AGAMES 討論區
標題:
(轉貼) 奇異的假期
[打印本頁]
作者:
兔兔
時間:
2009-5-2 04:25:06
標題:
(轉貼) 奇異的假期
去年的聖誕節，我和男朋友一起到深圳遊玩，並且租了一間五星級酒店的房間住了三天，本來開心的假期卻變成一個奇異的假期。
聖誕節當日早上，我和他先去了東莞遊玩，下午四時許才乖車回深圳，吃過晚飯已八時了，我和他便到酒店Check In。之後從接待員手上取過鎖匙，便自行上房間，由於不想行李不多，沒有叫Bell Boy幫手帶上房間，亦是這之旅程失策之處。入到該房，我便急不及待將所有行李袋內的衣物一次過放進抽屜及衣櫃，而他則在檢看電視機等，當一齊已放好，我正想將一些較貴重的物品放進房內的保險箱，才發現房內沒有保險箱，正當十分奇怪之際，他也發現房內竟然沒有雪櫃，洗手間內的壁燈沒有燈罩，電線都露晒出黎，房裡面本來有既晝唔係度，淨係得番d掛晝用既釣，同一度可以穿過隔離房既門(已鎖上)，於是我便打電話到接待處投訴叫佢一係拎番D野上黎，一係就同我換房，間在一陣有幾過Waiters拎番個雪櫃，水杯等比我地，但係個雪櫃係吉既，裡面咩都無，我同男朋友商量過，既然我地都唔會飲裡面D汽水(好貴架) 無所謂啦!於是乎我地沖完涼諗住睇一陣電視就上床訓覺，我就訓近牆，佢就訓近窗口，怪事就係我地睇睇下電視發生，係電視機隔離有張梳妝台，上面有個電話，個電話成晚響，拎起一係無人聽，一係就有兩個鬼佬係度對話緊，好似唔知你係度，一係就話搵胡先生，十分奇怪。
翌日，我地去Reciption投訴，叫佢地check下 D電話線係咪有問題，到左下午，我地食完午飯，諗住返酒店放底D野先再出去玩，一入房無奈，個電話又響，一聽之下原來係有個房務經理打上黎，問我地點入呢間房，我男朋友就好出奇佢咁問，於是他答係琴晚我地Check in冒時候你地DWaiter比鎖匙我地，如果唔係我地點入度房，經理說沒可能給我地呢個房，應該係隔離個房，跟住佢話要上黎睇下間房，佢一上度黎就企係門口同我地對話，唔係好肯行入房裡面，跟住我男朋友拉佢入房，佢就第一時間Check下房裡面度門有無鎖度，跟住就擒擒青行番出門口同我地講間房本來係比酒店d高級員工住既喎，無問題，我同男朋友最初都半信半疑，但係諗住都係住多夜唶，算數啦!點知一到夜晚d怪事又黎。
個晚我男朋友訓度半夜，突然聽到有人敲窗"咯咯，咯咯"，不停咁敲，佢當時都好驚，唔敢去揭開d窗簾睇，因為我地住係十二樓，而成座酒店有三十一層高，出面又無露台，咁會係d咩係出面敲窗呢，佢愈諗愈心寒，但佢又突然間肚痛要去廁所辦公，迫不得意落床去廁所，就在辦公之際，門鐘突然響，由於我正熟睡，所以他急忙走到門口的防盜眼處看看，究竟誰這麼夜按鐘，但是出面根本無人，他便回廁所繼續辦公，突然門鐘又響，出面又係無人，他便匆忙走回床上，以為可以大被蓋頭訓，點知出面繼續敲窗，於是佢成晚都唔敢訓，睇下仲有 d咩動靜，到左第二朝，準備執行李走，我就成日聽到有人敲門，但係出面又係無人，如是者幾次都係咁，我地就快d走去Check Out，更奇既係，我地明明係第一日入黎住既時候，打左兩次IDD番香港，但係佢地居然完全無記錄，仲無收到我地錢，你話奇唔奇？？？
歡迎光臨 AGAMES 討論區 (http://61.244.113.49/)
Powered by Discuz! X2