯 ! 就係呢招啦 ! ~ 單體攻擊最強的一招 ! 海洋斬 !

打出來數字大概為 : 基本傷害 X 2.5

5. 天空斬

呢招 ... 個人認為係多舊魚 ... 打一排 ... 刀戰已經有好多招都係打成排啦 ~ 傷害 .... 又唔覺得勁得去邊 ... (我打出來, 比大便斬仲要少 =.='') 所以, 好少人會出 (除左 23 個女王 XD), 記得有次同族人上 23 ... 見到呢招, 族人話 "哇 ! 新招啊 !" =.=""

其實唔係咩新招, 只不過係呢招太廢加上刀戰太少人玩, 所以先好少機會可以見到呢招姐 ~

打出來數字大概為 : 基本傷害 X 1.5

6. 鳳翼斬

恩 ~ 呢招 "雞翼斬", 都算係刀戰 ge 終極絕招啦 ~ (暫時) ~ 希望官方可以睇到我呢篇野, 而作出改善啦 ~ ^^ ~

呢招要個人 70 lv 去工會接任務, 去咕嚕島打羽毛 ~ 詳細上網睇攻略啦 ~

呢招都係打一排 (點解刀戰都係打一排架 ... 冇新意 ...)

傷害大概為 : 基本傷害 X 2.5 (算唔錯啦 ~)

所以, 呢招絕對係刀戰中 ge 終極絕招 !

7. 集氣

呢招係加強個人攻擊力用 ~

呢招唔錯, 改善左刀戰傷害低 ge 缺點 ~ 不過仍然有美中不足 ~ 就係持續的回合太少啦 ! ~ 得 3 回合 >0<" 頂 ~ 打 3 隻就要集一次 ... 太無聊了吧 ...

不過, 我偷偷地話比大家聽一個冷知識 .. .. .. 就係呢 .. .. .. 集氣之後, 個人攻擊力會提升一倍 ! 係冇錯 ! 但是, 提升後呢, 原來仲可以用其他法術來加攻 ! 即係話, 你集氣後, 再用拉拉舞來加攻的話, 可以提升攻擊力 2 倍或以上 ! ^0^ !

我個人睇法 :

刀戰優點 : 大範圍攻擊 ! ~ 不過, 呢個已經唔係優點啦 ~ 相對比起白金/獸神, 甚至乎連大地之怒都比唔上 ~ 可以話, 已經冇利用價值 ~ 唯一可取 ge 就係可以加攻 Only

刀戰的缺點 : 唔洗講啦 ~ 大家心知肚明 ~ 大範圍 ? ~ 又唔係打全體, 可以話, 冇一招係打全體 ~ 單體攻擊 ? ~ 打單體, 又點夠劍戰爭啊 ? ~ 特別技能 ? ~ 得一招加攻擊力, 而且得 3 回合, 好快冇之餘, 仲要係只可以加自己一個 XD ~ 人地鬥氣都可以 "擴散" 啦 ~ =.=""

睇完, 大家有冇興趣玩下刀戰呢 ? ~ ^^ ~ 不過, 我都係奉勸一句, 刀戰已經冇曬價值 ~ 完全係童話改版後, 最廢, 最冇用 ge 角色 ~

[ 本帖最後由 steven88hk 於 2009-8-14 19:17 編輯 ]

作者: steven88hk 時間: 2009-8-14 18:41:27

第三位上場 ge 係, 斧戰士

斧戰, 係童話裡面, 我個人認為最理想 ge 戰士職業 ~ 因為有攻擊力, 有加到 100% 命中技 ~ 又有 100% 定人技 ~ 所以, 基本上, 有把分子武器 + 拉拉舞加攻, 單人匹馬上 23 絕對唔成問題 ~ (雖然, 劍戰都得 .. .. .. 但是劍戰冇定人技, 最少都要食返敵人一招半式, 先秒到佢 ~)

好啦, 唔講咁多 ~

簡單介紹下 D 招數 :

