AGAMES 討論區

標題: 新手入門 [打印本頁]

作者: terrytam2010 時間: 2015-2-25 11:20:12 標題: 新手入門

前言:
本篇只供新手參考,如果閣下自問對遊戲已經有一定程度認識,可以按”上一頁”.同埋本人只係一個普通玩家,唔能夠帶到大家成為高手,所以要成為高手可以略過呢篇.

入正題,開左隻人最初最煩當然係配點,所以先講配點.
攻擊配點:優先點傷害,之後爆擊率或速度就自己決定.前期點爆速成效根本不大,即使全點爆速都唔會高.而後期換晒打手裝爆速唔點都有一定程度,所以放心點全傷害吧.
防禦配點:防->血->閃,防禦要優先達到70%以上,之後先開始點血.玩閃基本上等於自殺,即使後期副本王怪命中率超高,有95%閃都作用不大.要玩閃係建基於防禦同血量已達一定程度先可以玩.到左後期裝備沖高左及換了橙霸體後,防禦已足夠就可以改配點為全血.

配裝:
響星砂主線完成前,用”祝福”字頭藍裝可以幫助加快升級,只打單人副亦足夠.但如果對自己技術無信心,可以精鑄整裝.遠攻職業建議40級後可以更換40級伏擊者上身,呢2件其實可以用到80級先再換.
而解完晒星砂主線之後,等級差不多應該61級了,再用藍裝打62只有死路一條.有錢既可以更換噬魂裝,冇錢既就用60級綠裝5星吧.
到左70級就要準備更換狙擊裝全套,唔好再用綠裝5星了.請記住:呢隻game坦裝無用論,忘掉有坦裝存在.除左琴,其他職只用打手裝就夠.
選擇裝備前,要注意套裝效果,見過好多新手一件綠一件橙,咁樣係無用的.上身同下身要用返一整套.

秘石:
防禦裝備秘石可以到聖城最右上角找自己職業商人以500銀一粒購買.除左特殊喜好之外,請不要用紅色秘石,而秘石屬性最好洗到有”造成傷害2%”.運氣好及有財力可以洗雙屬石,新手冇錢就盡量用”造2”及”對暗屬性怪物傷害5%-7%”,呢隻game暗屬性怪特別多,用暗屬石可以另輸出高少少.
武器石就盡量選擇溶岩秘石,冇錢就暫時用迅風秘石吧.打手盡量選擇返打手秘石.

練功:
一開始跟住主線一直解完星砂約61級,之後就可以搵團打62升級(6個異界副本簡稱為62,異界白石,微光,奇蹟5人及地獄)
異界5人每2小時重置,地獄每3小時重置(3小時係指每日3點,6點9點……而唔係計你入副之後3小時)
除左打62,可以去返之前地圖接每日任務及米歐拉任務(板任,每日限做5個)
另外亦可去高原及大雪嶺解章任換奧義.
升到65級左右就去解彩菇同綠水主線,解完應該夠66級可以跟團打668.
69級就去解隕星同冰原主線.
我之所以建議推遲解主線係因為新手剛上60級好多裝備未整好,解主線打怪會有點耐,而早解主線又未夠等級入副本都係無用.
69級前搵團可能會有困難,不竟新手較少,所以最好入公會搵公會朋友帶打副.

打王技巧:
作為一個新手,技術當然由細開始練習比較好啦.呢隻game最重要最重要最重要(因為真係最重要,所以要講3次)就係”跳打”.除左戰弓外,所有職都應該練習跳打.
先按”空白鍵”跳起,再按”攻擊技能”就係”跳打”.
“跳打”好處係使用技能後會加入普攻,令到輸出增加.另外亦可以令到一些技能硬直時間取消,方便閃紅走位.
另一樣就係掌握背擊王怪,當王怪使用技能時,走到王怪後面背擊可以增加傷害.另外善用源神牽引之後走去王後亦可.

最後補充:
要打怪打得痛,造傷,屬傷,表傷,爆傷缺一不可.見過好多斧頭成日吹自己表傷多高,但實際打怪都唔夠其他職痛,只注重表傷其實等於智商低,成隻game一定係斧最高表傷,沒有之一.根本就唔使成日話自己高表傷.正如遠攻職表傷最高一定係火炮一樣.但火炮係咪遠攻職最強,火炮玩家心中有數.

作者: 白雪限定 時間: 2015-3-14 16:39:12

好有心機

作者: 封筆 時間: 2015-3-14 18:44:21

歡迎光臨 AGAMES 討論區 (http://61.244.113.49/)