AGAMES 討論區

標題: 你不在了...所有事都只能回憶....... [打印本頁]

作者: lamxdxd 時間: 2008-11-22 00:56:20 標題: 你不在了...所有事都只能回憶.......

在遠方的你,不知道你生活得好不好呢?
自從你走左之後...我就變成左一個超級弱+冇記性+做所有事都沒有動力去做的人
心裡一直都只掛住你,想像你正在做甚麼,生活得好不好,幾時先打電話比我,幾時先有得上返網
好無奈...由9月到今時今日..我有幾多次接到你既電話?你在朋友屋企上msn時我問你點解唔打比我..你就答好累...真係咁累嗎?多休息吧...至少你打電話比我時我要聽到你把聲係有精神的...
我想告訴你...其實相集6我已經冇再規劃了...而且還計劃退出影相行列..然後退出曙光
你走左之後..「相集」2字我都一字不提..就算提起這2字,都只會上壇查看以前post的相集...
還記得製作相集5的時候是我每日同你一路吹水,一路做,做好後send比你叫你比意見嗎?
仲記得我果陣又做組長又上壇又同你傾計又整相集5既野...雖然好累...但我仍然覺得好開心
點解開心?其實大部份原因都係因為有你幫我比意見,一齊吹水,一路整一路吹先至整得咁開心..
而且..感覺上我做野既速度都加快左...但現在呢?你不在了...冇人同我一路吹水一路整相集既野,整完之後再比意見,整個相集...變得好悶,連做事速度都變慢..所以我都冇心情做落去了...而影相,而加不用講,我已經好小影,甚至冇影...
沒有你一起,就算開住你隻人一齊影又有乜用?冇左果種開心既感覺..就算我反應幾快,個景幾靚都冇用吧..
就算在相片中不能看到「灰」字...在圖片描述中都好大機會找到這個「灰」字...
正如某人曾經在某回帖中講過「某某人走左之後...lam姐都好似灰左好多甘....」,是的,佢講的的確係事實..但永遠都唔會有人知我有幾灰,點先唔會灰,我係度諗緊乜......可能.........你都未必知我有幾灰,點先唔會灰,我諗緊乜...但我可以講我同你的性格..幾乎一模一樣,1樣咁怕羞,1樣咁沉默,1樣咁鍾意藍色,1樣冇咩朋友
雖然我同你既性格幾乎一樣..但我最初遇上你..你比我既感覺絕對唔係屬於沉默,怕羞果類..反而覺得你好幽默,性格好溫和既人...仲記得你講過你成日都比人以為你係女仔,但我最初識你既時候,你比我既感覺都唔似女仔,反而...你最初識我時就以為我係男仔,正常的,我知大多數的原因..幸好你有一次走埋黎我打緊果度,企係度一陣唔知做咩後..你先知我係女仔...諗返起,都覺得幾有趣的
有一次拎埋你msn後,我地就日日都吹水,就算係d小事都會同對方講..最記得...有一次你話想聽下我把聲,我地就交換左電話...我地第1次傾電話果陣係7月中到係大澳..你記得嗎?果陣大澳落住雨,我一路行,一路拎住雨傘,一路傾..傾得超開心...而我......自從聽過你把聲後就超鍾意你把聲..唔知點解,你扮女仔講野果陣勁可愛..令我開心左好耐,當然,我冇笑到前翻後仰...只係一直咁偷笑...仲記得你話「我仲以為你會覺得好幼稚添」,其實...你係我心目中...永遠都係最可愛既一個,你點幼稚,你點傻..我依然覺得你好可愛
雖然我地2個都係咁沉默,咁小講野...但唔知點解,我做左主動果個..主動同你講野..我發覺,原來大家都有缺點,你被動,我容易火起..你被動,我就主動同你講野,我火起,你就安慰我叫我冷靜......
冇左你...我一直都好想唔玩曙光,但我唔想咁唔負責任,掉低鬼鬼佢地我先默默地繼續玩落去..
升左70後...壓力真係好大,唔開心既日子反而仲多過開心既日子,相反,70前...真係好開心,無憂無慮..過住開心既生活,但....你走左後,比起升左70的壓力仲要大,你走左後,我開心的日子真係1個星期都冇,日日都係度hea,等住你打黎,變得容易x (你想知係咩既就問鬼鬼吧,只有鬼鬼先知),一諗起某d野就會x...成日都想唔玩..但係...我唔玩真係有咁容易?無奈的,我只能繼續默默耕耘,繼續做我的組長..
前日你某fd密隻你隻人仔...佢話你有得上返網,仲開左新msn,真的嗎?點解我加左你我一次都唔見你上過?你在避我嗎?還是真的冇on msn?
其實...我有好多野都冇係依度講..為的就係唔想惹起注意,亦唔想令你唔開心,因為我心裡一直都只想你開心,只要你開心,我已經好滿足了...無論你有幾傻,有幾怕羞,有幾被動...我對你的態度都是不變的
是你...讓我學懂了去關心一個人,是你...讓我感到快樂....
但..........我只能做一個影子,默默地跟著你
只希望你會打電話給我,上msn,過返以前既生活方式就好了...