斧戰獨有招數

1. 斧術

其實唔係招來, 只不過係加強斧頭類武器的傷害力 ~ 冇咩好講 ~ 一做左斧戰就會有 ~ 唔洗學 ~

2. 裂風斧

呢個就要練下啦 ~ 需要 15 lv 斧技 ~ 你到 15 lv 斧技之後, 就會自動有 ~ 唔洗學 ~

主要係打一個敵人, 傷害冇咩特別 ~ 不過另外附加降低敵人閃躲率效果 ! ~

3. 驚雷斧

呢個都係主要係打一個敵人, 傷害會比裂風斧多少少 ~ 不過另外附加大幅降低敵人閃躲率效果 ! ~

需要 30 lv 斧技 ~ 你到 30 lv 斧技之後, 就會自動有 ~ 唔洗學 ~

打出來數字大概為 : 基本傷害 X 1.5

二轉斧戰獨有招數

4. 驟雨斧

二轉後, 斧戰最大改善左打多個目標的特性, 而呢招, 就係斧戰唯一一招可以打多個的招式 ~

打出來形式類似龍翔閃, 以自己為中心, T 字型打左右同前後, 總共四個 ~

打出來數字大概為 : 基本傷害 X 2

5. 急電斧

呢招對於斧戰來講非常重要 ! ~ 因為, 係童話裡面, 除左呢招之外 ~ 冇一招係可以連 miss 都可以定到人 ge 招 ! ~ 冇錯 ! 呢招就係傳說中, 100% 定到任何人 ge 招數 ! (19樓以上王除外) ~

打怪數目 : 1 個, 65 lv 去搵工會 D 人學就可以

打出來數字大概為 : 基本傷害 X 1.5 (唔算好好睇, 不過附加定人 1 round 屬性, 呢個先係重點 ! 僧侶 456 可以定到人, 不過打王唔可以用, 而且會 miss ~ 呢招就唔同 ! ~ miss 左都可以定人 !)

6. 獸王劈

呢招, 又係一招絕對無可挑剔的招式 ~ 雖然佢冇任何附加屬性 ~ 但是, 佢可以無視防禦力 @0@ ~ 換句說話講, 如果你武化只光/暗力的話, 消融寵都可以唔洗 ! ~

人物 70 lv 去工會接任務, 去趴趴迷宮 b2 打光窩蟲體液, 之後就學到 ~

傷害大概為 : 基本傷害 X 2.5

因為無視防禦, 所以, 打出來, 全部數字都係一樣 ~ 呢招我發多幾副比大家睇下 ~

第一隻 :

第二隻 :

第三隻 :

無論你打咩都好全部數字一樣 (我係光武化), 因為係 '無視防禦力' !

7. 專心

呢招係加強人物命中率用 ~ 呢招好用之處就係, 可以加到個人物 100% 命中 ! ~ 打 D 高閃 ge 王, 就好似 22 樓個窩卷蟲等, 非常有效 ! ~ 第一 round 專心, 第二 round 就已經可以秒到佢啦 ~

我個人睇法 :

斧戰優點 : D 技能非常有用, 尤其有附加屬性效果 ! 絕對一流 ! 斧頭本身傷害相對較高, 再加上 100% 定到人, 之後再加上 100% 命中率, 更加唔可以唔提, 完全無視防禦力 ! 斧戰絕對可以話係改版後, 最好用的戰士 ! ~ 如果想玩戰士的話, 斧戰絕對係你第一選擇 !

