AGAMES 討論區

標題: 寄居蟹自從轉左新缸後就不斷挖沙,有問題嗎? [打印本頁]

作者: lamxdxd 時間: 2008-12-11 22:19:10 標題: 寄居蟹自從轉左新缸後就不斷挖沙,有問題嗎?

7號係魚街買左個16寸玻璃缸同一包沙...仲有其他基本野
佈置好晒後放隻蟹落去..隻蟹就不斷挖沙..
開頭果1-2日就係個缸左下角度挖左個大約1.5寸深既凹洞藏左自己入去,
冇食野,冇飲水,冇活動過..濕度約6X %,溫度約20度
之後前日就見佢係缸既左上角又挖左個凹洞藏自己入去,同樣冇食過野同活動,
濕度5X - 6X %..溫度唔知(溫度計壞左)
到左今日,拎左佢上手摸下佢之後就放返佢入缸(未拎上手果陣佢係個樹頭度休息),
佢冇耐就落左去海水兜度浸浴..應該浸左5分鐘到..
然後又係個缸既右上角挖凹洞再藏自己入去..
今日換新食物時睇過琴日D食物,有被攝食過既痕跡...

岩岩沖完涼,睇過隻蟹,開頭見唔到佢,之後我拎開舊流木睇...
佢就係舊流木下面挖左一個凹洞藏自己入去..
今次個洞更深,只睇到個螺殼既一小部份,其餘既幾乎比沙遮住..

隻蟹不停斷斷續續咁挖沙同藏自己入去個凹洞,正常嗎?
定係佢就快要脫皮?如果快要脫皮既話咁星期6仲可唔可以加厚底沙?
同埋咁樣洗唔洗放佢入隔離缸?因為打算買多隻灰白陸,如果隻橙紅真係就快脫皮既話驚D新蟹會干擾到橙紅脫皮,最後死亡...

作者: 心亂如茶` 時間: 2008-12-12 16:04:53

係唔係鬧情緒

作者: 水之青龍 時間: 2008-12-12 18:11:46

我啊嫲話脫皮wo!

作者: lamxdxd 時間: 2008-12-12 18:55:32

原帖由 心亂如茶` 於 2008-12-12 16:04 發表
係唔係鬧情緒

鬧情緒...我想如果真係鬧情緒既多數都會裸體/自斷胸足/螫腳......
不過...其實有d懷疑係咪天氣凍..但冇咩可能,依幾日都比較暖,個缸都有20-23度到...
但仲一個可能 - 脫皮
但係要知隻蟹係咪脫皮就一定要睇下佢躲左係沙底有幾耐...
我果隻,係係流木下面果d沙度挖洞,藏自己入去
今次個洞真係超深,就算拎開左舊流木都幾乎睇唔到佢個螺殼

原帖由 水之青龍 於 2008-12-12 18:11 發表
我啊嫲話脫皮wo!

仲要留意多大約4-5日甚至1星期或以上先至知佢係咪脫皮...
但我都覺得有可能係脫皮
依幾個星期開櫃桶拎野都要小心d..唔可以撞到牆..
否則如果真係脫皮既.......................後果可能....................................................
我諗聽日都要去魚街買d補充食物,熱毯...水之你有冇d爬虫類用既熱毯介紹一下=0=""

作者: 水之青龍 時間: 2008-12-13 08:39:38

啊嫲話比佢食,蝦仔或水生浮油物等........

作者: lamxdxd 時間: 2008-12-13 09:16:19

原帖由 水之青龍 於 2008-12-13 08:39 發表
啊嫲話比佢食,蝦仔或水生浮油物等........

餵bbs?(bbs=豐年蝦幼體)
如果餵係超市買到果d急凍既蝦得唔得?
因為bbs係係水度既..而陸寄居蟹唔屬水性,餵佢食bbs驚浸親佢
但係佢都藏左係沙度...如果要餵野比佢食既,就要等佢返上沙面先可以..
同埋如果佢真係脫皮..就要等佢脫皮完成後食完個舊殼,先再餵其他野比佢

作者: 武鬥之神 時間: 2008-12-13 09:36:14

雖然我吾ｇ佢係未要蛻，不過真係要蛻既都係好少時間既事，最緊要係佢蛻完之後好好保護佢，因為岩岩新生既殼係好軟架

作者: 俠客 時間: 2008-12-13 09:41:38

馬騮
off隻戰!!!

作者: 水之青龍 時間: 2008-12-13 10:00:38

原帖由 lamxdxd 於 2008-12-13 09:16 發表

餵bbs?(bbs=豐年蝦幼體)
如果餵係超市買到果d急凍既蝦得唔得?.. ...

you去下金魚街問下D人米ok羅!

作者: 維維XD 時間: 2008-12-13 11:31:33

佢發嬲嘛=3=?
我睇D單張話寄居蟹佢冇光會發嬲

作者: lamxdxd 時間: 2008-12-13 17:12:13

原帖由 武鬥之神 於 2008-12-13 09:36 發表
雖然我吾ｇ佢係未要蛻，不過真係要蛻既都係好少時間既事，最緊要係佢蛻完之後好好保護佢，因為岩岩新生既殼係好軟架

而且依段時間開櫃桶拎野都唔可以震到個缸..否則隻蟹.............................

原帖由 水之青龍 於 2008-12-13 10:00 發表
you去下金魚街問下D人米ok羅!

今日買左一隻由Hikari生產既食品..係南極蝦~~
d南極蝦真係一隻隻蝦乾黎...聞落去都幾香下
希望d蟹會食晒...因為Hikari既依隻食品...
其中豐年蝦,毛蝦,南極蝦都係高鈣食品...對佢地個甲殼都有益
依隻食品,有豐年蝦,赤蟲(紅蟲),蚯蚓,毛蝦,南極蝦5隻種類...
係魚街有得賣..我買果間係係陳記燒鵝隔離間舖買..20蚊
但我覺得都值得買...只要比到營養d蟹就得...

原帖由 維維XD 於 2008-12-13 11:31 發表
佢發嬲嘛=3=?
我睇D單張話寄居蟹佢冇光會發嬲

邊間d單張咁搞笑?
陸寄居蟹係夜行性動物,日頭通常會係洞穴休息..而到傍晚至到夜晚果段時間先會開始活動
因為太陽會曬乾佢地身體裡面既水份而導致死亡..所以單張講既野係未必岩
同埋如果你有養陸寄居蟹既話,個缸千其唔好放係太陽直接射到既地方(原因同上)
仲有如果有關養陸寄居蟹既問題既話就上依個網睇下資料吧
http://www.tonycoenobita.com/index.html

[ 本帖最後由 lamxdxd 於 2008-12-13 17:13 編輯 ]

歡迎光臨 AGAMES 討論區 (http://61.244.113.49/)