後來　我總算學會了如何去愛
可惜你早已遠去　消失在人海
後來　終於在眼淚中明白　有些人　一旦錯過就不再 (某歌歌詞,但唔係廣東話,請注意)

[ 本帖最後由 lamxdxd 於 2008-11-22 18:38 編輯 ]

作者: 聲聲 時間: 2008-11-22 10:30:45

睇到好想喊...真ga~愛ge力量可以令1個人堅持到咁耐,做埋D自己覺得悶ge野...(5知用咩形容詞好)
lam姐你比我ge感覺成日都係好開心咁...估5到有咁感性ge一面~
^
(5知用得啱5啱...lam姐不喜勿打...)

作者: 我玩曬 時間: 2008-11-22 10:31:58

lam姐姐
係咪人個人走左@_@?陪唔到你玩你覺得好灰.
唔多想玩梗加唔想影相之類同埋你做開組長@_@
升到70上就冇以前咁開心因為好多好朋友都冇玩曙光所以就少左好多人傾野
(全部個人估下唔喜勿打==)

作者: 吹水仔 時間: 2008-11-22 10:42:01 標題: 回復 3樓的帖子

呢d野係佢篇文到有講到- -
lam~其實我都唔知講咩好- -
不過希望你可以堅持落去...

作者: 武鬥之神 時間: 2008-11-22 10:48:56

感覺上用番書面語會好d

作者: 愉悅鈴鈴=] 時間: 2008-11-22 12:39:52

=OO=..點解...
有D似楓姐既味道==||
/______\v 吾好吾開心,,,LaM姐T3T...

作者: 長風傲天 時間: 2008-11-22 15:35:43 標題: 回復樓主的帖子

佢可能有D事行開左姐...
又或者而家就考試,佢要溫習所以無上...

[ 本帖最後由長風傲天於 2008-11-22 15:58 編輯 ]

作者: 吹水仔 時間: 2008-11-22 16:29:42 標題: 回復 6樓的帖子

講得岩- -
但我地永遠都幫唔到手...

作者: 愉悅鈴鈴=] 時間: 2008-11-22 19:53:23

.___.嗯..
我地只好默默地支持吧,,希望你,,等到..別灰心 =]:kiss2:

作者: 影影 時間: 2008-11-22 21:12:42

lam唔好太難過~
難道你難過佢知道嗎?~
一係你自己打比佢把~
可能真係太多野做姐~
唔洗甘灰= =~
總有一日佢會返黎~
佢又唔係唔要你= =~

作者: lamxdxd 時間: 2008-11-23 01:05:27

原帖由聲聲於 2008-11-22 10:30 發表
睇到好想喊...真ga~愛ge力量可以令1個人堅持到咁耐,做埋D自己覺得悶ge野...(5知用咩形容詞好)
lam姐你比我ge感覺成日都係好開心咁...估5到有咁感性ge一面~
^
(5知用得啱5啱...lam姐不喜勿打...)