斧戰的缺點 : 呢個都要講講, 斧戰唯一缺點就係冇大範圍技 (個個都有的話, 童話就唔洗比錢人帶升啦 ~ XD ~), 仲有就係, 專心持續時間太短, 得 3 round 好快就要再用過 ~ 唔夠方便 ~ 其他, 幾乎可以話係無可挑剔了 ! ~

睇完, 大家有冇興趣玩下斧戰呢 ? ~ ^^ ~ 老實講, 斧戰絕對值得一玩, 當你要上遺跡, 或者打王, 斧戰絕對可以幫到你好大忙 ! ~

作者: steven88hk 時間: 2009-8-14 18:42:01

好啦, 講完特殊技之後, 我講下公用技啦 ~ 以下技能, 係戰士都有, 所以, 我集合埋一齊講 ~

1. 二連斬

本身一做戰士就會有, 唔洗學 ~ 主要就係對單一敵人同時實施兩次武力攻擊 ~ 冇咩特別

2. 三連斬

當連擊 15 LV 就會有, 唔洗學 ~ 主要就係對單一敵人同時實施三次武力攻擊 ~ 冇咩特別

3. 四連斬

當連擊 30 LV 就會有, 唔洗學 ~ 主要就係對單一敵人同時實施四次武力攻擊 ~ 冇咩特別

4. 衝擊

一招冇咩用 ge 招 ~ 而且, 出左呢招之後, 下一 round 就會冇左盾牌技巧 (格擋等等), 而且本身個人的閃躲率都會下跌 ~ 所以, 又係一招廢招 ~

衝擊, 一做戰士就會有, 唔洗學 ~

打出來數字 = 普通傷害 X 1.2

5. 撞擊

對於刀戰/劍戰來講係一招都算用 ge 招 ~ 出左呢招之後, 下一 round 就會冇左盾牌技巧 (格擋等等), 而且本身個人的閃躲率都會下跌 ~ 不過, 呢招開始會偶然附加定人效果, 都算係一個安慰 ~ (呢招係刀戰/劍戰可以定人 ge 招)

要將衝擊練到 20 lv 先有呢招, 唔洗學

打出來數字 = 普通傷害 X 1.5

6. 衝鋒

對於刀戰/劍戰來講係一招幾有用 ge 招 ~ 出左呢招之後, 下一 round 就會冇左盾牌技巧 (格擋等等), 而且本身個人的閃躲率都會下跌 ~ 不過, 呢招開始會有一定機會附加定人效果, 都算係一個安慰 ~ (呢招係刀戰/劍戰可以定人 ge 招)

要將衝擊練到 40 lv 先有呢招, 唔洗學 ~ 不過真係需要 d 時間去練 ~

打出來數字 = 普通傷害 X 1.8

7. 格擋

呢招, 一做戰士就會有, 其實就係用盾牌來阻擋攻擊, 打中 ge 時候, 就會出現 'Block' 呢個字 ~

8. 保護

呢招要等到格擋 15 lv 就會有 ~ 用處就係保護自己一個組員, 當個組員受到攻擊的時候, 你就會走到他身邊, 幫他 '食' 左敵人呢招攻擊 ~ 不過, 魔法攻擊就冇得保護 ~

9. 還擊

呢招要等到格擋 30 lv 就會有 ~ 而且就會取代格擋, 即係話, 唔會再出現 'Block' 呢個字, 而係反擊出去 ~

對敵人傷害大概為 : 基本傷害 / 10 (所以, 基本上都係廢招一名)

作者: steven88hk 時間: 2009-8-14 18:42:38

好啦, 講完啦 ~ 以上就係戰士系的特點分析 ! ~ 跟住, 就講下點升個勁戰士啦 ! ~

無他 ge ~ 戰士, 有體裝的話, 就由 1 lv 開始加敏捷 ~ 玩全敏捷戰士就可以啦 ~ 冇的話, 頭 10 lv 加下體質 ~ 咁你 D 血都可以有返咁上下 ~

之後收返個分子武器 ~ 咁你個戰士就基本成形架啦 ~ 當然, 都要埋寵物配合啦 ~ 用咩寵 ? ~ 等我話比大家聽啦 ~ ^^ ~

寵物篇

戰士寵物無非都係以下呢幾個 ~

力量寵 + 體質寵 + 智慧寵 + 火智慧寵(上 23 用) + 推車寵 ~

力量寵

力量寵好重要 ! ~ 因為戰士的攻擊力, 主要睇個力量寵 ! ~ 所以, 一個好 ge 戰士, 一定要個力量寵 ! ~

力量寵選擇 :

低下階層用火飄蟲係一個 OK 的選擇 ~ 雖然唔係一個好純力 ge 寵, 但是, 到你 40 lv 前, 都應該夠用 ~

稍微有 D 錢啦 ~ 2 lv 石寵, 火老虎, 都唔錯 ~

或者, 火骨頭都得 ~

咁再有 D 錢啦 ~ 3 lv 石寵, 火劍, 係最好選擇 ~

如果, 你想要 D 靚 D 的寵 ~ 稀寵就莫過於火歐拉啦 ~

又或者, 你再要 D 特別 D ge ~ 就火鹿啦 ~ 夠可愛 ~

好啦 ~ 到你開始富有 ~ 就要合寵啦 ! ~ 因為, 火系始終會比水克住 ! ~ 所以你需要合一隻光/暗系力寵 ~

但是, 光/暗從來沒有野生就純力的 ~ 所以, 我地就需要用到 : 奧秘, 核心, 幻營來合啦 (價錢由高到低排, 前兩個成功率 100%, 幻營有可能失敗 ~)

我個人比較鍾意歐拉 ~ 所以合左只全力暗歐拉 ~

或者合隻光大鬼都唔錯 ~ 因為有三連 ~

跟住, 我就合左只光鴨比我隻幻師 ~

或者, 雙核心霸王龍 XD ~

咁呢 ~ 你有左光/暗系力寵之後, 你就可以話唔洗擔心屬性相克的問題 ~ (不過, 如果你係劍戰, 70 lv 招龍翔閃係唔計屬性, 所以, 我只劍戰用火力都冇咩大問題)

作者: steven88hk 時間: 2009-8-14 18:43:10

因為力量寵太重要, 所以我花左好大篇幅講 ~

跟住就係體質寵 ~

體質寵

同樣地, 冇錢, 點算呢 ? ~

唔怕 ~ 體質寵大把有得選擇 ~ 1 lv 石寵 ~

首先就係金銀城外的金艾波 ~

或者南綠野的綠螃蟹 ~

有 D 錢啦 ~ 就 2 lv 石寵 ~ 唔洗問, 更係佢 ~

派艾波 ~

一唔係就木貝 ~

基本上, 體寵唔太重要, 有得回春同轉換就基本上足夠啦 ~ 如果可以有埋推車呢 ~ 仲可以做埋肉墊比人打添 ~ XD ~

咁呢, 肉墊推車全體寵, 相信一定有佢份啦 ~

木禰猴 ~

跟住, 如果大家有返 D 錢啦 ~ 就合個全體光/暗寵 ~ 同樣道理 ~ 光/暗野生冇純體 ge ~ 所以一定要用道具合 ~

因為, 體寵唔太重要, 所以我只合左隻, 暗貝 ~

其實, 體寵, 對於戰士來講只不過係附屬品 ~ 遠不及力寵重要 ~

跟住, 我地就講下智慧寵啦 ~

智慧寵

智慧寵, 無非都係用來賜福, + 幸運, 方便打寶而已 ~

另外, 智慧寵將會用到係, 捉寵的時候落毒啦 ~ (因為暗師落毒會毒死 ~ 但是寵物落毒, 會毒到得返 1 滴血, 唔會毒死, 方便捕捉)