有冇咁誇...咁你喊左未- -"?不過我覺得最開心既時候都已經過左
最開心既時候其實係係70之前...唔洗驚升好耐都升唔到,唔洗驚狂死,唔洗驚唔夠錢買裝,唔洗驚收唔到裝,唔洗驚冇組,唔洗驚冇人吹水,唔洗驚比人叫帶升,唔洗驚成日死,唔洗驚成日金.......................仲有好多唔洗驚...........................果陣無憂無慮...先至係最開心既時候..
但70左後就成日都驚死,金,唔夠錢買裝,收唔到裝,冇組,冇人吹水,比人叫帶升........好多野...到70左就成日都驚...如果有得時光倒流既話..我諗我會簡返1年前5x lv果陣...冇人知我係乜水,唔洗驚買唔到裝,係果陣.....仲識到某d fd...好開心........

原帖由 我玩曬 於 2008-11-22 10:31 發表
lam姐姐
係咪人個人走左@_@?陪唔到你玩你覺得好灰.
唔多想玩梗加唔想影相之類同埋你做開組長@_@
升到70上就冇以前咁開心因為好多好朋友都冇玩曙光所以就少左好多人傾野
(全部個人估下唔喜勿打==) ...

請問咩叫「人個人」?我語文能力極低..完全唔知「人個人」係咩黎...
但我想講你講d野都錯晒..「因為好多好朋友都冇玩曙光所以就少左好多人傾野」,我想知邊度有「好多好朋友都冇玩曙光」?有冇d名單比我睇睇?同埋我有幾小同人吹水?我之前成日上黎發帖唔叫吹水咁叫咩?

原帖由 吹水仔 於 2008-11-22 10:42 發表
呢d野係佢篇文到有講到- -
lam~其實我都唔知講咩好- -
不過希望你可以堅持落去...

係冇講到..佢講果d完全錯晒=0=
唔知講咩咁係咁回下就算= =...講真我真係唔想玩...只不過唔玩驚比丹&鬼.........................後果好驚會好嚴重,所以只能默默地繼續玩落去...

原帖由 武鬥之神 於 2008-11-22 10:48 發表
感覺上用番書面語會好d

我覺得如果你咁講不如你試下打一篇咁既野..睇下你有幾好

原帖由 愉悅鈴鈴=] 於 2008-11-22 12:39 發表
=OO=..點解...
有D似楓姐既味道==||
/______\v 吾好吾開心,,,LaM姐T3T...

楓!?哦...我知邊個楓了..鬥魂丫楓!?
不過依種表達方式可能係因為之前係台曙個官方blog度講野,所以先有左依種表達方式
依加作文我都係咁用...
灰.........比天更灰
愁.........比70前更愁
弱.........比他還在時更弱
他.....已成為我的精神支柱..
沒有他,我便會塌下.................
他走了...我比以前還要灰
快樂的日子,還有幾多日?
我..........只能默默地等待他...
我永遠只能做一個影子,跟著他走....

原帖由 長風傲天 於 2008-11-22 15:35 發表
佢可能有D事行開左姐...
又或者而家就考試,佢要溫習所以無上...

我真係唔信測驗會遲到係11月尾測...

原帖由 愉悅鈴鈴=] 於 2008-11-22 19:53 發表
.___.嗯..
我地只好默默地支持吧,,希望你,,等到..別灰心 =]:kiss2:

我的心靈.......只有一種顏色,就是灰色...
「你」不在了...我不能感到快樂......
每天都只能hea..等待時間過去....
「你」(其實解我)要既野得唔到,你鍾意既人得唔到,得到既...就只有「灰」

原帖由影影於 2008-11-22 21:12 發表
lam唔好太難過~
難道你難過佢知道嗎?~
一係你自己打比佢把~
可能真係太多野做姐~
唔洗甘灰= =~
總有一日佢會返黎~
佢又唔係唔要你= =~

其實佢知唔知的?點解又要我打..你又成日要我唱歌.\___/.
緊係你打啦...講真佢太多野做我真係唔多信..日日都會多野做到連msn都唔得閒上?
想知佢做咩做到咁忙連msn都唔上...唔通佢係做生意..24小時都要見客開會約人食飯..連msn都唔上?
總有一日...n年後的吧?你得唔得閒上msn?我比佢新msn你..你試下加佢..睇佢有冇上