仲有就係攻城時候, 用來降命中率啦 ~ 就係咁多 ~

所以, 智慧寵, 其實, 一隻暗羊, 已經足夠啦 ~

或者, 墨汁毛毛蟲都係一個唔錯的選擇 ~

好啦 ~ 如果有錢 D, 4 lv 石寵, 就暗精靈啦 ! ~ 超可愛的呢 ! ~

好啦 ~ 智慧寵對於戰士來講, 不太重要, 所以簡單介紹幾隻就夠啦 ~

跟住, 就係

火智寵

點解要特別講呢 ~ 因為, 如果你有上開 23f 的話, 火智寵一定唔少得 ! ~

而且, 係童話裡面, 冇火寵係野生就純智慧的 ~ 所以, 一定要道具來合 ! ~

咁我簡單介紹兩個 ~

第一個就係我用幻營合 ge 火貓頭鷹 ~

因為貓頭鷹本身都比較智慧 ~ 所以, 我合呢隻出來, 之後成長都唔算差 ~

跟住第二隻就係, 我用奧秘合出來 ge 拉拉鹿 ~

呢個對於戰士來講比較好用 ~

因為鹿系本身有 6 格技能, 全童話最多 ~ 之後, 又可以推車 ! ~ 跟住用奧秘合個拉拉舞入去 ~ 又可以加攻, 又可以消融 ! ~ 而且仲係火系全智喔 ! ~ 簡直係完美 ! ~

不過要注意一點就係, 奧秘合入去果個技能, 都算係一個技能格 ~ 所以, 最多另外可以學多 5 種技能而已 ~ 但是, 奧秘合入去的技能, 不會因為寵物降級而消失 ~ 呢樣好啊 ~ ^^

咁, 基本上, 戰士, 有隻呢隻鹿 ~ 之後加個純力寵 ~ 單上 23f 就應該冇咩大問題啦 ~

最後, 就係推車寵啦 ~

推車寵

其實都冇咩特別 ~ 之前已經講左啦 ~ 推車寵主要分三類 ~

第一類係全體型, 放出來挨打 ~ 就好似上面提到的木禰猴 ~

第二類就係火智型, 上 23f 用 ~ 主要功能為放消融 ~ 就好似上面提到的拉拉鹿 ~

技能表 :

第三類就係功能類, 例如 : 有拉拉舞的寵用來加攻, 或者有浪之舞的寵用來減攻, 或者有冰刀術的寵用來定人, 等等 ~

而綜合以上條件, 個人認為, 河童, 絕對係一個唔錯的選擇 ~ !

好啦 ~ 戰士攻略就到此為止啦 ~ 大家都升返個超級戰士啦 ! ~ ^0^ ~

睇完記得回帖啊 ! ~ >0< ~

[ 本帖最後由 steven88hk 於 2009-8-15 00:36 編輯 ]

作者: 囧仔 時間: 2009-8-14 22:03:40

好長~~
不過都幾長細~=]
可唔可以講點先易d升技XD

作者: NAOKI 時間: 2009-8-15 17:29:51

閣下文章雖詳細,但我有部份確實不了解,
閣下大劍帳號100lv四百多敏,,
轉生三次才有這結果..
但我亦有玩格鬥,轉生了兩次,沒有用任何藥丸去調整屬點,
現時基敏也有400,何況,在童話當中誰不是普通人?
童話中設有藥丸,藥水,裝備自然是供人使用,
若閣下認為普遍人無能力負擔,那閣下轉生次數三次,再加上升等級的價錢,
所認為的普通人也無力負擔,
由於本人亦頗為資金短缺,所有帳號人物也沒有使用藥丸,亦不需要去到100lv才有4XX敏
另外順帶一提,999999只不過是立體字上的數字上限,若是普通的紅字,早已突破過百萬
以下的意見不是作針對,
作為一為記者,不論是否見習,
也不應該作某些的挑釁暗喻字句,
例如:唔似得某D人
說者雖無心,聽者但有意

[ 本帖最後由 NAOKI 於 2009-8-15 17:32 編輯 ]

作者: steven88hk 時間: 2009-8-15 19:05:30

原帖由 NAOKI 於 2009-8-15 17:29 發表
閣下文章雖詳細,但我有部份確實不了解,
閣下大劍帳號100lv四百多敏,,
轉生三次才有這結果..
但我亦有玩格鬥,轉生了兩次,沒有用任何藥丸去調整屬點,
現時基敏也有400,何況,在童話當中誰不是普通人?
童話中設有藥丸,藥 ...

我冇其他意思 ~ 我講某 D 人, 係特指某些用裝備/藥水調高自己敏捷來炫耀的人 ~

根本就唔係佢自己本身就有千幾基敏, 咁又咩好炫耀 ? ~

再者, 我呢個係以前冇體裝等升上來 ge 老帳號 ~ 當年會加咩 ? ~ 體, 力, 敏 ~

試問, 當年加體力敏升上來轉生 ge 人 ~ 同你一開始就全加敏升上來當然係有分別啦 ~

仲有數字問題, 呢個你以為我唔知 ? ~ 相信, 我玩童話 ge 時候, 你都唔知係邊 ~

我親眼睇住童話長大, 改版, 沒落 ~

我唔係針對任何人 ~ 我只是想話, 係童話, 過千敏, 唔係一個普通人可以升到 ~

冇必要拎出來 "曬" ~ 就係咁簡單姐 ~

你有你睇唔過眼 ge 事 ~ 我都有我睇唔過眼 ge 人 ~ 大家河水不犯井水 ~ 我唔知點解你就係入來針對我 ~

作者: NAOKI 時間: 2009-8-15 19:22:30

原帖由 steven88hk 於 2009-8-15 19:05 發表

我冇其他意思 ~ 我講某 D 人, 係特指某些用裝備/藥水調高自己敏捷來炫耀的人 ~

根本就唔係佢自己本身就有千幾基敏, 咁又咩好炫耀 ? ~

再者, 我呢個係以前冇體裝等升上來 ge 老帳號 ~ 當年會加咩 ? ~ 體, 力, 敏 ...

睇黎你對我有少少誤解,若果我令到你覺得針對你既先賠個不是,
另外,你開得帖子就應該預左有人回復,但回復唔係支持你既,又唔一定係針對你,係比意見姐,
嗯,無錯,當年的確係體力敏,
但當你講到轉生,我無記錯的話,轉生係近年先開放?
有轉生之前,大部份戰士都已經開始全敏升上去,
我猜測你第一次轉生已經全敏(無理由你轉生後仲會體力敏?時勢早已轉換),都唔會100lv先有4XX敏,
我玩童話既時候係由美人魚年代開始玩,就算比你起步慢,我相信當時我會知道自己"係邊到"
相信睇住童話長大既不只你一人,皇朝亦沒有永遠的興隆,
香港係一個言論自由既地方,每個人都有佢自己覺得自豪既事,
我當年存款只有五千可因,我都已經好自豪,
咁他人把佢自己自豪既事拎出黎同人地分享,
在你眼中卻變成炫耀?
既然你個帖子唔歡迎給予意見者進入,只限於籠絡者,小弟只好退下
一切只不過遊戲,你帖子我沒有看不過眼之事實,
本人不是與誰作過訪問就與誰為伍,路經閣下帖子感趣味,留下片字之言而已

一提:拉拉舞加攻多少係睇隻寵既體,有幾多智都唔關事

[ 本帖最後由 NAOKI 於 2009-8-15 21:53 編輯 ]

作者: SeHelibena 時間: 2009-8-15 23:38:16

我之前都係兩千個有趣度都post過

天空係絕對多過大地

只不過係樓主隻刀新開所以唔夠攻咁解

而且海洋係高攻過鳳翼樓主想既話我可以貼埋出黎

獻多次醜~~

頭3張冇集氣冇消尾3張有集氣冇消

或者果3m2唔算得係咩

但我覺得已經好多

同埋........卡拉除左光水之外合咩系都要ob

所以樓主果隻唔可能係雙核心

而且龍翔中間係6倍其他3隻係4倍中間必中+無視屬性其他3隻計屬性同埋會miss

[ 本帖最後由 SeHelibena 於 2009-8-16 02:51 編輯 ]