作者: ＊緋雪夜＊ 時間: 2008-11-23 01:25:53

琳..點講好呢~
我同你同月使都算係同期識的了
一開始見你地兩個係埋一齊,我都登你地開心
無錯~~相思之苦係好難受的,成日係度諗對方做緊乜..有冇掛住自己咁
我相信月使佢都好掛住你的,不過,可能因一d原因而呢加未同你解釋到
再忍耐下等下嘛,雖然等待係最辛苦最無耐的,但係..冇計的了
其實可以換下角度咁諗..你就當呢個係一個考驗
正所謂~有幾多辛苦~就有幾多幸福嘛>V<
咁兩個人係埋一齊實有好多煩惱~考驗呢d,最緊要係堅持同信念心不變
凡事有兩面睇,你可以唔洗當今次係等耐時間,換過角度,其實你都好期待再次同佢相遇返個一天的來臨
同埋,你同佢,仲有好多屬於你兩個的重要回憶
講真,呢加講乜都冇用,最重要都係你同佢有機會認認真真咁傾返次
咁所有問題都會一掃而空的了~
最後~祝你地白頭到老^^

作者: 涅赤鬼 時間: 2008-11-23 13:50:52

傻女lam
唔好咁灰啊=0=
呀.我都唔知點講好...講d 感性ge野我就會流好多汗>0<
可能月使真係多野做吧..照我所知月使都好似F.4 F.4 應該真係多d野做架啦=0=
其實你都應該打下俾月使問清楚佢啦=0=
希望你地可以好似以前咁咁開心>www<:kiss2:

作者: lamxdxd 時間: 2008-11-23 15:36:21

原帖由 ＊緋雪夜＊ 於 2008-11-23 01:25 發表

琳..點講好呢~
我同你同月使都算係同期識的了
一開始見你地兩個係埋一齊,我都登你地開心
無錯~~相思之苦係好難受的,成日係度諗對方做緊乜..有冇掛住自己咁
我相信月使佢都好掛住你的,不過,可能因一d原因而呢加未同你解釋到
再忍耐下等下嘛,雖然等待係最辛苦最無耐的,但係..冇計的了
其實可以換下角度咁諗..你就當呢個係一個考驗
正所謂~有幾多辛苦~就有幾多幸福嘛>V<
咁兩個人係埋一齊實有好多煩惱~考驗呢d,最緊要係堅持同信念心不變
凡事有兩面睇,你可以唔洗當今次係等耐時間,換過角度,其實你都好期待再次同佢相遇返個一天的來臨
同埋,你同佢,仲有好多屬於你兩個的重要回憶
講真,呢加講乜都冇用,最重要都係你同佢有機會認認真真咁傾返次
咁所有問題都會一掃而空的了~
最後~祝你地白頭到老^^

應該都好似唔知9月定10月識...我只記得你就係係某壇交易時識=0="""
不過...依排玩養魚養蟹...都算係比較開心=口=
仲養養下換埋17.3寸缸...養埋紅麗麗,珠鱗(珠鱗印象中係一種比較難養既魚)...感覺上有d晒錢..
但又真係幾開心....同埋...我發覺隻寄居蟹幾有教育意義..隻野成日爬上屋頂,
之後又跌左落黎(某程度係因為受驚/捉唔穩)..但跌左落黎後冇縮返入去仲繼續爬..無奈
諗到d野..但我語言有限,唔識講..
我同佢既回憶...就係果陣日日吹水,我就玩1心n用,1人n用,挑戰最高極限...佢就一齊吹下水,做埋我秘書(某程度係因為果陣幾乎乜意見都係佢比)..仲有某一次係風鳴度同佢影相..有唔知仙人佢地係度,我地講d肉麻野,仙人佢地就彈返晒出黎..仲話要洗眼= =
同埋牛城果陣...我地2個係牛城2人世界..我就廢到影1張相影成十幾廿n次...搞到佢影影下去左食餅= =
仲有第1次同佢傾電話果陣...佢扮女仔..超可愛>3<
總言之.........好多.............多到我都唔識講...............
不過最令佢自卑既係.........我竟然同佢差唔多高.......................= = (依樣我成世都記得!!)
同佢傾........我想真人傾電話多d.........我打字打到咁快...分分鍾會整到佢lag機xD
白頭到老..望就咁望=0=...但當然最好係咁..