作者: 籤嘻 時間: 2009-8-16 17:32:06

樓主應該再多多學習了:lol
希望你下次再出新帖時能夠改善
篇幅長不表示好.用詞都要恰當

作者: wcm6a19 時間: 2009-8-17 17:42:52

值得支持呢~加油啊~

作者: NinoXMarco 時間: 2009-8-19 12:44:35

篇幅長既原因可能係因為太多圖啦
不過寵既排序幾好
由最平去到最貴
技能介紹唔錯
特別係劍戰,我諗我都會開個黎玩
但唯一一樣我想講既野係同其他人一樣
作為一個記者,唔理係唔係見習
都唔應該係篇章報導入面加入一d針對性或者對人地有傷害成份既字眼
我知你唔係想咁講
但一般篇章報導都一定要中肯
所有用既詞都要中性,平衡番篇報導
期待樓主有下一次更好的報導

作者: 紫星 時間: 2009-8-20 04:24:54

支持你,,,,,,加油;P

作者: koko131 時間: 2009-8-21 10:05:14

真係好齊全ar..哈哈..睇完之後都升個劍黎玩下先^^:P

作者: koko131 時間: 2009-8-22 09:17:00

第3篇會寫咩ar?steven88hk...期待中

作者: steven88hk 時間: 2009-8-22 19:10:13

原帖由 koko131 於 2009-8-22 09:17 發表
第3篇會寫咩ar?steven88hk...期待中

冇時間搞 ~ 本身計畫 :

1. 前言 (程式語言為主)
2. 戰士
3. 修士
4. 旅人
5. 教大家用 bug (外掛, 連點等)

不過都完左 ~ 一來冇心機 ~ 二來冇時間 ~

作者: pudding927 時間: 2009-8-22 19:19:40

原帖由 steven88hk 於 2009-8-22 19:10 發表

冇時間搞 ~ 本身計畫 :

1. 前言 (程式語言為主)
2. 戰士
3. 修士
4. 旅人
5. 教大家用 bug (外掛, 連點等)

不過都完左 ~ 一來冇心機 ~ 二來冇時間 ~

哇教大家用外掛
會5會有d無視左遊戲既公平性
外掛本來就吾應該用

作者: SeHelibena 時間: 2009-8-22 20:05:42

原帖由 steven88hk 於 2009-8-22 19:10 發表

冇時間搞 ~ 本身計畫 :

1. 前言 (程式語言為主)
2. 戰士
3. 修士
4. 旅人
5. 教大家用 bug (外掛, 連點等)

不過都完左 ~ 一來冇心機 ~ 二來冇時間 ~

我希望樓主改改刀狂果度

天空打出黎既數值係高過大地

圖我就貼左

最後我希望樓主唔好講到刀戰一文不值其實玩咩職都有佢既樂趣

[ 本帖最後由 SeHelibena 於 2009-8-22 20:07 編輯 ]

作者: steven88hk 時間: 2009-8-22 22:04:04

原帖由 pudding927 於 2009-8-22 19:19 發表

哇教大家用外掛
會5會有d無視左遊戲既公平性
外掛本來就吾應該用

遊戲的公平性視乎 GM 點執法 ~

好簡單, 大家相唔相信童話裡面冇人用外掛 ? ~

我講用法, 又冇叫你用 ~ 最後後果都係你自己負責返 ~

況且, 係童話裡面, 我已經 PM 左 GM 好多次, 話好多人用外掛 ~

點知, 處理到 ge , 廖廖可數 ~

所以我覺得, 如果我可以指出 , D 外掛係點運行的話, 童話方面可以改進下 D 程式, 咁對大家都有好處 ~

作者: steven88hk 時間: 2009-8-22 22:11:00

原帖由 SeHelibena 於 2009-8-22 20:05 發表

我希望樓主改改刀狂果度

天空打出黎既數值係高過大地

圖我就貼左

最後我希望樓主唔好講到刀戰一文不值其實玩咩職都有佢既樂趣

我都話冇時間搞囉 ~

再者, 呢個係你打出來 ge 數據 ~

我篇野係以我自己親自試出來 ge 數據做參考 ~ 寫我自己 ge 感想 ~

你打得多, 係你勁 ~ 我只不過發表下我升左只刀戰, 之後佢 D 技俾我 ge 感覺 ~

我冇必要因為一 D 唔係我親自試過的數據來胡亂改花我個報告

作者: steven88hk 時間: 2009-8-23 01:22:32

原帖由 steven88hk 於 2009-8-22 22:04 發表

遊戲的公平性視乎 GM 點執法 ~

好簡單, 大家相唔相信童話裡面冇人用外掛 ? ~

我講用法, 又冇叫你用 ~ 最後後果都係你自己負責返 ~

況且, 係童話裡面, 我已經 PM 左 GM 好多次, 話好多人用外掛 ~

點知, 處理 ...

再者, 你同我講公平的話, 咁其他人用外掛, GM 唔理, 咁對我地呢 D 唔用外掛 ge 人公平嗎 ? ~

一樣道理 ~

你有疑問, 可以上官網睇下 ~ 懲處名單 2009 年, 只去到 4 月 ~

4 月之後呢 ? ~

GM 都已經闊佬懶理了 ~

咁, 一個一齊玩 ge 遊戲裡面, 人地用, 你唔用, 咁你覺得對邊個唔公平啊 ? ~

作者: 忠仔 時間: 2009-8-23 15:12:22

正呀........good

作者: 忠仔 時間: 2009-8-23 15:13:00

原帖由 steven88hk 於 2009-8-23 01:22 發表

再者, 你同我講公平的話, 咁其他人用外掛, GM 唔理, 咁對我地呢 D 唔用外掛 ge 人公平嗎 ? ~

一樣道理 ~

你有疑問, 可以上官網睇下 ~ 懲處名單 2009 年, 只去到 4 月 ~

4 月之後呢 ? ~

GM 都已經闊佬懶理了 ...

我都覺好唔公平>_<

作者: pudding927 時間: 2009-8-23 19:43:54

原帖由 steven88hk 於 2009-8-23 01:22 發表

再者, 你同我講公平的話, 咁其他人用外掛, GM 唔理, 咁對我地呢 D 唔用外掛 ge 人公平嗎 ? ~

一樣道理 ~

你有疑問, 可以上官網睇下 ~ 懲處名單 2009 年, 只去到 4 月 ~

4 月之後呢 ? ~

GM 都已經闊佬懶理了 ...

處名單 2009 年, 只去到 4 月
吾代表GM封外掛只系封到4月
我印象中之前有D封AC既都吾係即時POST出黎
係遲左幾個月先POST返出黎只系佢地做野效率問題
我相信GM係會做野話晒都係一份工作點都會有職務

我地吾用外掛既人只系希望係童話搵返應有既樂趣
自己親手升1隻AC 親眼打到好寶個份快樂相信比用外掛既人多
你話人用我地吾用就代表吾公平
吾通你見到人地搶野你吾搶又對你吾公平?
我地都只系守規則如果個個都好似你甘諗
用外掛既人咪越黎越多到時童話仲系1隻玩樂既GAME咩

GM捉5到D外掛吾代表佢地1定係無能/吾做野
可能有D醒目D既玩家識避GM(例如公眾假期/放工時間等等)
GM都係一個職業都要放假/休息 D玩家要計得甘好GM都無法
我相信外掛得多都會有1日撞板
就有如做賊既都會有可能失手啦

仲有你前文提到用既後果自負
你甘樣同教一個細路去做賊無分別
我教晒你點樣做賊去偷野行咩路點樣做旦失敗左就自己坐牢啦
如果係甘我地仲洗咩受教育我地應該要識分咩係是咩係非
而吾係去教人做1d吾岩既野

你話講左個架構係點運行希望官方會改進
我認為無論點運行外掛既人都應該吾係到架啦
如果係打怪既 gm只要飛走佢睇佢有無反應/郁5郁等等都已經可以分到
吾需要知道個外掛叫咩名點樣開外掛

歡迎光臨 AGAMES 討論區 (http://61.244.113.49/)