原帖由 涅赤鬼 於 2008-11-23 13:50 發表

傻女lam
唔好咁灰啊=0=
呀.我都唔知點講好...講d 感性ge野我就會流好多汗>0<
可能月使真係多野做吧..照我所知月使都好似F.4 F.4 應該真係多d野做架啦=0=
其實你都應該打下俾月使問清楚佢啦=0=
希望你地可以好似以前咁咁開心>www<:kiss2:

點解要+個「女」字係中間..傻lam咪好=0=""
咁你依加有冇流汗??有流汗既話我上game幫你抹汗...= =
月使今年直頭係f.4...佢之前有同我講過..不過佢同我講話累先唔打黎..
估唔到佢身體仲虧過我...我都冇咁易累:L ..講到依度..唔知點解佢咁似我隻蟹蟹既?
我隻蟹蟹成日都係係倘洞度休息休息...而月使就累到成日都訓..
睇黎我幫隻蟹改錯左名...唔應該叫「無名小蟹」,應該叫「月之使二世」xD
打電話比佢..問題係唔知邊個聽..影都打過比佢...佢話果陣係佢呀媽聽
影就話係佢同學..佢呀媽就問佢貴姓..如果我打既話...遇到同一個情況我會啞左係度的= =
以前咁開心..都係望就咁望...當然唔希望佢繼續仲係咁虧(咁易就累)

[ 本帖最後由 lamxdxd 於 2008-11-23 16:17 編輯 ]

作者: 涅赤鬼 時間: 2008-11-23 17:10:47

原帖由 lamxdxd 於 2008-11-23 15:36 發表

應該都好似唔知9月定10月識...我只記得你就係係某壇交易時識=0="""
不過...依排玩養魚養蟹...都算係比較開心=口=
仲養養下換埋17.3寸缸...養埋紅麗麗,珠鱗(珠鱗印象中係一種比較難養既魚)...感覺上有d晒錢..
但又真 ...

佢呀媽咁好警覺性ge=0=
要問乜水搵佢個仔=.=

作者: 女女 時間: 2008-11-23 18:27:45

我都係比老公唔要
但係我識到淫千
個陣有d灰架
你e家既心情我明架
☆不喜唔好罵☆

作者: lamxdxd 時間: 2008-11-23 22:00:14

原帖由 涅赤鬼 於 2008-11-23 17:10 發表

佢呀媽咁好警覺性ge=0=
要問乜水搵佢個仔=.=

我諗到講係乜水搵佢...我講係曾蔭權個秘書/女搵佢..
反正我都係姓曾= =v
再唔係講佢同班女同學囉...搵佢問功課...最「好學生」既做法

不過呢..我係佢fd度囉到料..佢呀媽只cut左佢2個月寬頻...之後就申請返寬頻比返佢上網..
佢呀媽真係有錢...但又唔見佢有錢買部手提比佢..依加se機都好似千幾蚊...(好似唔知w350i)
仲有我之前申請數碼通台1000分鍾每個月都係9x蚊電話費(好似冇簽約比佢綁,隨時轉得台)...
有幾貴姐...唔得咪最多0機價比佢綁..
(提起換機..我都想換,我部機個記憶卡個卡糟舊膠..比我蚊卡蚊到變晒形=0=)

p.s今日出左mk玩..食壽司食到飽死= =

原帖由女女於 2008-11-23 18:27 發表
我都係比老公唔要
但係我識到淫千
個陣有d灰架
你e家既心情我明架
☆不喜唔好罵☆

佢唔玩先唔要你定係有左新歡先唔要你= =?2個講法..好唔同架wo

歡迎光臨 AGAMES 討論區 (http://61.244.113.49/)